(1) Por l’eserzize dla pastöra sön grunc de pastöra cun lian d’adoranza, vëgn la ciaria de bestiam y la dorada dl vardé stabilis dal diretur dl ispetorat forestal competënt te chël raiun, sce al n’é nia n plann de gestiun dles pastöres aladô dl articul 13, coma 3. 35)
(2) Les modalitês y la dorada dl vardè vel por alplü diesc agn y vëgn stabilides dal diretur dl ispetorat forestal competënt te chël raiun o scenò pro na sessiun forestala aladô dl articul 17, do na comunicaziun da pert dl interessè o do avëi presentè na domanda aposta.
(3) Cun l’autorisaziun da pert dl diretur dl ispetorat forestal competënt te chël raiun po i grunć de pastöra gnì vardà jö a n’altëza danter 800 y 1.500 metri dai 15 de mà ai 31 d’otober y a n’altëza sura i 1.500 metri dal 1. de jügn ai 31 d’otober; chëstes limitaziuns ne vel nia por les pastöres da ćiasa.
(4) Sc’al esist les condiziuns po le diretur dl ispetorat forestal competënt te chël raiun, sön domanda di interessà o d’ofize, antizipé o proroghè la data de dorada dl vardè jö les pastöres aladô dl coma 3.
(5) Cuntra i provedimënc dl diretur dl ispetorat forestal competënt te chël raiun pól gní fat recurs ala Junta provinziala do che al é tomé le termin por la publicaziun di resultac dles sesciuns forestales sön les tofles de comun, chël ó dí do da süa comunicaziun, sce la porsona interessada á dé jö la domanda aposta. 36)
(6) Chi che ne se tëgn nia ales prescriziuns de chësc articul y ales prescriziuns dades fora aladô de chësc por ći che reverda le vardè sön grunć de pastöra é sotmetüs a na straufunga aministrativa de 2 euro por vigni armënt o ćiaval, y de un n euro por vigni ćioura, biscia o porcel por vigni dé sön pastöra; la straufunga minima é te vigni caje de 62 euro. 37)
L’art. 22, coma 1 é gnü mudé insciö dal art. 19, coma 14 dla l.p. di 23 de messé dl 2021, n. 5.
L’art. 22, coma 5 é gnü mudé insciö dal art.19, coma 15 dla l.p. di 23 de messé dl 2021, n. 5.
Les somes é gnüdes mudades insciö dal art. 1, coma 43, dl D.P.P. di 19 de lugio 2006, nr. 34.