(1) Por presservè le bosch da na dreja de inseć o d’atri gaujamaraties po le diretur dl ispetorat forestal competënt te chël raiun ti scrî dant ai proprietars o ai possessurs de plantes te bosch mosöres adeguades comanan inće ch’al ti vëgnes tut demez la scorza y portè demez lëgns y ciüć.
(1/bis) Sce le gestur de infrastrotöres de interes publich, sciöche les condütes eletriches, les linies dla ferata o les strades, se damana da taié lignan, mëssel se cruzié da scorzé o tó y jí les taies y i ciüc sce l'ispetorat forestal se le damana. 46)
(2) La Repartiziun provinziala Bosć po gnì autorisada a tó mosöres por la scombatüda de parassić y de maraties dles plantes te bosch en economia; ara verda y tëgn sot a control la sanité dl bosch, inće por ći che reverda dagns nüs o gaujà dal incuinamënt dl ambiënt.
(3) Por i fins dla pröma pert dl coma 2 po la Junta provinziala conzede contribuć ai proprietars di bosć por les spëises ch’ai à albü por chisc fins te na mosöra ćina al 80 porcënt di cosć reconesciüs.
(4) Chi che ne se tëgn nia ales normes por la prevenziun y la scombatüda di dagns al bosch tres parassić é sotmetüs a na straufunga aministrativa danter 31 euro y 311 euro. 47)
(5) Tl caje de na violaziun dles prescriziuns preodüdes dal coma 1 y 1/bis vëgnel apliché na straufunga aministrativa de 20 euro por vigni meter cubich intier o na süa fraziun de lignan nia scorzé y/o porté demez. 48)
(6) Sce la violaziun dada dant ti comesc 4 y 5 porta a dagns aladô dl articul 10 vëgnel apliché les prescriziuns y les straufunghes aministratives de scioldi preodüdes.
L'art. 28, coma 1/bis é gnü injunté dal art. 12, coma 2 dla l.p. di 9 de jená dl 2023, n. 1.
Les somes é gnüdes mudades insciö dal art. 1, coma 46, dl D.P.P. di 19 de lugio 2006, nr. 34.
L'art. 28, coma 5 é gnü mudé insciö dal art. 12, coma 3 dla l.p. di 9 de jená dl 2023, n. 1.