a) Lege provinziala di 17 de forà dl 2000, n. 71)2) —
Ordinamënt nü dl comerz

Publicada tl’injunta n. 1 dl Boletin Ofizial di 29 de forà dl 2000, n. 9.

Chësta lege provinziala é gnüda abrogada aladô dl art. 75, coma 1, lëtra a) dla l.p. di 2 de dezëmber dl 2019, n. 12. Ciara dantadöt l’art. 71 (Normes transitores)y l’art. 72 (Desposiziuns sön l’aplicaziun dla lege) dla l.p. di 2 de dezëmber dl 2019, n. 12.

Art. 23 (Revocaziun dl'autorisaziun)

(1) 52)

(2) L’ombolt comana de stlüje l’ativité de venüda sce al é chëstes condiziuns:

sce le titolar tëgn sö l'ativité por passa sis mëisc, tl respet de na prorogaziun tl caje de bojëgn cumprovè;
sce le titolar n’à nia plü les condiziuns preodüdes dal articul 2;
sce al vëgn indô violè les prescriziuns igienich-sanitares, do che l'ativité é gnüda sospenüda por n pez porvia de caji gravënć o de rezidiva. 53)

(3) 54)

(4) L'autorisaziun dl post por eserzité l’ativité comerziala sön les sperses publiches vëgn revocada sce le titolar ne mët nia man l'ativité te sis mëisc da canche al à ciafè la comunicaziun de autorisaziun, y tl caje de tomanza dla conzesciun dl post por n’avëi nia respetè les normes sön le eserzize dl'ativité o por ne l’avëi nia adorè por la perioda de tëmp preodüda dal articul 19. Sce le control preodü dal articul 18/bis resultëia negatif, vëgn la segnalaziun zertificada de scomenciamënt dl’ativité (CZSA) y la conzesciun dl post sospenüdes por 120 dis o ćina al dé olache al vëgn regolarisé la situaziun di contribuć, sce chësc vëgn a s'al dè denant che al tomes le terminn dessura. Chësta sospenjiun n'é nia da capì sciöche manćianza dl'adoranza dl post por i fins dl articul 19, coma 4. Ćina che ara ne vëgn nia metüda apost vëgn la conzesciun y la CZSA sospenüdes y ares mëss gnì dades jö pro l’autorité comunala de competënza. 55)

(5) Sce la porsona interessada ne regolarisëia nia süa situaziun di contribuć tl tëmp dè dant dal coma 4 spo n'à la segnalaziun zertificada de scomenciamënt dl’ativité (CZSA) plü degöna faziun y la conzesciun dl post vëgn revocada. 56)

	T.A.R. di Bolzano - Sentenza N. 40 del 05.02.2003 - Commercio - autorizzazione amministrativa - attività abusiva - ordinanza di chiusura
	T.A.R. di Bolzano - Sentenza N. 358 del 24.07.2002 - Commercio - autorizzazione amministrativa - destinazione d'uso del locale - ampliamento nel verde agricolo: limitazioni - esecuzione del giudicato e jus superveniens - pianificazione urbanistica: ripartizione in zone del territorio - ampliamento abusivo di esercizio commerciale
	T.A.R. di Bolzano - Sentenza N. 150 del 24.05.2000 - Ricorso giurisdizionale - censura non dedotta in sede di ricorso gerarchico - preclusione all'esame del giudice - revoca dell'autorizzazione al commercio - atto dovuto
	T.A.R. di Bolzano - Sentenza N. 205 del 30.06.1999 - Revoca dell'autorizzazione all'esercizio del commercio - tassatività
	T.A.R. di Bolzano - Sentenza N. 499 del 19.11.1997 - Revoca di autorizzazione amministrativa per sospensione dell'attività di vendita - atto dovuto
	T.A.R. di Bolzano - Sentenza N. 392 del 30.09.1997 - Autorizzazione commerciale - l'osservanza delle norme urbanistiche è un presuppostoEsercizi commerciali - limiti ad un trasferimento Revoca di un'autorizzazione amministrativa - non occorre parere di commissione comunale

52)

L'art. 23, coma 1 é gnü injuntè dal art. 8, coma 1, lëtra a), punt 18 dla l.p. di 16 de merz dl 2012, n. 7.

53)

L'art. 23, coma 1 é gnü mudé insciö dal art. 8, coma 1, lëtra a), punt 19 dla l.p. di 16 de merz dl 2012, n. 7.

54)

L'art. 23, coma 3 é gnü abroghè dal art. 8, coma 1, lëtra a), punt 20 dla l.p. di 16 de merz dl 2012, n. 7.

55)

L'art. 23, coma 4 é gnü impröma sostituì dal art. 16, coma 4 dla l.p. di 19 de messè dl 2013, n. 11 y spo plü tert mudé insciö dal art. 13, coma 3 dla l.p. di 26 de setëmber dl 2014, n. 7.

56)

L'art. 23, coma 5 é gnü injuntè dal art. 13, coma 4 dla l.p. di 26 de setëmber dl 2014, n. 7.