(1) L’ativité comerziala sön sperses publiches, che vëgn eserzitada sön n post che é gnü dè en conzesciun o te forma de comerz ambulant, é sotmetüda ala segnalaziun zertificada de scomenciamënt dl’ativité (CZSA), cun chëra che al vëgn atestè le possès di recuisić preodüs dal articul 2, coma 2. 25) 26)
(2) L’ativité comerziala sön raiuns publics preodüda dal articul 17, coma 2, lëtra a), vëgn eserzitada da che che à i recuisić preodüs dal coma 1 de chësc articul sön posć dà ia cun na conzesciun dal comun competënt, ti lims dla desponibilité di raiuns preodüs por chësc fin ti stromënć urbanistics por i marćià raionai o chiris fora dal comun, ti provedimënć de istituziun de na fiera locala o n marćé. 25)
(3) Denant co mëte man cun l'ativité preodüda dal articul 17, coma 2, lëtra b), mëssel ti gnì dè jö al comun competënt la comunicaziun cun: l’indicaziun dl’ativité eserzitada y la detlaraziun de avëi les condiziuns preodüdes dal articul 2 de chësta lege. 27)
(4) L’ativité comerziala sön raiuns publics po gnì eserzitada da porsones fisiches o da sozietes de porsones, sozietês de capital o cooperatives, metüdes sö aladô dles normes varëntes. 25)
(5) L'autorisaziun relasciada por le comerz sön sperses publiches de valgügn produć alimentars, individuà dala Junta provinziala cun la deliberaziun che determinëia i seturs de marćianzia, po abilité nia ma ala venüda mo inće ala soministraziun di medemi, sce i recuisić sogetifs damanà por öna y por l'atra ativité é presënć. 28)
(6) 29)
I comesc 1, 2 y 4 dl art. 18 é gnüs mudá insciö dal art. 16, coma 1 dla l.p. di 19 de messè dl 2013, n. 11.
L'art. 18, coma 1 é ćiamò n iade gnü sostituì insciö dal art. 13, coma 1 dla l.p. di 26 de setëmber dl 2014, n. 7
L'art. 18, coma 3 é gnü sostituì dal art. 8, coma 1, lëtra a), punt 9 dla l.p. di 16 de merz dl 2012, n. 7.
Ćiara l'art. 8, coma 1, lëtra a), punt 10 dla l.p. di 16 de merz dl 2012, n. 7.
Le coma 6 é gnü abroghè dal art. 42 dla lege provinziala di 23 de lugio 2007, n. 6.