a) Lege Provinziala di 11 de agost dl 1997, n. 131)2)
Lege urbanistica provinziala

(1) I planns urbanistics cumenei muessa revardé dut l raion cumenel y tenì cont dantaldut de:

1. la rëies dla vies de comunicazion prinzipieles cun la plazes destinedes a parché i auti y d’autri njins, tenian cont dla mudazions dla stredes esistëntes, a na maniera da ti jì ancontra ai bujëns dal didancuei y dl daunì n cont dl trafich, dl’economia tipica dl raion, dl’igena, de n bel cialé ora di raions publics y dla mascima valorisazion dla belëzes natureles, zënza pierder de uedl la nluegeda raziunela y l svilup organich dl raion da abité;
   
2. la delimitazion y la destinazion funzionela dla zones singules cun la prescrizions spezifiches y cun la normativa relativa ai indesc d’edificazion. 17)
   
3. la sperses resservedes a costruzions y mplanc de nteres publich o chëles che ie destinedes a adurvanza publica, che ie sometudes a liams speziei o a servitus particuleres, o nce de teles che ie de bujën per la valorisazion dla belëzes dla natura.
   
4. la larghëza di raions de respet per la frabiches publiches che ie de bujën ai fins dla frabiches nstësses o per bujëns che possa unì udui danora tl daunì.
   
5. i mplanc de furnidura y de smaltimënt essenziei. 17)
   

(2) Canche l plann vën laurà ora vala de studië particulermënter bën i prinzips diretifs dl svilup dl nridlamënt, la posizion y la carateristiches geologiches dl terac, la cundizions microclimatiches, la carateristiches dl’ativiteies economiches locales plu mpurtantes, sciche nce la topografia soziela dl zënter urban, a na maniera da seguré la miëura cundizions d’abitabltà, de vita y de lëur.

(3) Tla delimitazion teritoriela di nridlamënc che ie da udëi danora ti planns urbanistics tl daunì, saral da tenì cont dla prutezion dl terac, dla resserves d’ega, de na adurvanza raziunela dl terac y dla cunservazion o dla recostituzion dla uniteies produtives y ënghe dla defendura dla cuntreda.

(4) Ai fins de n’adurvanza raziunela dla sperses destinedes a frabiches y mplanc de nteres publich possa l diesc percënt dl volum de frabica unì destinà tl plann urbanistich a ativiteies cumerzieles ala menuda y/o terzieres de scumenciadiva privata. Sce chësta sperses ie nluegedes dedite tl zënter frabicà delimità aldò dl articul 12 dla lege provinziela di 15 d’auril 1991, n. 10 y mudazions suzessives possa la perzentuela unì auzeda nchin al 20 percënt y, per i chemuns cun na cumpëida de abitanc plu auta de 50.000, nchin al 40 percënt. 18)

(5)19)

(6) Per urienté l svilup dl nridlamënt te na maniera cuerënta al trasport publich, muessel unì juntà ala dumandes de mudazion o de reelaburazion ti planns cumenei, che reverda zones residenzieles, produtives y nsci inant, na relazion tlarienta sun la presënza de n servisc funzionënt de trasport publich che ie da arjonjer a pe, o sun la puscibltà de l njinië ite, tenian cont l plu che la va dla rentabltà de chësc servisc.