(1) L’aministraziun provinziala pó conzede contribuc cina al 100 porcënt dles spëises reconesciüdes amissibles por intervënc por la selvicoltöra, sciöche le remboscamënt, la cura di bosć de vigni sort, i intervënc fito-sanitars y d’atri intervënc sön i bosć, cun lapró chi por la prevenziun di dagns da tiers salvari, da medefüch y da d’atres catastrofes naturales, a pert i laurs che alda lapró. I contribuc vëgn paiá fora por i laurs fac veramënter y sön la basa di prisc unitars che resultëia dai verbai de control. 74)
(2) Por i bojëgns preodüs dal coma 1, po l’aministraziun provinziala conzede contribuć ćina a alplü le 40 porcënt dles spëises reconesciüdes por investimënć, che reverda la modernisaziun dl parch por mascinns por adorè le lignan, le menè y süa pröma lauraziun. 75)
(3) Ajache al é tan n gran interes da pert dla jënt por mantigní la bona condiziun de sanité di bosć, süa stabilité y vitalité, pó l’aministraziun provinziala conzede contribuc aladô dla regola “de minimis” aladô dl regolamënt (UE) n. 1407/2013 dla Comisciun di 18 de dezëmber dl 2013, por i intervënc preodüs dal coma 1 sön la prevenziun dla difujiun di dagns da parassic y la cura di bosć te na fasa jona, por garantí süa stabilité y resistënza ai agenc esterns, che sides gnüs stlüc jö y por chi che al vëgn fat domanda cina ai 31 de dezëmber dl 2020. 76)
(4) I contribuc preodüs dal coma 3 vëgn paiá fora aladô dles modalités preodüdes dal coma 1, do che l’autoritá forestala competënta á confermé che i laurs é gnüs fac y stlüc jö sciöche al alda. 77)
L'art. 48, coma 1 é gnü mudé insciö dal art. 12, coma 6 dla l.p. di 9 de jená dl 2023, n. 1.
L’art. 48 é gnü sostituì insciö dal art. 5, coma 15, dla l.p. di 12 de dezëmber dl 2011, n. 14.
L'art. 48, coma 3 é gnü ajunté dal art. 35, coma 1 dla l.p. di 19 de agost dl 2020, n. 9.
L'art. 48, coma 4 é gnü ajunté dal art. 35, coma 1 dla l.p. di 19 de agost dl 2020, n. 9.