a) Lege Provinziala di 29 de jenà dl 2002, n. 11)
Normes tla materia de bilanz y de contabltà dlaProvinzia autonoma de Bulsan

(1)La leges provinzieles che cumporta spëises nueves o sëurora o de mëndra ntredes ndichea l amudlé y la curidura finanziera per uni un di eserzizies preudui tl bilanz de previjion. 7)

(2) Per i fins nunziei tl coma 1 vëniel njuntà ai dessënies de lege de scumenciadiva dla Jonta provinziela, da pert dl propunënt, na relazion tecnica tlarienta dla spëises nueves o majeres o dla mëndra ntredes y dan l’apurvazion da pert dla Jonta provinziela iesi sometui al’ejaminazion di aspec finanzieres da pert dla Repartizion provinziela Finanzes, che lëura pona ora la normes finanzieres curespundëntes. Per i dessënies de lege che ne ie nia de scumenciadiva dla Jonta provinziela porta la Repartizion nunzieda a esprescion n bensté sun l’adecuatëza dla curidura finanziera relativa, sun dumanda dla cumiscion legislativa cumpetënta dl Cunsëi provinziel, al Presidënt dla Provinzia o al Assessëur provinziel per la Finanzes, y chësc tl lim de tëmp de 15 dis dala dumanda nstëssa.

(3) La curidura finanziera dla leges provinzieles che cumporta spëises nueves o majeres o de mëndra ntredes vën determineda nsci:

1. tres mudazions de lege che cumporta ntredes nueves o majeres;
   
2. tres la reduzion de stanziamënc udui danora da despusizions legislatives de spëisa da dant;
   
3. tres l’adurvanza d’amudledes scrites ite ti fonds speziei preudui dal articul 49 dl decret legislatif di 23 de juni 2011, n. 118.  8)
   

(1)I criteres per l’atribuzion di vantajes economics determinea per i pruvedimënc d’erogazion, che cumporta spëises a cëria dl bilanz dla Provinzia, i tiermui te chëi che n muessa se cruzië di ademplimënc che ie de bujën, i pruvedimënc che se porta pro sce chisc tiermui ne vën nia respetei y i caji te chëi che l possa unì dat despusizion dla revucazion dl vantaje economich.

(2) I criteres per l’atribuzion de vantajes economics de natura curënta o per nvestimënc muessa preudëi che la spëises vënie rendicontedes dal benefizier tl lim de tëmp dl ann do l pruvedimënt de cunzescion o de mputazion dla spëisa, sce defrënt. Canche chësc tiermul o l tiermul plu curt eventualmënter stabilì ie passà zënza che l sibe unit fat la rendicontazion dla spëisa per gauja dl benefizier, nen dà l’unità urganisativa respunsabla dl pruzedimënt la despusizion de revucazion. Per rejons grieves y mutivedes possa l’unità urganisativa respunsabla dl pruzedimënt cunzeder n slungiamënt dl tiermul nchin a mo n ann, ma canche chësc ann ie passà ie l vantaje economich revucà automaticamënter.

(3) I criteres per l’atribuzion di vantajes economics che reverda ativiteies che vën realisedes te n tëmp de de plu ani muessa preudëi che l benefizier mande ite n cronoprogram dl’ativiteies. L benefizier muessa rendiconté la spëisa abuda tl lim dla fin dl ann do n referimënt ala ativiteies singules ududes danora tl cronoprogram. Per la rendicontazion vëniel aplicà cie che ie udù danora tl coma 2.

(4) I criteres per l’atribuzion di vantajes economics che reverda operes o spëises per nvestimënc che vën realisedes te n tëmp de de plu ani muessa preudëi che l benefizier débe sëura na data de scumenciamënt di lëures y che l mande ite n cronoprogram dl’ativiteies. L benefizier muessa rendiconté la spëisa abuda tl lim de tëmp dl ann do n referimënt ala ativiteies singules preududes tl cronoprogram. Per la rendicontazion vëniel aplicà cie che ie udù danora tl coma 2, restan mpe la facultà dl benefizier de purté dant, do la revucazion dl vantaje economich, na dumanda de cunzescion de n vantaje economich nuef per pudëi purté a cuntlujion l’opera o l nvestimënt.

(5) Sce la Jonta provinziela revuchea cuntribuc o alesiramënc bele paiei ora, vën la somes da reter, sce l ne ie nia stabilì autramënter, auzedes di fic legai pian via dala data dl’erogazion.

(6) Nchin al adatamënt di criteres nunziei dessëura ala despusizions de chësta lege vëniel aplicà ai pruvedimënc de cunzescion di vantajes economics chësta despusizions.  11)

(1) Adum cun l’apurvazion dl Documënt tecnich d’acumpaniamënt da pert dla Jonta provinziela apurvea l Diretëur generel la partizion dla categories y di macroagregac te capituli y eventualmënter te articuli, per uni un di eserzizies cunscidrei tl bilanz, che costituesc l bilanz finanzier gestiunel.  14)

(2)  La gestion de uni capitul dl bilanz finanzier gestiunel ie afideda a n sëul zënter de respunsabltà aministrativa che curespuend ala unità urganisativa cumpetënta n basa ala despusizions sun l urdinamënt dla strutura dirigenziela. 15)

(1) L Documënt de economia y finanza provinziela (DEFP) elaburà aldò dl decret legislatif di 23 de juni 2011, n. 118, ndividuea tl particuler – cun referimënt al tëmp de validità dl bilanz de previjion – i obietifs programatics che ie de bujën per ti jì do ala linies strategiches definedes tl Program de legislatura y dà na ndicazion de mascima dl’azions tres chëles che n vëij danora de arjonjer i obietifs nunziei.

(2) Do avëi tëut ite l bensté dl Cunsëi di Chemuns apurvea la Jonta provinziela l DEFP tl lim de tëmp di 30 de juni de uni ann. Dadedò se cruziela de ti fé avëi l Documënt al Cunsëi provinziel che l ejaminea aldò dla pruzedures preududes dal regulamënt intern.

(3) La Jonta provinziela presentea al Cunsëi provinziel, adum cun l dessëni de lege che reverda l bilanz de previjion, na nota d’ajurnamënt dl DEFP nstës. La nota de’ajurnamënt dl DEFP ajurnea y svilupea i cuntenuc dl DEFP. 16)

(1)Tl bilanz iel scrit ite n fond speziel per la reasseniazion de restanzes passives dla spëises per nvestimënc eliminei ti eserzizies da dant per destumeda aministrativa. 23)

(1)  Per fé che la pruzedures de spëisa posse unì dejëutes plu a slune y per schivé che l vënie mantenì tl cont dl patrimone, zënza che l ne fosse de bujën, la restanzes destumedes aministratifmënter, ie la Jonta provinziela autoriseda a cancelé dal cont dl patrimone la restanzes destumedes aministratifmënter n referimënt a:

1. liams de destinazion a cëria de capituli de nvestimënt, che ie unic fac almanco diesc ani dan l ann te chël che la cancelazion vën cumandeda,
   
2. liams de destinazion a cëria de capituli curënc, che ie unic fac almanco diesc ani dan l ann te chël che la cancelazion vën cumandeda.
   

(2)  La somes n cajo retlamedes dai creditëures che ie states oget de cancelazion aldò dl coma 1 unirà inò lascedes pro al paiamënt do l prelevamënt dal fonds de resserva per la spëises de ublianza. 24)

(1) Tl stat de previjion dla spëisa dl bilanz vëniel stanzià i mesuns finanzieres stabilii tl articul 79, coma 1, pustom c) dl decret dl Presidënt dla Republica di 31 d’agost 1972, n. 670, coche partezipazion finanziera dla Provinzia al’avaliazion dla finanza publica da atué tla formes iló stabilides. 27)

(2) Tl stat de previjion nunzià tl coma 1 vëniel nce scrit ite n fond lià ala partezipazion dla Provinzia ala mesures straurdeneres de ressanamënt dla finanza publica. N referimënt ala mesures stabilides dal stat nunziedes dessëura, adotea l assessëur per la finanzes, sun ndicazion dla Jonta provinziela, la variazions dl bilanz che nen derivea tres storno dla somes dai stanziamënc de cumpetënza al fond. La despunibltà che resultea ala fin dl eserzize finanzier vën purteda ala restanza passiva nchin che la mesures de ressanamënt nunziedes dessëura resta valëivles o nchin che l vën arjont l cunsëns sun l’adurvanza dla somes nunziedes. 28)

(3) Tl respet de cie che ie udù danora dal articul 79, coma 4, dl decret dl Presidënt dla Republica di 31 d’agost 1972, n. 670, y mudazions suzessives, adotea la Jonta provinziela, sun pruposta dl Diretëur Generel/dla Diretëura Generela, per seguré l cuncors dla Provinzia y di ënc dl sistem teritoriel provinziel ntegrà ala realisazion di obietifs de cuntenimënt dla spëisa publica, mesures de razionalisazion y cuntenimënt dla spëisa, mpartian ala uniteies urganisatives dla Provinzia y ai ënc ndividuei tl coma 3 dl articul 79 nunzià dessëura istruzions miredes a arjonjer reduzions, nce strutureles, dla spëises, cun atenzion particulera ala spëises curëntes de funzionamënt. 29)

(4) I organs de cuntrol contabl muessa dé sëura, te si protocoi dla sentedes di organs colegiai respetifs, che la istruzions nunziedes tl coma 3 ie unides respetedes da pert dla uniteies urganisatives dla Provinzia y di ënc dl sistem teritoriel provinziel ntegrà.  30)

(5) La somes scrites ite tl bilanz provinziel per la realisazion di ntervënc d’atuazion dl articul 2, comes 107 y 117, dla lege di 23 de dezëmber 2009, n. 191 y dl’acurdanzes de program cheder cun l Stat possa unì cunservedes a restanza per i medemi fins. 31)

(1) L’aministrazions agiudicatëures nunziedes tl articul 2, coma 2, dla lege provinziela di 17 de dezëmber 2015, n. 16, se nuza mé dla convenzions-cheder stipuledes dal soget cumitënt provinziel Agenzia per i pruzedimënc y la verdia tla materia de cuntrac publics de lëures, servijes y furnidures (ACP). La Jonta provinziela apurvea l plann dla compres zentralisedes.

(2) Per i afidamënc de furnidures, servijes y manutenzions de na soma plu bassa dl lim de relevanza comunitera, se nuza l’aministrazions agiudicatëures nunziedes tl coma 1, restan mpe la despusizioins sun l articul 38 dla lege provinziela di 17 de dezëmber 2015, n. 16, coche auternativa al’adejion ala cunvenzions-cheder stipuledes dala ACP y for respetan i parametri relatifs de priesc-cualità coche lims mascims, estlujivamënter dl marcià eletronich provinziel o, tl cajo che l ne fossa degun de cuncorsc d’abilitazion, dl sistem telematich provinziel.

(3) Aldò dla normativa statela spezifica tla materia cumporta la viulazion dla ublianzes nunziedes ti comes 1y 2 la nulità di cuntrac stipulei, la costituësc n reat diszipliner y ie la gauja de respunsabltà aministrativa; oradechël, pervia dl dann patrimuniel, vëniel tenì cont dla defrënzia danter l priesc de agiudicamënt dat sëura tla cunvenzions-cheder y chël dat sëura tl cuntrat.

(4) L plann dla compres zentralisedes nunzià tl coma 1dà oradechël dant la categuries de bëns, servijes y manutenzions sciche nce i lims relatifs, pra l superamënt de chëi che l’aministrazions agiudicatëures nunziedes tl articul 2, coma 2, pustoms a) y b), dla lege provinziela di 17 de dezëmber 2015, n. 16, muessa fé referimënt al soget agregatëur ACP per l dejeujamënt dla pruzedures d’afidamënt relatives.

(5) L’ACP elaburea y publichea sun si plata web priejes de referimënt de bëns y servijes defrënc, danter chëi de majer pëis n cont di cosć a cëria di sogec nunziei tl articul 2, coma 2, pustoma a) y b), dla lege provinziela di 17 de dezëmber 2015, n. 16. Per la prugramazion dl'atività cuntratuela dl’aministrazion publica vëniel mé adurvà i priejes de referimënt publichei dal’ACP y ajurnei da chësta tl tëmp nchin ai prim d’utober de uni ann; i costituësc l priesc mascim d’agiudicamënt te duc i caji te chëi che l ne ie deguna cunvenzion-cheder stipuleda dal’ACP tla cualità de soget agregatëur provinziel. Aldò dla normativa spezifica statela tla materia ne vel i cuntrac stipulei n viulazion de chësc priesc mascim nia. 32)

(1) Adum cun l dessëni de lege de apurvazion dl bilanz presentea la Jonta provinziela al Cunsëi provinziel n dessëni de lege de stabilità provinziela aldò dl articul 36, coma 4, dl decret legislatif di 23 de juni 2011, n. 118, y l dessëni de lege eventualmënter cunlià.

(2) Per cie che reverda la cumpetënzes che ti spieta ala Provinzia aldò dl Statut, possa la lege de stabilità provinziela – ora di cuntenuc damandei per l'aplicazion dl prinzip revardënt la programazion udù danora dal decret legislatif di 23 de juni 2011, n. 118 – cuntenì:

1. despusizions sun la finanza locala y di ënc cunliei ala finanza provinziela, nce chëles relatives ala istituzion o ala mudazion dla regulamentazion dla chëutes locales;
   
2. despusizions tla materia dl personal provinziel y dl personal nseniant dla scola n cont dla spëisa relativa y sun la curidura dla cëries per l renuvamënt di cuntrac dla stieres publiches;
   
3. despusizions n cont de chëutes, tasses, tarifes, cuntribuc y d’autra ntredes dla Provinzia, nce la istituzion de chëutes nueves de cumpetënza provinziela.
   

(3) La lege cunlieda possa cuntenì despusizions che nfluenzea l bilanz per l’atuazion dl DEFP sciche nce per l arjunjimënt di obietifs de razionalisazion dla spëisa, dl balanz y dl svilup economich y dl bilanz dla Provinzia y adaté nsci la normativa provinziela ala ublianzes che se porta pro dala normativa statela y abroghé de vedla despusizions. 34)

(1)La leges che cumporta spëises o ntredes nueves o majeres possa autorisé la Jonta provinziela a fé, cun na si deliberazion, la variazions al bilanz che se porta pro dainora.

(2) Restan mpe cie che ie preudù dal decret legislatif di 23 de juni 2011, nr. 118, possa la Jonta:

1. 35)
   
2. fé l’autra variazions preududes dal articul 46, coma 3, y dal articul 48, coma 1, pustoms a) y b), dl decret legislatif di 23 de juni 2011, nr. 118;
   
3. fé mudazions ala listes nunziedes tl articul 39, coma 11, pustoms a) y b), dl decret legislatif di 23 de juni 2011, nr. 118;
   
4. fé variazions al bilanz de previjion, al documënt tecnich d’acumpaniamënt dl bilanz gestionel per avané la ntredes y la spëises revardëntes i cunferimënc de bëns y credic a titul d’avanamënt dl capital soziel, sciche nce chëles reverdëntes i barac de bëns, credic o d’auter patrimone, tl respet dl urdinamënt statuter y dla ndicazions eventualmënter cuntenides tl DEFP.
   

(3) L Assessëur provinziel per la Finanzes ie autorisà a fé variazions al bilanz per la iscrizion de de majera spëises y ntredes per na soma curespundënta y variazions ai capituli dla contabilteies spezieles dl bilanz nstës.

(4) L diretëur dla Repartizion Finanzes possa:

1. fé la variazions nunziedes tl articul 51, coma 2, pustom c) y coma 4, dl decret legislatif di 23 de juni 2011, n. 118; 36)
   
2. fé i prelevamënc dai fonds nunziei tl articul 48, coma 1, pustoms a) y c), dl decret legislatif di 23 de juni 2011, n. 118; 37)
   
3. fé sturnamënc de cassa danter i capituli che toca pra l medemo macroagregat;
   
4. Fé la variazions che ie de bujën acioche n posse adurvé l fond riscs per la spëises legales.  38)
   

(4/bis)I tituleres de uni zënter de respunsabltà aministrativa, a chël che l ie unì assenià la gestion de capituli de spëisa, possa fé la variazions dl bilanz gestiunel cumpensatives danter capituli de spëisa dl medemo macroagregat atribuii ala gestion dl zënter de respunsabltà aministrativa respetif, nen dajan comunicazion, nce tres sistems telematics, al ufize dla Repartizion provinziela Finanzes cumpetënt. 39)

(4/ter) L diretëur dla Repartizion personal possa fé la variazions nunziedes tl articul 51, coma 2, pustom c), dl decret legislatif di 23 de juni 2011, n. 118. 40)

(5) La Jonta provinziela possa deleghé l Presidënt dla Provinzia a fé la variazions de bilanz nunziedes tl articul 51, coma 2, dl decret legislatif di 23 de juni 2011, nr. 118.

(6) La variazions al documënt tecnich d’acumpaniamënt y al bilanz finanzier gestionel possa unì adotedes cun l medemo pruvedimënt repurtan te njontes spartides la variazions relatives a un y al auter documënt.

(7) Pervia dla jita n forza de normes d’atuazion dl Statut speziel che stabilësc l trasferimënt o la delegazion de funzions dal Stat ala Provinzia, ie la Jonta provinziela autoriseda a dé despusizion de fé la variazions de bilanz che ie nce de bujën per la iscrizion dla ntredes y dla spëises che reverda l’atuazion dla cumpetënzes nueves. 41)

(1) La Jonta provinziela ie autoriseda à dé fideiussions, aldò dl articul 1944 dl Codesc Zevil, a garanzia d’ublianzes y de finanziamënc sëurantëuc da ënc strumentei y da sozieteies cuntroledes diretamënter o indiretamënter dala Provinzia y dai chemuns, adum o separatmënter, per l’atuazion y l svilup de proiec de nvestimënt de gran nteres per l arjunjimënt di obietifs dla prugramazion de svilup dla Provinzia.

(2) I stanziamënc che ie de bujën per la curidura finanziera dla cëries che se porta eventualmënter pro dal dé la garanzies de fideiussion ie scric ite te n capitul aposta dl bilanz provinziel. 47)

(3) L muessa unì respetà la despusizions nunziedes tl decret legislatif di 23 de juni 2011, n. 118, y mudazions suzessives, tla materia dla prestazions de garanzia. 48)

(1)L Assesëur provinziel per la Finanzes dà despusizion de sëurantò antizipazions de cassa se nuzan dl tesorier aldò dla normes sun l servisc tesorier. 49)

(1) Te duc i caji te chëi che l ie udù danora na cauzion o n’autra garanzia a bën dla Provinzia, a na si azienda o a istituc locai de dërt publich istituìi da d’ëila, possa chësta unì costituida da na cauzion valëivla y reéla aldò dla normes de contabltà publica n forza, o da na garanzia de n istitut bancher autorisà aposta n chësc cont, o da na poliza de assegurazion relasceda da n’assegurazion autoriseda al eserzize tl ciamp dla cauzions.

(1) Per l eserzize de si funzions, à l Cunsëi provinziel da garat n bilanz autonom, menà n cunformità ala normes stabilides dal regulamënt intern.

(2) La somes stanziedes tl bilanz provinziel per l’organisazion y l funzionamënt dl Cunsëi provinziel ti vën metudes a despusizion de chësc, te un n trasferimënt o te de plu rates, aldò che si Presidënt se l damanda.

(1)I respunsabli dla uniteies urganisatives cumpetëntes se cruzia, aldò dl articul 12 dla lege provinziela di 23 d’auril 1992, nr. 10, y mudazions suzessives, de azerté la ntredes. Per la materies che ne ie nia atribuides a na unità urganisativa spezifica, vën l azertamënt dla ntredes fat a cura dl ufize cumpetënt dla Repartizion provinziela Finanzes.

(2) Duta la deliberazions y i ac da chëi che l se porta pro azertamënc de ntreda a bën dl bilanz provinziel muessa unì mandei, adum cun la documentazion relativa, al ufize cumpetënt dla Repartizion provinziela Finanzes che, do avëi fat la verificazions preududes dala regules contables n forza, mët si vist de regularità contabla.

(3) Uni at suzessif a chëi nunziei tl coma 2, che à da nfé cun i azertamënc fac, muessa unì comunicà al ufize cumpetënt dla Repartizion provinziela Finanzes per l’anutazions contables che ie de bujën. 54)

(1)Sce l se purtëssa pro rejons grieves y mutivedes possa l’aministrazion provinziela cunzeder, sun dumanda dl debitëur, la rateazion dl debit nchin a al plu 72 rates mensiles, aldò di criteres da stabilì cun regulamënt. Ala soma dla rates singules vëniel njuntà i fic, calculei sun la basa dl tas legal.

(2)  Dla retuda dla somes paiedes ite al infal ala Provinzia, se cruzia la Repartizion provinziela Finanzes tl tëmp de 90 dis dal azertamënt dla soma paieda ite al infal. 56)

(1) I funzioneres nciariei dl scudimënt vën numinei dal diretëur dla Repartizion provinziela Finanzes y bilanz y scudësc la ntredes provinzieles ti lims y tla manieres preudui dal urdinamënt curespundënt, ora che per cie che ie udù danora da chësta lege. 58)

(2) I nciariei dl scudimënt aldò dl coma 1 possa scudì duta la ntredes, zënza lims de soma, che se porta pro da ates de cunzescion o de despusizion tl ciamp de si cumpetënza; pra chësta ntredes toca nce teles da lincanc publics. La cubita, scrita ora a chi che à paià ite, à dl viers de chësc na fazion delidënta dal debit.

(3) I nciariei dl scudimënt possa cumandé che l paiamënt da pert de uni sort de debitëur vënie fat tres na transazion banchera o postala. Te chësc cajo vën la cubita destacheda y tenida sù tla ates, a na maniera da vester a despusizion dl debitëur.

(1) I nciariei al scudimënt muessa, do che i à fat i scudimënc aldò dl articul 39, prejenté n cont giuziel dla ntredes curespundëntes a uni eserzize l mandan ala Repartizion Finanzes y l bilanz nchin ai 31 de merz dl ann do a chël che l cont fej referimënt.

(2) La Repartizion Finanzes y bilanz ejaminea i conc y i vidimea do avëi cunstatà si regularità y i ti mandà inant ala Chëurt di conc. 59)

(3) Sce l ëssa da mancë velch o sce l fossa vel’ iregularità, à la Repartizion Finanzes y bilanz da mandé de reviers l cont al funzioner nciarià dl scudimënt, che muessa dé na resposta tl tëmp de trënta dis do che l à giapà l cont che ti ie unit mandà de reviers. 60)

(4) La Repartizion Finanzes y bilanz possa fé cuntroi de cassa pra i nciariei dl scudimënt. 61)

(1)Tl tëmp de chindesc dis de lëur ti trasferësc i funzioneres de scudimënt al tesorier provinziel l amudlé dla somes ncassedes. La cubita curespundënta a chësc trasferimënt ie da njunté al cont giudiziel y costituësc n documënt de desćëria. 62)

(2) Tl cajo che la somes ncassedes dai nciariei dl scudimënt sëurapassa l lim determinà dal diretëur dla Repartizion Finanzes y bilanz, muessi paië ite chësta somes per ntier dan l tiermul nunzià tl coma 1 al tesorier dla Provinzia o sun n cont curënt bancher aposta a inuem dla Provinzia.

(3) Sun chësc cont curënt bancher, autorisà dal diretëur dla Repartizion Finanzes y bilanz ruva ite, ora che la somes depusitedes aldò dl coma 2, ënghe i paiamënc nunziei tl articul 39, coma 3. La soma che se porta pro nchin ala fin dl mëns sun chësc cont curënt vën paieda ite al tesorier provinziel aldò de cie che ie udù danora tl coma 1. I fic madurei sun l cont curënt, tla mesura y cun capitalisazion nia mëndra de chëles ududes danora tla cunvenzion sun l servisc de tesoreria dla Provinzia, vën paiei ite dal nciarià al scudimënt provinziel ti prim cin dis dl mëns do chël dla licuidazion de chisc fic.

(4)Dla ntredes scudides rënd i funzioneres nciariei dl scudimënt cont n iede al mëns ala Repartizion Finanzes y bilanz mandan inant i estrac dl register generel dla ntredes. 63)

(5) Per la ntredes da chëutes possa la Jonta provinziela fissé la manieres de erogazion y de rendicontazion che ie defrëntes da chëles nunziedes te chësc articul.

(1) La Jonta provinziela possa deliberé l scudimënt de cërta ntredes spezifiches a ufizies che ne ie nia pert dla Repartizion Finanzes y bilanz; chësta resta a uni moda ublieda a ti comuniché ai ufizies i scudimënc fai.

(1) Uni iede che normes stateles, regiuneles o provinzieles stabilësc ntredes a bën dla Provinzia, passen al scudimënt sfurzà aldò dla pruzedura ududa danora dal decret legislatif dl 26 de fauré 1999, nr. 46. 65)

(2) La Provinzia possa, tres na persona nciarieda da d’ëila, sustenì l cunzesciuner dl servisc de scudimënt dla chëutes tla ndividuazion di bëns da despuscioné per l fin dl scudimënt sfurzà.

(3) La ntredes provinzieles che persones privates ti ie debit ala Provinzia ne ie, ai fins esecutifs, definitivamënter nia cunscidredes scudibles, canche l cunzesciuner dl servisc de scudimënt nciarià dla esecuzion sfurzeda à scrit la comunicazion curespundënta tl lim de tëmp udù danora ti articuli 19 y 20 dl decret legislatif di 13 d’auril 1999, nr. 112 y aldò dla pruzedures ududes danora da chisc articuli, y canche l diretëur dla Repartizion Finanzes y bilanz à apurvà la desćëria.

(4) Tl cajo de debic y credic provinziei destumei ie la Repartizion Finanzes y bilanz autoriseda a cumpensé i paiamënc y i scudimënc de n medemo soget, publich o privat, ora che l Stat y la Region Trentin-Südtirol, nce ferman i paiamënc, acioche n ruve a na cumpensazion. L resta mpe cie che ie udù danora dal articul 48/bis dl decret dl Presidënt dla Republica di 29 de setëmber 1973, n. 602. 66)

(4/bis) Tl cajo de debic y credic di ënc strumentei dla Provinzia unic a destumeda ie l diretëur respetif autorisà a cumpensé paiamënc y scudimënc ti cunfronc de n medemo soget, publich o privat, ora che dla Provinzia nstëssa, ti lims y tla manieres nunziedes tl coma 4. 67)

(5)68)

(1) Aldò de cie che ie preudù dal articul 3 dl decret-lege di 30 de setëmber 2005 n. 203, cunvertì tres mudazions dal articul 1 dla lege di 2 de dezëmber 2005, nr. 248, ie la Provinzia autoriseda a mëter su o a tò pert a na sozietà per azions cun la carateristiches preududes dai articuli 2 y 3 dla lege provinziela di 16 de nuvëmber 2007, n. 12, denumineda "Südtiroler Einzugsdienste AG - Alto Adige riscossioni spa", a chëla che la Provinzia nstëssa, si ënc strumenetei y i ënc nunziei pra l coma 3, cun leprò nce si ënc strumentei respetifs y si sozieteies in house, possa ti sëurandé, n basa a n cuntrat de servisc aposta, nce separatmënter: 69)

1. l azertamënt, l relevamënt y l scudimënt spontann dla ntredes;
   
2. l scudimënt sfurzà dla ntredes;
   
3. la gestion dla viulazions aministratives;  70)
   
4. l servisc de intermediazion tecnologica per la cunescion ala plataforma naziunela di paiamënc eletronics coche nce a d’autra plataformes per la comunicazions digiteles a citadins, mprejes y ënc;  71)
   
5. l’ativiteies liedes y cumplementeres a chëles nunziedes ti pustoms da dant.  72)
   

(2) Per dejëujer l’ativiteies aldò dl coma 1 possa la sozietà unì autoriseda a azeder ala banches dac, che ie a despusizion di assoziei tl plën respet dl decret legislatif di 30 de juni 2003, nr. 196 y mudazions suzessives. A chësc fin stipulea la sozietà cuntrac direc cun i tituleres o gestëures dla banches dac.

(3) Ala sozietà possel tò pert i chemuns y i autri ënc locai dla Provinzia de Bulsan sciche nce si cunsorc y assoziazions. L statut possa udëi danora che ala medema sozietà possel nce partezipé sozieteies cun capital mé publich y d’autri ënc publics.

(4) I raporc danter i assoziei y la sozietà vën regulei da n cuntrat de prestazions de servijes che regulea la cundizions y la manieres per dejëujer l’ativiteies preududes ti comes 1 y 2, per assenië eventualmënter finanziamënc y cuntribuc y per mëter a despusizion bëns y massaries y per definì i raporc finanzieres che se porta pro dainora. L cuntrat de prestazions de servijes possa udëi danora che i assoziei posse dejëujer ativiteies de sustëni aministratif o tecnich per l bën dla sozietà. La sozietà lëura cun personal provinziel, cun personal de aministrazions locales o cun si personal nstës. Tl cheder dla despunibltà dl bilanz possa la sozietà tl cajo de cuestions particulermënter zariëuses o tl cajo de deficulteies tecniches spezifiches se nuzé de esperc cun na gran cumpetënza tl ciamp. 73)

(5) L diretëur dla sozietà vën numinà a una danter Provinzia y Cunsorz di Chemuns dla Provinzia de Bulsan danter i funzioneres di ënc assoziei cun ésperienza desmustreda tl setor dl scudimënt dla ntredes. 74)

(1)La lege d’apurvazion dl bilanz de previjion determinea l lim mascim dla soma nchin chël che la Jonta provinziela possa, cun la medema deliberazion cun chëla che l vën fat uni ann l reazertamënt dla restanzes, dé despusizion de renunzia al scudimënt dla ntredes de natura nia tributera, sce l cost dla operazions de azertamënt, scudimënt y paiamënt, per uni ntreda singula, resultea massa granda ti cunfronc dl amudlé dla soma nstëssa. Chësc lim resta valeivl nce per i ani che vën, sce l ne vën nia mudà cun na lege de bilanz suzessiva. 76) 

(2) L azertamënt, la iscrizion a rodul y l scudimënt di credic revardënc chëutes provinzieles, cun leprò nce la straufonghes aministratives o i fic, o i credic che se porta pro mé da straufonghes o fic, ne vën nia dejëuc, sce la soma de debit ne superea nia la soma stabilida dala leges stateles n forza y sce l credit ne ie nia cunseguenza de na viulazion dla ublianzes de paiamënt n cont dla medema chëuta. La soma nunzieda dessëura reprejentea nce l lim sot a chël che l ne vën nia rembursà chëutes provinzieles. 77)

(3) La soma preududa tl coma 2 reprejentea nce l lim sot a chël che n ne passa nia al scudimënt sfurzà de credic che reverda ntredes che ne se porta nia pro da chëutes, a cundizion che l credit ne vënie nia da na ntreda nia paieda per plu iedesc. 78)79)

(1) Uni spëisa dla Provinzia passa tres chësta fases:

1. mpëni;
   
2. licuidazion;
   
3. despusizion de paiamënt;
   
4. paiamënt.
   

(2)La prenutazion dla spëisa possa nce unì fata tres ac de gestion. 81)

(1)I ac che cumporta mpënies de spëisa vën adotei tl respet dl orden de cumpetënzes stabilì tla normativa provinziela tla materia de urganisazion di ufizies y dla pruzedures aministratives y tl cheder dla ressurses asseniedes.

(2)I ac che cumporta mpënies de spëisa a cëria dl bilanz provinziel vën cuntrolei n cont de si regularità contabla y registrei dal ufize cumpetënt dla Repartizion provinziela Finanzes dan si formalisazion. Per chësc fin azertea l ufize che la spëisa mpenieda ne vede nia sëura l stanziamënt dl capitul curespundënt ora o che l ne sibe nia da mputé a n capitul defrënt da chël ndicà y che la cuantificazion dla spëisa sibe fata sciche l toca n cont dla ublianza giuridica perfeziuneda. 82)

(3)I setores respunsabli dl mantenimënt dla imubilies provinzieles y dla stredes y l economat costituesc zëntri de respunsabltà dla spëisa y dejëuj spëises n economia tres programs de spëisa aposta. Cun l’apurvazion de chisc pruvedimënc muessel unì tëut ite l’atestazion de curidura finanziera y l muessa unì prenutà la spëisa relativa tla scritura contabla. L at che cuntën l program muessa unì mandà, dan che l vënie publicà, al ufize cumpetënt dla Repartizion provinziela Finanzes, che nen verifichea la curidura finanziera. L’unità urganisativa cumpetënta se cruzia, do la cuntlujion dl at gestionel, dla registrazion tla scritures contables dl mpëni dla spëisa aldò dla regules contables n forza, zënza uni autra ublianza. L respunsabl dla unità urganisativa cumpetënta verifichea te uni cajo che i mpënies de spëisa sibe unic sëurantëuc aldò dla regules contables valëivles. 83)

(4) Tl respet dla gestion di fonds dla UE vën l amudlé dla spëisa da mpenië determinà n cunscidrazion dla soma dla ntredes da azerté che se cumporta da antizipazions relatives a finanziamënc a rendicontazion. 84)

(1)Dla licuidazion dla spëises se cruzia i respunsabli dla uniteies urganisatives cumpetëntes.

(2)  L at de licuidazion, adum cun la documentazion giustificativa, ti vën mandà ala Repartizion provinziela Finanzes acioche l vënie verificà n cont dla contabltà, avan coche oget l respet di lims, la cundizions y la manieres fissedes tl at de mpëni, sciche nce per la emiscion dl titul de paiamënt.

(3)  Sce la licuidazion dla spëisa vën dejëuta cun pruzedura nfurmatica, vën l at de licuidazion, cun sotscrizion digitela, mandà riesc y automaticamënter ala Repartizion provinziela Finanzes per la verificazion nunzieda tl coma 2. L at de licuidazion nfurmatica vën njuntà dala documentazion giustificativa digitaliseda y da na detlarazion, sotscrita digitalmënter dal respunsabl dla unità urganisativa cumpetënta, che atestea sce n cajo la esistënza y la validità de mo d’autri recuisic per la licuidazion. Tl regulamënt d’esecuzion nunzià tl articul 65/bis iel regulà la manieres operatives che ie de bujën, nce i caji te chëi che la tramiscion dla documentazion giustificativa possa unì sostituida da formes de cuntrol a cajo pra la uniteies urganisatives de licuidazion. 85) 

(1)Al paiamënt tres rodui de spëisa fissa possel unì dat despusizion per la paghes, la pensions, i fic, l’erogazions assistenzieles y ti autri caji de paiamënc periodics a destumënzes determinedes.

(2)  Per l paiamënt de spëises de nuzeda, de spëises ublientes curëntes de funzionamënt dl’aministrazion y de uni autra spëisa, ulache bujëns particuleres de servisc se l damanda, sëurantol l tesorier provinziel sun dumanda spezifica dl Diretëur dla Repartizion provinziela Finanzes, la ublianza de se cruzië dl paiamënt tl lim de tëmp dla destumeda respetiva dla somes che resultea dala contes de utënza o da d’autra documentazions mandedes, nce tla forma digitela, dai furnidëures. N iede che l ie unit verificà che i paiamënc ie unic fac sciche l toca da pert dl ufize cumpetënt de licuidazion, se cruzia la Repartizion provinziela Finanzes periodicamënter dla emiscion dl mandat de paiamënt per la curidura dla spëises che l tesorier à adebità ala Provinzia.

(3)  L paiamënt nunzià tl coma 2 vën fat dal tesorier provinziel n ucajion dla destumedes y per la rates fissedes tl rodul. L tesorier se cruzia dla comunicazions respetives ala Repartizion provinziela Fiananzes. 86)

(1)Tl ciamp di servijes preudui dal urdinamënt di ufizies dla Provinzia iel istituì servijes de cassa y de economat per dejëujer la spëises ndichedes tl regulamënt aposta. 90)

(2)Ai servijes nunziei tl coma 1 ti vëniel assenià sciche antizipazion n fond de cassa, che costituësc n lim mascim de spëisa y de chël che l saldo muessa unì paià de reviers ala ntreda dl bilanz dl Ënt tl lim de tëmp dl eserzize finanzier. 91)

(3)Canche i bujëns dl servisc s’l damanda, possa la Repartizion provinziela Finanzes autorisé, adum cun la costituzion dl fond de cassa, l nciarià dl servisc de economat a se nuzé de formes de paiamënt ududes danora dal cont curënt bancher giaurì aposta y ntestà ala Provinzia. 92)

(4)  Dla numinazion dla persones nciariedes di servijes d’economat se cruzia la Repartizion provinziela Finanzes, les chiran ora nce da d’autra aministrazions publiches, che, n relazion a si funzions, cunlëura cun la Provinzia tl ciamp de cërta cumpetënzes spezifiches. 93)

(5) La persones nciariedes dl servisc de cassa y de economat ie sometudes ala verdia dla Repartizion Finanzes y bilanz y ala giurisdizion dla Chëurt di conc.

(6) I duvieres che toma ti servijes de economat, la spëises che possa jì a cëria dl fond de cassa, coche nce la modaliteies y la cundizions de funzionamënt di servijes nstësc vën stabilìi cun n regulamënt aposta.

(1)Per bujëns de servisc particuleres y mutivei possa l diretëur dla Repartizion Fiananzes y bilanz, per l cumpletamënt dla pruzedura contabla nunzieda tl articul 54, autorisé l’adurvanza de manieres de paiamënt tres cont curënt bancher a inuem dla Provinzia, per dejëujer spëises mputables a n capitul sëul y cun la medema tlassificazion gestionela. L cont vën alimentà n basa al bujën efetif tres mandac de paiamënt a bën de n dependënt nciarià aposta dal assessëur provinziel cumpetënt o dal diretëur dla Repartizion provinziela cumpetënta. Canche l eserzize finanzier vën stlut ju, vën la somes nia adurvedes sun l cont curënt nunzià paiedes ite sun la ntredes dl bilanz provinziel. 94)

(2)La rendicontazion dla spëises aministredes ala manieres nunziedes tl coma 1 vën dejëuta aldò dla istruzions y destumënzes stabilides dal diretëur dla Repartizion Finanzes. L cuntrol dla rendicontazion possa nce unì fat a campion. 95)

(1) Per paië ora i cuntribuc previdenziei y per fé d’autri paiamënc periodics ie la Provinzia Autonoma de Bulsan autoriseda a dejëujer chisc paiamënc tres la emiscion de scecs n cont curënt de posta.

(2) A chësc fin vëniel giaurì pra l ufize conc curënc dla posta un o de plu conc n curespundënza di servijes defrënc, aldò de cie che ie udù danora da chësta lege.

(3) Sun uni cont giaurì vëniel al scumenciamënt dl eserzize finanzier fat n paiamënt d’acont. Ntan l eserzize possa l cont unì alimentà da nuef n basa al bujën cunstatà da pert dla Repartizion Finanzes y bilanz.

(4)96)

(5) I dac che reverda i scecs retui dal ufize di conc curënc dla posta, che ne ie per ce rejon che mei nia unic cunseniei, ie da ti comuniché ala repartizion provinziela cumpetënta per la definizion dla pratiches respetives.

(6) Per i scecs nia cunseniei nchin al segondo mëns da si emiscion vëniel damandà che i vënie inò acreditei n cont. I sustenimënc a chëi che chisc scecs fej referimënt possa inò unì purtei a pruposta per l paiamënt.

(7) Ala fin de uni eserzize apurvea la Jonta provinziela cun deliberazion l rendicont anuel. 97)

(1)Sce la Repartizion provinziela Fiananzes verifichea iregulariteies y fai ti ac d’azertamënt dla ntredes, de mpëni dla spëisa y de si licuidazion, sometui a verificazion aldò di articuli 36, 48 y 49, se cruziela d’ufize, sce puscibl, de eliminé la iregulariteies y de cumedé i fai, l fajan al savëi ala unità urganisativa propunënta.

(2) Te uni auter cajo ndichea la Repartizion provinziela Finanzes al’unità urganisativa propunënta la mesures che ie debujën per la regularisazion dl at. Sce l’unità urganisativa n cuestion se ustinea a no cumedé l fal porta la Repartizion provinziela Finanzes inant l at. 98)

(1) Per atué l’acurdanza de culaborazion sotscrita dala Provinzia autonoma de Bulsan, dal Land Tirol y dala Provinzia autonoma de Trënt ai 28 de mei 2015, per mené deberieda la sënta di ufizies de cunliamënt curespundënc cun la Union europeica, possa la Provinzia sëurantò y paië spëises, per cont di ënc sotscrijënc dl’acurdanza nunzieda, liedes ala gestion dl’ativiteies dejëutes deberieda, nce n basa ala spartizion dla cëries preududa iló.

(2) Per l paiamënt dla spëises preududes dal coma 1, sciche nce dla spëises che ie de bujën per l funzionamënt y la gestion dl ufize, vëniel istituì pra l ufize de Bruxelles n servisc de cassa y economat, aldò dl articul 54. L fond de cassa ie mutù a despusizion sun conc curënc ntestei ala Provinzia y che possa nce unì giaurii pra banches esteres y nuzei a uni autra maniera d’adurvanza, nce cun chertes de credit y de debeit. La persona nciarieda dl servisc de economat possa tò ju dai conc curënc la somes da paië da pert dla Provinzia aldò dl’acurdanza de cunlaurazion nunzieda pra l coma 1, per les paië sun i conc curënc defrënc, nce co-ntestei. La persona nciarieda dl servisc de economat ie persunalmënter respunsabla nce dla spëises apustedes y paiedes dai autri sogec per la gestion dl ufize n cumenanza, aldò dl’acurdanza nunzieda dessëura.

(3) La Repartizion provinziela Finanzes fej l cuntrol cuntabl sun l rëndicont dl servisc de economat tres na ejaminazion a campion dla documentazion de spëisa, mandeda te na copia telematicamënter aldò dla despusizions n forza.

(4) La persona nciarieda dl servisc d’economat ie sometuda ala giurisdizion dla Chëurt di conc aldò dla normes y dla pruzedures preududes dala leges n forza.  99)

Art. 58/bis (Nfurmativa sun i resultac dla verificazion di credic y di debic reziprocs danter la Provinzia y si organisms cuntrolei y partezipei)

(1) N atuazion dl articul 11, coma 6, pustom j), dl decret legislatif di 23 de juni 2011, n. 118, y mudazions suzessives, ilustrea la relazion sun la gestion njunteda ala rendicontazion generela dla Provinzia, nce te na forma curta, i resultac dla verificazion di credic y di debic reziprocs danter la Provinzia y si ënc strumentei y la sozieteies cuntroledes y partezipedes. La nfurmativa nunzieda dessëura ie carateriseda dai prinzips dl vester puscibilmënter scëmpla, senificativa y relevanta, prinzips che ie da valuté aldò di valores cumplessifs dla rendicontazion dla Provinzia.

(2) L coleghium di revisëures di conc dla Provinzia, i organs de cuntrol cochemei denuminei di ënc strumentei dla Provinzia y i sogec nciariei dla revision legala di conc dla sozieteies a partezipazion provinziela se cruzia, zënza l bujën de de plu ncëries y de cumpensazions leprò, dl’asseverazion, tl cheder de si cumpetënza respetiva, dla nfurmativa nunzieda pra l coma 1, almanco 20 dis dan la data fisseda per l’apurvazion dla rendicontazion generela da pert dla Jonta provinziela.

(3) Sce l tiermul nunzià pra l coma 2 passa zënza che l ie suzedù velch, restan mpe la respunsabiltà y l dërt ala recumpensazion dl dann, possa l’asseverazion unì cumandeda dal Ufize Verdia finanziera dla Repartizion provinziela Finanzes, che va inant cun l pruzedimënt, zënza l bujën de defideda y cuntestazion, tres n cumisser ad acta o d’ufize, se nuzan sce l ie debujën de n soget estern scrit ite tl register di revisëures legai nunziei tl articul 1, coma 1, pustom g), dl decret legislatif di 27 de jené 2010, n. 39, y mudazions suzessives.  103)

(1) La verdia sun i organisms cuntrolei y partezipei dla Provinzia vën fata dala Jonta provinziela tres la strutures de dirigënza cumpetëntes per materia a norma dla Njonta A dla lege provinziela di 23 d’auril 1992, n. 10, y mudazions suzessives, restan mpe la verdia finanziera sun i bilanc di ënc funzionei de cumpetënza dla Repartizion finanzes.  111)

(1) I strumënc dla prugramazion di ënc funzionei dla Provinzia tla cuntabltà zevilistica ie:

1. l plann dl’ativiteies o l plann program de trëi ani, che vën definì tl respet dla indicazions dla Provinzia. L plann possa vester cuntenì te na sezion aposta dla relazion ilustrativa o nota ilustrativa njunteda al budget economich;
   
2. l budget economich de trëi ani, che ie da deliberé tl tëmp nchin ai 30 de nuvëmber dl ann dant;
   
3. la variazions eventueles dl budget economich;
   
4. l bilanz d’eserzize, che ie da deliberé tl tëmp nchin ai 30 d’auril dl ann do l eserzize de referimënt y che stluj ju l sistem de bilanz di ënc funzionei.
   

(2) I documënc nunziei pra i pustoms a), b) y d) dl coma 1 vën dai deliberei dai organs cumpetënc dl ënt tl tëmp de 15 dì dala deliberazion respetiva y mandei, nce tres mesuns telematics, ala Jonta provinziela per l’apurvazion.

(3) La despusizions nunziedes pra l coma 2 vën aplichedes nce ai documënc aldò dl pustom c) dl coma 1 tl cajo te chël che l ënt sibe benefizier d’erogazions a cëria dl bilanz provinziel y sce l se cruzia de adaté la previjions curespundëntes de ntreda dl budget al amudlé dl’asseniazions cumandedes a si bën dala Provinzia.

(4) Per la redazion dl bilanz cunsolidà dla Provinzia, ti manda i ënc funziunei y i autri organisms cuntrolei y partezipei, tl tëmp de diesc dis dal’apurvazion y, a uni moda, nchin ai 31 de mei dl ann do l eserzize de referimënt, ala Repartizion Finanzes l bilanz d’eserzize o l rendicont, retlassifichei aldò de cie che ie preudù dala njonta 11 al decret legislatif di 23 de juni 2011, n. 118, tl respet dla istruzions dates dala Repartizion nstëssa. Tl cajo che l’apurvazion relativa ne fossa nia unida fata nchin n la data nunzieda manda l ënt la pruposta dl bilanz de eserzize o de rendicont njinieda per l’apurvazion.  112) 

(5) La despusizions di comes 2 y 3 vën nce aplichedes ai documënc curespundënc de prugramazion di ënc strumentei dla Provinzia che adotea la cuntabltà finanziera.  113)

(1) I organs de cuntrol di ënc funzionei dla Provinzia, ora che la sozieteies, vën metui su cun la numinazion da pert dla Jonta provinziela.

(2) I cumëmbri di organs de cuntrol nunziei pra l coma 1 vën crisc ora danter i revisëures legai scric ite tl register aposta, o, n reprejentanza dl’aministrazion provinziela, danter i dependënc provinziei de rodul che ie scric ite te na lista dla Repartizion finanzes y che à i recuisic prufesciunei stabilii cun decret dl Presidënt dla Provinzia, che ne ie nia da udëi coche regulamënt, per l dejëujamënt dla ncëria. A chisc vëniel aplicà la despusizions dl articul 2399 dl codesc zevil.  114)

(3) Cun l decret nunzià pra l coma 2 vëniel oradechël stabilì l cuntenut y la manieres de prejentazion dla dumandes de iscrizion tla lista, la verificazion dl avëi o dl ne avëi nia i recuisic damandei, coche nce la cancelazion dala lista.

(4) Cun deliberazion dla Jonta provinziela se cruzien, sun la basa de parametri ogetifs y trasparënc, dla determinazion dla cumpensazions che ti spieta ai cumëmbri di organs nunziei pra l coma 1. 115) 116)

(1) 117)

(1) Cun deliberazion dla Jonta provinziela vëniel ndividuà i organisms strumentei, i ënc strumentei y la sozieteies che costituesc la grupa aministrazion publica (GAP) y la grupa bilanz cunsolidà (GBC) coche preudù dai articuli 11-bis y 68 dl decret legislatif di 23 de juni 2011, n. 118.

(2) L bilanz cunsolidà vën apurvà dala Jonta provinziela y mandà al Cunsëi provinziel, che l apurvea cun na deliberazion aposta tl lim de tëmp udù danora dal decret legislatif di 23 de juni 2011, n. 118. 118)

(1) I ufizies provinziei respunsabli per la gestions de fonds ora dl bilanz dla Provinzia autorisedes da leges spezieles, muessa prejenté uni ann ala Repartizion Finanzes y bilanz, per l control dla regularità aministrativa y contabla, l rendicont dla gestion cun na relazion tlarienta.

(2) Cun regulamënt d’escuzion uniral stabilì i tëmps y la modaliteies de cuntrol y rendicontazion uniteres per la gestion aldò dl coma 1.

(1) Cun regulamënt d’escuzion possel unì dat ora despusizions per scemplifiché y sgursé la pruzedures per la gestion y la contabltà dla ntredes y dla spëises tres l’adurvanza de sistems, evidënzes y tituli de scudimënt y paiamënt nfurmatics y per mandé telematicamënter i documënc curespundënc, tlo leprò iel ënghe da raté l’adurvanza de sënies de ududa y sotscrizions digiteles mpede la sotscrizions a man damandedes dala despusizions valëivles. 119)

(1) L vën istituì l Coleghium di revisëures di conc, da tlo inant denuminà “Coleghium”, sciche organn de verdia sun la regularità cuntabla, finanziera y economica dla gestion dla Provinzia. L Coleghium dejëuj si funzion n acurdanza cun la Sezion de cuntrol cumpetënta dla Chëurt di conc che ie a Bulsan.

(2) L Coleghium ie metù adum da trëi cumëmbri efetifs y da doi cumëmbri suplënc, numinei dala Jonta provinziela tl tëmp nchin ai 31 de dezëmber 2016, do che i ie unic trac ora a cajo, tla manieres ududes danora dal articul 65/septies, da na lista istituida pra l Secretariat generel dla Provinzia. La funzions de Presidënt vën dejëutes dal cumponënt che resultea avëi curì l plu ncëries de revisëur pra ënc locai y, tl cajo dl medemo numer de ncëries, conta la majera dimenscion demografica di ënc pra chëi che la ncëria ie unida dejëuta. I cumëmbri suplënc zapa mé tla funzion di cumëmbri efetifs sce chisc lascia si ncëria dan l tëmp aldò dla manieres stabilides cun delibrazion dla Jonta provinziela aldò dl articul 65/septies y i resta tla ncëria per l tëmp che resta nchin che l Coleghium ie numinà.

(3) La cumposizion dl Coleghium se adatea ala normes provinzieles n forza tla materia dl respet dla cunsistënza dla trëi grupes linguistiches y dl respet dl balanz danter i gëndri. I cumëmbri dl Coleghium à na cunescënza dla rujeneda tudëscia y dla rujeneda taliana adecuata.

(4) Tla lista nunzieda tl coma 2 iel scrit ite, sun dumanda, chi che resultea avëi duc chisc recuisic:

1. iscrizion tl register di revisëures legai nunziei tl decret legislatif di 27 de jené 2010, n. 39, y mudazions suzessives, da almanco diesc ani;
   
2. esperienza de almanco cin ani madureda tl’eserzitazion de ncëries de revisëur di conc o de respunsabl di servijes economics y finanzieres pra ënc teritoriei o si assoziazions cun na populazion sëura i 10.000 abitanc, sciche nce pra i ënc preudui dal articul 79, coma 3, dl Statut d’autonomia, y mudazions suzessives;
   
3. acuisizion de almanco diesc credic furmatifs tla materia de cuntabltà publica;
   
4. unerabltà, prufesciunalità y ndependënza, aldò de cie che ie preudù tl articul 2387 dl codesc zevil, y mudazions suzessives. 121) 
   

(1) L ne daussa nia unì numinà cumponënc dl Coleghium:

1. i cunselieres provinziei, i cumëmbri dla Jonta provinziela, i aministradëures y i dirigënc di ënc nunziei tl articul 79, coma 3 dl Statut d’autonomia, y mudazions suzessives, chëi che à curì chësta ncëries ti doi ani dant sciche nce l uem o la fëna, i parënc y cuniei nchin al segondo grado;
   
2. i cumëmbri dla Sezion de cuntrol dla Chëurt di conc cun sënta a Bulsan;
   
3. i dependënc dla Provinzia, dla Region Trentin-Südtirol y di ënc nunziei tl articul 79, coma 3 dl Statut d’autonomia, y mudazions suzessives;
   
4. i parlamenteres, i ministri y i sotsecreteres dl Guviern, i reprejentanc dla istituzions europeiches;
   
5. chi che ie tla cundizions preududes dal articul 2382 dl codesc zevil, y mudazions suzessives;
   
6. i lauranc privac o publics bele n pension, aldò dl articul 13, coma 1, pustom i) dla lege provinziela di 19 de mei 2015, n. 6.
   

(2) Ncumpatibli cun la ncëria de cumponënt dl coleghium ie chi che ie liei ala Provinzia, ala Region Trentin-Südtirol o ai ënc nunziei tl articul 79, coma 3 dl Statut d’autonomia, y mudazions suzessives, da n raport de lëur, de consulënza, de prestazion paieda o da d’autri raporc de sort patrimuniela. I cumponënc dl Coleghium ne daussa oradechël nia crië i raporc nunziei ntan che i eserzitea si mandat.

(3) La ncëria de revisëur ne ie nia cumpatibla cun d’autra ncëries da revisëur pra la Region Trentin-Südtirol o pra i ënc nunziei tl articul 79, coma 3 dl Statut d’autonomia, y mudazions suzessives, sciche nce pra i ënc a uni moda sometui al cuntrol o ala verdia dla Provinzia. 122)

(1) L Coleghium ie tla ncëria per trëi ani pian via dala data de numinazion nchin al’apurvazion dla rendicontazion generela dl terzo eserzize finanzier; si cumponënc possa unì recunfermei per n sëul mandat cunsecutif. Dl renuvamënt dl Coleghium se cruzia la Jonta provinziela tl lim de tëmp dla destumënza.

(2) I cumponënc dl Coleghium fina si ncëria dan l tëmp tl cajo de:

1. demiscions;
   
2. destumënza per avëi perdù i recuisic o pervia che l ie unit a s’l dé dadedò na ncumpatiblà;
   
3. revucheda per ne avëi nia ademplì ai duvieres d’ufize. 123)
   

(1) L Coleghium dejëuj funzions de revijion economich-finanziera y tl particuler:

1. portel a esprescion n arat ublient che ie costituì da n giudize mutivà de congruità, de coerënza y d’atendibltà dla previjions n cont dla prupostes de lege de stabilità, d’apurvazion dl bilanz de previjion, d’assestamënt dl bilanz y de variazion dl bilanz;
   
2. portel a esprescion n arat ublient sun la pruposta de lege d’apurvazion dl rendicont generel, l atestea la curespundënza dl rendicont generel ala resultanzes dla gestion, l verifichea l’esistënza dl’ativiteies y dla passiviteies, la curetëza di resultac finanzieres, economics y patrimuniei dla gestion, formulea tëutes de posizion, cunscidrazions y prupostes che mira al’efizienza y al’economizità dla gestion;
   
3. fejel verifiches periodiches de cassa;
   
4. iel de verdia, tres relevamënc a cajo, sun la regularità cuntabla, finanziera y economica dla gestion per cie che reverda l’acuisizion dla ntredes, l’efetuazion dla spëises, l’atività cuntratuela, l’aministrazion di bëns, la cumpletëza dla documentazion y i ademplimënc fischei;
   
5. 124)
   
6. dejëujel funzions sëuraprò atribuides dala Jonta provinziela.
   

(2) L Coleghium di revisëures à l dërt d’azes ai ac y ai documënc dla Provinzia, per garantì l dejëujamënt dla funzions che ti ie atribuides. 125)

(1) Cun deliberazion dla Jonta provinziela vëniel stabilì:

1. l cuntenut y la maniera de prejentazion dla dumandes de iscrizion tla lista nunzieda tl articul 65/ter;
   
2. la manieres y i tiermui nchin can che chësta dumandes muessa unì ejaminedes;
   
3. la maniera de co tenì y ajurné la lista y , tl particuler, de co verifiché periodicamënter che l sibe dat inant i recuisic damandei per la iscrizion;
   
4. i criteres d’estrazion dala lista, a na maniera da seguré la trasparënza y mparzialità sciche nce i ademplimënc che se porta pro dainora;
   
5. la manieres de co che i cumëmbri suplënc à da unì do;
   
6. la sortes de ac che muessa unì comunichei al Coleghium;
   
7. la manieres de dejeujamënt di lëures dl Coleghium, tl particuler la manieres y i tiermui de trasmiscion di ac sun chëi che l ie da acuisì arac y i tiermui nchin chëi che i arac muessa unì fac.
   

(2) Ai cumponënc dl Coleghium ti spietel n paiamënt stabilì cun la deliberazion de numinazion, determinà tla mesura nia plu auta dl 20 percënt dla ndenità de ncëria di cunselieres provinziei, avaneda dl 20 percënt per l presidënt, al netto de IVA y cëries. Per l’atribuzion de mo d’autra funzions aldò dl articul 65/sexies, coma 1, pustom f) possel unì atribuì n paiamënt sëurora nchin al plu l 20 percënt dla ndenità nunzieda; tl cajo che l unissa do cumëmbri suplënc vën la ndenità smendrida proporzionalmënter. 126)

(3) Sce l Cunsëi dla Provinzia autonoma de Bulsan ne numinea nia n si organ de revijion y sce l Coleghium dejëuj la funzions nunziedes tl articul 65/sexies nce per l Cunsëi, ti spietel ai cumponënc dl Coleghium na cumpensazion de njonta dl 20 percënt dla cumpensazion stabilida cun deliberazion de numinazion. 127)

(4) La despusizions nunziedes pra l coma 3 vën aplichedes a pië via dal prim de lugio 2018. 127)

(1) La despusizions de chësta lege ie da apliché a pië via dala ntreda n forza dla lege nstëssa, ora per chël che reverda l coma 2.

(2) La despusizions n cont dla predisposizion dl bilanz plurianuel y anuel, dl plann anuel de gestion y dl cont cunsuntif vën aplichedes a pië via dal eserzize finanzier 2003.

(2/bis) La despusizions nunziedes tl articul 12 vën aplichedes pian via dal prim eserzize te chël che l decret legislatif di 23 de juni 2011, n. 118 vën aplicà ala Provinzia autonoma de Bulsan. 128)

(3) Per i vantajes economics bele cunzedui vëniel aplicà despusizions revardëntes i termins per la pruzedures de spëisa valëivles dan la jita n forza de chësta lege. 129)

(4)  Pervia che l funzioner delegà per la Repartizion provinziela Bòsc y per la sistemazion de ruves da mont y peralevines vën tëut ju y la cumpetënzes respetives passa ai ënc strumentei curespundënc unirà la restanzes azertedes atribuides ala strutures provinzieles cumptëntes per la licuidazion suzessiva a bën di ënc strumentei ndividuei. 130)

(5) Fin al’adozion dla deliberazions preududes dal’articul 63/quater, coma 4, de chësta lege y dl articul 1, coma 6, pustom i), dla lege provinziela di 16 de nuvëmber 2007, n. 12, y mudazions suzessives, vëniel aplicà inant la deliberazion dla Jonta provinziela di 27 de dezëmber 2013, n. 1988, coche mudeda y ntegreda dala deliberazion dla Jonta provinziela di 22 de dezëmber 2015, n. 1550.  131)

(1) La ntredes revardëntes l rembursamënt dla cëria preududa dal articul 2, comes 112 y 113, dla lege di 23 de dezëmber 2009, nr. 191, vën tenides su danter la restanzes atives per i ani nchin l 2015. A pië via dal 2016 vën la cuota anuela preududa dal articul nunzià azerteda y scrita ite tl medemo ann. 132)

(1) Per l’esecuzion de chësta lege possa la Jonta provinziela dé ora n regulamënt aposta. 134)

(1) La istituzions scolastiches nunziedes tla lege provinziela di 12 de nuvëmber 1992, nr. 40, y mudazions suzessives, y tla lege provinziela di 29 de juni 2000, nr. 12, y mudazions suzessives, aplichea la despusizions preududes dal decret legislatif di 23 de juni 2011, nr. 118, y mudazions suzessives, a pië via dai 1° de jené 2017. 135)

(1) Cun la jita n forza de chësta lege vëniel abrogà la lege provinziela dl 26 d’auril 1980, nr. 8.

(2) Per la gestion dl bilanz dl eserzize finanzier 2002 y la mudazions curespundëntes, y per la predisposizion dl rendicont generel dl eserzize 2002 vëniel aplicà inant la normes dla lege provinziela dl 26 d’auril 1980, nr. 8.

(3) Sce l bilanz de previjion per i eserzizies finanzieres 2017, 2018 y 2019 ne vën nia apurvà dal Cunsëi nchin ai 31 de dezëmber dl ann dant, vëniel autorisà, aldò dl articul 43 dl decret legislatif di 23 de juni 2011, n. 118, l eserzize provisore dl bilanz per n tëmp che ne ie de ndut nia plu lonch de cater mënsc, tl respet di prinzips aplichei dla cuntabltà finanziera revardënc l eserzize provisore. 136)

(1) Dlonch ulache l vën fat referimënt tla legislazion provinziela al scudimënt sfurzà iel minà che chësc possa unì fat aldò dl decret dl rë di 14 d’auril 1910, nr. 639 y aldò dl decret dl Presidënt dla Republica di 29 de setëmber 1973, nr. 602, y dl decret legislatif di 26 de fauré 1999, nr. 46. 137)

Chësta lege unirà publicheda tl Buletin Ufiziel dla Region. Duc, a chëi che ti spieta, ie ubliei de la usservé y de la fé usservé coche lege dla Provinzia.