Ćiara l’art. 5 dla L.P. 25 de mà 1982, nr. 20, sostituì dal art. 19 dla L.P. di 18 de agost 1988, nr. 33 y mudé jö plü inant dal art. 2 dla L.P. di 13 de novëmber 1995, nr. 22:
5. (Acuisiziun de implanć nüs y de aparać scientifics y tecnich-sanitars nüs)
(1)La Junta provinziala, do avëi aldì la comisciun por les strotöres sanitares aladô dl articul 6 de chësta lege, söla basa dl program aposta por arjunje i obietifs dl Plann sanitar provinzial po diretamënter cumprè aparać medicai ti caji suandënć:
canch’al é preodü ch’ai vëgn adorà sura döta la Provinzia;
canch’an ô garantì condiziuns y standarg ecuivalënć sön le teritore provinzial;
canch’al se trata de aparać medicai de na tecnologia alta o de spezialisaziun;
canch’al vëgn istituì sorvisc o istituziuns nüs.
(2)Por i aparać medicai cumprà aladô dl coma prezedënt, do avëi aldì la comisciun por les strotöres sanitares, po la Junta provinziala stlüje jö i contrać de manutenziun, che vëgn surandà ala gestiun dles unitês sanitares.
(3)Por rajuns d’economizité y de standardisaziun, po la Junta provinziala en acordanza cun les unitês sanitares, scrì fora gares che vel por dötes les unitês sanitares locales por la forniziun de diagnostics y de aparać medich-chirurgics en general. Te chësc caje vëgn les forniziuns y i cosć surandà diretamënter ales unitês sanitares.
(4)Por garantì les condiziuns de uniformité y de standardisaziun dles strotöres di sorvisc defora dl ospedal, po la Junta provinziala fistidié diretamënter dl acuist di bëgns mobii, sön la basa de n program aposta por l’ampliamënt di sorvisc sanitars defora dl ospedal.
(5)Por i acuisć de bëgns mobii de n valur mënder de lires 5.000.000 depënel dal arat dla comisciun por les strotöres sanitares aladô dl articul 6 de chësta lege.