a) Lege provinziala di 17 de forà dl 2000, n. 71)2) —
Ordinamënt nü dl comerz

Publicada tl’injunta n. 1 dl Boletin Ofizial di 29 de forà dl 2000, n. 9.

Chësta lege provinziala é gnüda abrogada aladô dl art. 75, coma 1, lëtra a) dla l.p. di 2 de dezëmber dl 2019, n. 12. Ciara dantadöt l’art. 71 (Normes transitores)y l’art. 72 (Desposiziuns sön l’aplicaziun dla lege) dla l.p. di 2 de dezëmber dl 2019, n. 12.

Art. 8 (Autorisaziun - Ragrupamënt di eserzizi y di sorvisc)

(1) 10)

(2) I locai destinà al comerz al menü mëss avëi chëstes carateristiches:

ai mëss avëi n’azès diret da na spersa publica o privata, sce ara se trata de curts internes, de trus che passa tres n portun, de perts dl condomine de düć; te chësc ultimo caje messarà l’azès avëi finestres o d’atres löms, o tofles che an vëiga dala spersa publica;
ai mëss ester despartis dai locai destinà al comerz alingrossa o dai locai destinà a d’atres adoranzes tres parëis fisc ćina sössot o altamo dui metri y mez alć, inće sce ai à üsc de comunicaziun interns da olache le publich ne po nia rové pormez, stlüć fora i locai destinà al eserzize publich, venüda de marćianzia de monopol, ala cassa por les staziuns dal benzinn, ai laboratori olache al vëgn fat de pici laûrs de reparaziun y manutenziun di articui che vëgn venüs, istalaziun de automać y d’atri sorvisc sciöche le fax, le telefonn y le internet point. De plü eserzizi tl medemo frabicat po, tan inant che i locai é despartis da parëis, s’anuzé de na lerch sóra por les casses, realisada te na lerch coletiva che se desfarenziëia dai locai por la venüda al menü y che é dan le raiun da jì fora dl frabicat. Le consumadù po rové pormez tres na lerch coletiva, dan la lerch por les casses, a düć i eserzizi comerziai singui, fajon ala fin n paiamënt su pro la lerch por les casses por döta la marćianzia cumprada.11)12)

(3) Ti comuns cun manco de 3.000 abitanć pon eserzité dlungia l’ativité comerziala d’atri sorvisc de interès particolar por la comunité stabilis dala Junta provinziala.

(4) 10)

T.A.R. di Bolzano - Sentenza N. 96 del 17.03.2003 - Commercio - vendita al dettaglio nelle zone per insediamenti produttivi

10)

I comesc 1 y 4 dl art. 8 é gnüs abrogà dal art. 8, coma 1, lëtra a), punt 6 dla l.p. di 16 de merz dl 2012, n. 7.

11)

L'art. 8, coma 2, é gnü mudé dal art. 3 dla lege provinziala di 3 de otober dl 2005, n. 8, y spo sostituì dal art. 39, coma 2, dla lege provinziala 10 de jügn dl 2008, n. 4.

12)

La lëtra b) dl art. 8 coma 2 é gnü sostituì dal art. 1, coma 2, dla lege provinziala di 13 de novëmber dl 2009, n. 10.