(1) Al é proibí da impié füc o gaujé n medefüch, bel anfat a ci moda, te bosch o a na destanza de manco co vint metri dal bosch, tut fora ci che é preodü dal coma 3. 42)
(2) Te chësc caje mëss le füch atira gnì destodé sön intimaziun dl funzionar che le azertëia.
(3) La proibiziun dada dant tl coma 1 ne vel nia por chës persones che é te bosch por eserzité n’ativité forestala, y por les lercs atrezades por impié füć individuades dal’autorité forestala. A vigni moda mësson se tignì a dötes les precauziuns adatades a tignì fora le medefüch te bosch, sciöche protezionè le bosch dal füch y delimité le füch, le tignin plü bas che ara va y s’assiguré, che al sides gnü destodé daldöt denant co s’un jì.
(4) Tut fora ći che vëgn regolè dales desposiziuns speziales, po le diretur dl ispetorat forestal competënt te chël raiun autorisé da impié füć ti bosć en gaujiun de festes liades ala tradiziun y tla destanza de segurëza.
(5) Tl caje de gran prigo de medefüch te bosch, lascè alsavëi ala popolaziun tres internet y i mass media, é la proibiziun de impié füć ti bosć y tla destanza de segurëza assoluta.
(6) Por la violaziun dles desposiziun preodüdes dai comesc 1, 3, y 4 vëgnel dè na sanziun aministrativa de scioldi de 100,00 euro. Tl caje de violaziun dla desposiziun preodüda dal coma 5, vëgn la sanziun aministrativa de scioldi radoplada.
(7) Por la violaziun dla desposiziun preodüda dal coma 2 vëgnel dè na sanziun aministrativa de scioldi de 200,00 euro.
(8) Sce al é prigo de n medefüch, sce al vëgn gaujé n medefüch o sce al vá debojëgn de n gran impëgn de forzes de intervënt, ajache al é gnü impié füc te bosch, sön i pra da munt, sön pastöra o a manco de 20 metri da chisc, vëgnel dé na sanziun aministrativa de scioldi che vá da 300,00 euro a 3.000,00 euro. 43)