In vigore al

RICERCA:

Ultima edizione

a) Lege provinziala di 18 de jügn 2002, n. 81)
Desposiziuns sura les eghes

Visualizza documento intero
1)
Publicada tl supl. n. 2 dla G.O. dl 2 de messè 2002, n. 28.

Art. 2 (Definiziuns)  delibera sentenza

(1)  Aladô de chësta lege capëscion sot a:

  • a) "eghes": la plöia, les eghes de suraspersa y les eghes de sotfunz:
  • 1) “eghes de suraspersa”: les eghes internes, ater co l'ega de sotfunz;
  • 1.1 "lech": n corp idrich de suraspersa chit;
  • 1.2 “rü”: n corp idrich intern che rogor dantadöt sura tera ia, mo che pó ince rogoré en pert sot tera ite;
  • 2) "eghes de sotfunz": dötes les eghes che é sot tera ite tla zona de saturaziun che á n contat diret cun le terac o le sotterac;   2)
  • b) "corp idrich": n corp dles eghes de surapersa y de sotfunz separat y omogen, sciöche na condüta d'ega de sotfunz, n lech, n resservar dal'ega artifizial, na gran ega, n rü o n canal o pert de na gran ega, de n rü o de n canal; al vëgn desfarenzié danter:
  • 1) "corp idrich de suraspersa": n toch dles eghes de surapersa omogen y significatif, sciöche n lech, n resservar dal'ega artifizial, na gran ega, n rü o n canal o pert de na gran ega, de n rü o de n canal:
  • 1.1.“corp idrich artifizial”: n corp idrich de suraspersa chit cherié dal'ativité dla porsona;
  • 1.2. “corp idrich mudé dassënn": n corp idrich de suraspersa che é gnü sostanzialmënter mudé te so ester, do da mudaziuns fisiches a gauja dl'ativité dla porsona;
  • 2) "corp idrich dl sotterac": n volum delimité de eghes de sotfunz te öna o plü condütes dal'ega de sotfunz:
  • 2.1 "condüta dal'ega de sotfunz": un o plü strac sot tera de pera o d'atres formaziuns geologiches cun porosité y permeabilité che basta por che les eghes de sotfunz pois passé o por l'estraziun de de gran cuantités de ega de sotfunz; 3)
  • c) "raiun idrografich": n raiun olache al röia adöm dötes les eghes de suraspersa tres de gran eghes, rüs y eventualmënter lec te n punt determiné te n decurs dal'ega; 4)
  • d) “obietif de cualité ambientala”: obietif da arjunje por l´ega che vëgn determiné dala situaziun ecologica y chimica por ći che reverda les eghes de suraspersa y dala situaziun cuantitativa y chimica por ći che reverda les eghes de sotfunz;
  • e) “obietif de cualité por destinaziun d´adoranza particolara”: obietif de cualité da arjunje por l´ega a na manira da garantì na destinaziun d´adoranza dl´ega particolara;
  • f) “incuinamënt”: desćiaria de sostanzes o energia fata diretamënter o indiretamënter dala porsona tles eghes y che mëte en prigo la sanité dla porsona, fej dann ales creatöres y al sistem ecologich dles eghes, smendrësc l´atrativité dl´ega y arfera d´atres adoranzes legitimes dl´ega;
  • g) “desćiaria”: vigni rovenüda direta tres condüta dles eghes pazes de ćiasa, industriales o comunales te eghes de suraspersa, de sotfunz, sön le terac o tl sotterac, tla rëi de canalisaziun mo inće tles sarenares por le deflus comunal; dala noziun de desćiaria é stlütes fora les rovenüdes dles eghes aladô di articui 42, 44, 46 y 49;
  • h) “canalisaziun despartida”: la rëi de canalisaziun che é fata de döes condütes: öna na condüta canalisëia ma l´ega de prezipitaziuns y po ester dotada de sistems por la racoiüda y la despartida dla pröma ega de plöia y l´atra canalisëia les atres eghes pazes adöm a eventuales prömes eghes de plöia;
  • i) “eghes de desćiaria”: dötes les eghes pazes che provëgn da na desćiaria
  • j) “eghes pazes de ćiasa”: eghes pazes che provëgn da raiuns abitatifs y da sorvisc dantadöt de derivanza dla porsona y da ativitês de ćiasa y inće da insediamënć de produziun che porta pro a che à eghes pazes assimilables a chëres de ćiasa odüdes danfora dal’injunta L; 5)
  • k) “eghes pazes comunales”: le moscedoz de eghes pazes de ćiasa, eghes de industries o de prezipitaziuns te rëis de canalisaziun che po inće gnì abinades sö separatamënter y provëgn da n´aglomeraziun; 6)
  • l) “eghes pazes industriales”: vigni sort de eghes pazes desćiariades da stabilimënć o implanć olache al vëgn fat ativitês comerziales o de produziun de bëgns tan inant che ara ne se trata nia de eghes pazes de ćiasa o de eghes de prezipitaziuns;
  • m) “aglomeraziun”: raiun olache la popolaziun y les ativitês economiches é assà, a na manira che al é conzedü da n punt d´odüda tecnich y inće economich, en referimënt ai vantaji dl ambiënt che an po arjunje, da cöie adöm y desvié les eghes pazes comunales te na sarenara dles eghes pazes comunales o tl vers de n post de desćiaria final; 7)
  • n) “rëi de canalisaziun”: le sistem de condüta y implanć por cöie adöm y desvié les eghes pazes comunales;7)
  • o) “1 a.e. (abitant ecuivalënt)”: ćiaria organich-biologica scomponibla cun n bojëgn d´ossigenn biochimich te cin dis (BOD5) de 60 g de ossigenn al dé;
  • p) “sarenara”: totalité de costruziuns y implanć che garantësc n tratamënt adatè dles eghes de desćiaria tut ite inće le tratamënt dl paltan denant che al vëgnes reutilisé o desmandrè;
  • q) “tratamënt adatè”: le tratamënt dles eghes de desćiaria tres na prozedöra o n sistem de desmetüda che garantësces che les eghes rezipiëntes corespognes do la desćiaria ai obietifs de cualité o che la desćiaria corespognes ales desposiziuns de chësta lege;
  • r) “tratamënt primar”: tratamënt dles eghes pazes de ćiasa y de comun tres na prozedöra fisica y chimica olache les sostanzes che sta suraìa se lascia jö o tres d´atres prozedöres pro chëres che – en referimënt ai valurs d´aflus - le BOD5 vëgn smendrì de almanco 20 por cënt dan dala desćiaria y dötes les atres sostanzes dles eghes pazes che sta suraìa de almanco 50 por cënt;
  • s) “tratamënt secundar”: tratamënt dles eghes pazes de ćiasa y de comun tres na prozedöra de sarenaziun biologica cun na depuraziun secundara o n´atra prozedöra che garantësces al deflus la conformité cun i limi d´emisciun aladô dla injunta A o B;
  • t) “paltan de sarenara”: le paltan tratè o nia tratè che vëgn fora dles sarenares;
  • u) “valur limo d´emisciun”: limo de azetabilité mascimal de na sostanza incuinanta contignida te na desćiaria che vëgn mosorada en conzentraziun o en pëis por unité de produt o unité de materia pröma laurada fora o en pëis por unité de tëmp; 8)
  • v) “aplicaziun al terac”: trasport de material sön le terac tres la sternüda sön la suraspersa dl terac, l´inieziun tl terac, le curì pro cun tera y le moscedè cun i strać superfiziai dl terac;
  • w) “utilisaziun agrara”: l´aministraziun dles eghes de bestiam, dles eghes pazes fora dles aziëndes agricoles y fora de pices aziëndes por l´elaboraziun de produć agricoi, dala produziun ćina al´aplicaziun al terac cun l´obietif d´adorè sostanzes nudritives y de mioramënt dl grunt contignides te chëstes eghes o cun funziuns d´inagaziun o d´inagaziun x) che inculta;
  • x) “coltöra artifiziala”: vigni coltöra che vëgn prodüta tres na prozedöra industriala;
  • y) “eghes de bestiam”: escreziuns de bestiam o n moscedoz inanter sternüda y chëstes escreziuns, inće sot forma de n produt trasformè;
  • z) “coltöra”: vigni sostanza che contëgn öna o plü combinaziuns d´azot y vëgn sternüda fora sön le grunt por stimulè le crësce dla vegetaziun; laprò âldel les eghes de bestiam, les eghes fosces che provëgn da aziëndes agricoles y da aziëndes por l´elaboraziun de produć agricoi, i resć fora dl zidlamënt de pësc y i paltans aladô dla lëtra t);
  • aa) “stabilimënt industrial” o scemplamënter “stabilimënt”: vigni frabicat o istalaziun olache al vëgn pratiché ativitês comerziales o industriales che porta ala produziun, ala trasformaziun o al´utilisaziun dles sostanzes aladô dles injuntes D y E o vigni atra prozedöra produtiva che comportes la presënza de de te´sostanzes tla desćiaria.9)
  • ab)"eghes minerales y termales": les eghes minerales naturales preodüdes dal articul 13 dla lege provinziala di 30 de setëmber dl 2005, n. 7, adorades por fins conzedüs dala medema lege. 10)
massimeCorte costituzionale - Sentenza N. 315 del 30.11.2009 - Tutela delle acque, dell'aria e del suolo - gestione dei rifiuti - competenza statale in materia di tutela dell'ambiente
2)
La lëtra a) dl art. 2, coma 1 é gnü naota sostituí dal art. 6, coma 1 dla l.p. di 17 de otober dl 2019, n. 10, y spo dal art. 14, coma 1 dla l.p. di 27 de merz dl 2020, n. 2.
3)
La lëtra b) dl art. 2, coma 1 é gnüda sostituida insciö dal art. 6, coma 1 dla l.p. di 17 d’otober dl 2019, n. 10.
4)
La lëtra c) dl art. 2, coma 1 é gnüda sostituida insciö dal art. 6, coma 1 dla l.p. di 17 d’otober dl 2019, n. 10.
5)
Le test todësch dla lëtra j) dl coma 1 dl art. 2 é gnü sostituì insciö dal art. 14, coma 1, dla L.P. di 10 de jügn dl 2008, n. 4.
6)
L'art. 2, coma 1, lëtra k) é gnü sostituì insciö dal art. 14, coma 2, dla L.P. di 10 de jügn dl 2008, n. 4. La Curt Costituzionala à detlarè cun sentënza 315 di 30.11.2009 inamissibla la chestiun de legitimité costituzionala dla lëtra k) nöia.
7)
L'art. 2, coma 1, lëtres m) y n) é gnüdes sostituides insciö dal art. 14, coma 3, dla L.P. di 10 de jügn dl 2008, n. 4.
8)
Le test talian dla lëtra u) dl coma 1 dl art. 2 é gnü sostituì insciö dal art. 14, coma 4, dla L.P. di 10 de jügn dl 2008, n. 4.
9)
Le test todësch dla lëtra aa) dl coma 1 dl art. 2 é gnü sostituì insciö dal art. 14, coma 5, dla L.P. di 10 de jügn dl 2008, n. 4.
10)
La lëtra bb) dl coma 1 dl art. 2 é gnüda injuntada dal art. 14, coma 6, dla L.P. di 10 de jügn dl 2008, n. 4.
ActionActionNormativa Costituzionela
ActionActionLegislazion Provinziela
ActionActionI Alpinistica
ActionActionII Lëur
ActionActionIII Mineres
ActionActionIV Chemuns y cumenanzes raioneles
ActionActionV Furmazion prufescionela y adestramënt al lëur
ActionActionVI Defendura di teraces, frabiches per l’ega
ActionActionVII Energia
ActionActionVIII Finanzes
ActionActionIX Turism y ndustria d’albierch
ActionActionX Assistënza y benefiziënza
ActionActionXI Ustaries
ActionActionXII Nuzënzes ziviches
ActionActionXIII Urdinamënt di bòsc
ActionActionXIV Sanità y igena
ActionActionXV Nuzeda dl’eghes
ActionActionXVI Cumerz
ActionActionXVII Artejanat
ActionActionXVIII Liber fundier y cataster
ActionActionXIX Ciacia y Pëscia
ActionActionXX Prutezion contra l meldefuch y prutezion zevila
ActionActionXXI Scolines
ActionActionXXII Cultura
ActionActionXXIII Ufizies provinziei y personal
ActionActionXXIV Defendura dla cuntreda y dl ambient
ActionActionA A – Mpaziamënt dl terac y smaltimënt dl refudam
ActionActionB B – Defendura dla cuntreda
ActionActionC C – Mpaziamënt acustich
ActionActionD D – Mpaziamënt dl’aria
ActionActionE E – Defendura dla flora y fauna
ActionActionF F – Mpaziamënt dl’ega y smaltimënt dl refudam luter
ActionActiona) Lege provinziala di 18 de jügn 2002, n. 8
ActionActionPrinzips generai y competënzes
ActionActionArt. 1 (Obietifs)  
ActionActionArt. 2 (Definiziuns)
ActionActionArt. 3 (Dovëis dla Provinzia)  
ActionActionArt. 4 (Dovëis di comuns)
ActionActionArt. 5 (Le sorvisc de canalisaziun y de depuraziun integrè)
ActionActionUtilisaziun dles ressurses idriches
ActionActionSconanza dles eghes
ActionActionSuraverda y desposiziuns finales
ActionActionInjunta A
ActionActionInjunta B
ActionActionInjunta C
ActionActionInjunta D
ActionActionInjunta E
ActionActionInjunta F
ActionActionInjunta G
ActionActionElemënć y sostanzes chimiches che vëgn conscidrà da tosser a gauja de süa tossizité, persistënza y bioacumulaziun. (1) (2)
ActionActionInjunta I
ActionActionInjunta L
ActionActionFrabicać y desćiaries de eghes pazes de competënza dl ombolt
ActionActionG G – Valutazion dla fazion sun l ambient
ActionActionH H – Prutezion di tieres
ActionActionXXV Agricultura
ActionActionXXVI Lernerat
ActionActionXXVII Fieres y marceies
ActionActionXXVIII Lëures publics
ActionActionXXIX Manifestazions publiches
ActionActionXXX Raiun y contrada
ActionActionXXXI Cuntabltà
ActionActionXXXII Sport y tëmp liede
ActionActionXXXIII Stredes
ActionActionXXXIV Trasporc
ActionActionXXXV Istruzion
ActionActionXXXVI Patrimone
ActionActionXXXVII Economia
ActionActionXXXVIII Frabiché abitatif
ActionActionXXXIX Leges cun desposiziuns desvalies (Omnibus)
ActionAction*
ActionAction*
ActionAction*
ActionActionIndesc cronologich