d) Lege Provinziala di 22 de jenà dl 2001, n. 11)
Amersciadöra di alimënc nia mudá geneticamënter 2)

Publicada tl supl. n. 1 al B.O. di 6 de forá dl 2001, n. 6. La verjium ladina é gnüda publicada tl B.O. di 8 de agost dl 2017, n. 32.

Le titul é naota gnü mudé dal art. 15, coma 1 dla l.p. di 12 de dezëmber dl 2011, n. 14, y spo baraté fora insciö dal art. 18, coma 1 dla l.p. di 19 de messé dl 2013, n. 10.

Art. 6 (Ojoradöra)

(1) Tl caje de alimënc o de ingrediënc che vëgn da tiers, ne pó i tiers destiná ala produziun di alimënc nia gní ojorá cun ojoradöra amarsciada o da amarscé, sce ara mëss gní metüda sön le marcé, aladô di

articui 24 y 25 dl regolamënt 2003/1829/CE dl Parlamënt europeich y dl Consëi di 22 de setëmber dl 2003 o
articui 4 o 5 dl regolamënt 2003/1830/CE dl Parlamënt europeich y dl Consëi di 22 de setëmber dl 2003.

(2) Por n cer tëmp minim dan la produziun di alimënc, ne pó i tiers nia gní ojorá cun ojoradöra mudada geneticamënter. Tl'injunta A vëgnel reporté i tëmps minims scric dant por les sorts de tiers desvalies. 8)

(3) A chisc tiers ne ti pól nia gní dé tres ojoradöra antibiotics, ormons, farina de sanch o de osc o d’atres sostanzes nia adatades; al mëss gní respeté la composiziun dl'ojoradöra stabilida dala Junta provinziala. Te vigni caje él conzedü da ti dé ite antibiotics o d’atres medejines scrites dant por fins terapeutics da n dotur di tiers.

(4) Por l'amersciadöra dl'ojoradöra vëgnel apliché les desposiziuns preodüdes dal articul 3, adoran chësta denominaziun: "adaté por la produziun di alimënc "nia OMG"”. 9) 10)


Injunta A (articul 6, coma 2) 11)

Sort de tiers	Tëmp minim

por ciavai y bestiam da cern	dodesc mëisc y te vigni caje altamo trëi cherc de süa vita
por de pici tiers che römia	sei mëisc
por porcí	cater mëisc
por tiers da lat	trëi mëisc 11)
por polam da cern porté te stala ti pröms trëi dis de vita	diesc edemes
por polam por la produziun de üs	sis edemes

Beschluss vom 20. Juni 2011, Nr. 932 - Festlegung der Futtermittelzusammenstellung gemäß Art. 6 des Landesgesetzes vom 22. Jänner 2001, Nr. 1 (abgeändert mit Beschluss Nr. 1194 vom 20.11.2018 und Beschluss Nr. 928 vom 02.11.2021)

L'art. 6, coma 2, é gnü sostituí insciö dal art. 14, coma 1 dla l.p. di 24 de setëmber dl 2019, n. 8.

L'art. 6 é naota gnü sostituí dal art. 15, coma 7 dla l. p. di 12 de dezëmber dl 2011, n. 14, y spo dal art. 18, coma 5 dla l. p. di 19 de messé dl 2013, n. 10.

10)

L'art. 6, coma 4 é gnü mudé dal art. 14, coma 3 dla l.p. di 6 de messé dl 2017, n. 8.

11)

Tl’injunta A é la parora “Tëmp” gnüda sostituida dala parora “Tëmp minim” y les parores “döes edemes” cun les parores “trëi mëisc” dal art. 14, coma 2 dla l.p. di 24 de setëmber dl 2019, n. 8.