a) Lege Provinziala di 21 de otober dl 1996, n. 211)
Ordinamënt forestal

Publicada tl Supl. Ord . nr. 3 al B.O. di 5 de novëmber 1996, nr. 50.

Art. 14 (Taiades de lignan)

(1) Che che ô taié lëgns mëss ti le lascè alsavëi al’autorité forestala. La dezijiun sostituësc vigni atra autorisaziun preodüda dala lege provinziala di 25 de messè dl 1970, n. 16, y mudaziuns suandëntes, sciöche inće d’atres desposiziuns varëntes te chësta materia. 24)

(2) Les desposiziuns dades dant tl coma 1 vel inće por lëgns de bosch, chersciüs sö olachessî, tan inant ch’ai n’é nia tl raiun de zëntri abità sciöche delimité dal articul 12 dla lege provinziala di 15 d’aurì dl 1991, n. 10. 25)

(3) Ater co por l’esecuziun di intervënc de interes publich de prescia y che ne pó nia gní sburlá, pó i lëgns destiná da gní taiá jö aladô di comesc 1 y 2, impormó gní taiá do che ai é gnüs amarsciá dal’autorité forestala che pó dé fora prescriziuns aposta por taié jö lignan. 26)

(4) 27)

(5) Aladô de chësta lege capëscion sot a taiada ordinara la prelevaziun dl tai de lignan de vigni diesc agn stabilì tl plann de gestiun o tl schedar dl bosch aladô dl articul 13. 28)

(6) Che che ne se tëgn nia ala prescriziun dada dant tl coma 3 taian jö lëgns vëgn sotmetü a na straufunga aministrativa de 20,00 euro por vigni lëgn taié cun n diameter de altamo 17,5 cm. Por de mëndri lëgns vëgnel, sce al é danman les condiziuns, ma apliché l’articul 10. Sce al vëgn taié jö lëgns te n bosch jonn vëgnel apliché la sanziun aministrativa de 1.000,00 euro por etar. La straufunga minima é te vigni caje de 62,00 euro. 29)

Corte costituzionale - sentenza 25 settembre 2018, n. 201 - Liberalizzazione dell’attività commerciale – commercio al dettaglio nelle zone produttive – ordinamento forestale - autorizzazioni al taglio del legname – estinzione del processo – non fondatezza del ricorso

24)

L'art. 14, coma 1 é gnü sostituì insciö dal art. 12, coma 2 dla l.p. di 23 d’otober dl 2014, n. 10.

25)

Le coma 2 é gnü sostituì dal art. 10 dla L.P. di 23 de lugio 2007, nr. 6.

26)

L'art. 14, coma 3 é naota gnü sostituí dal art. 12, coma 3 dla l.p. di 19 de messé dl 2013, n. 10, y spo mudé insciö dal art. 15, coma 1 dla l.p. di 29 de jügn dl 2023, n. 12.

27)

L’art. 14, coma 4 é gnü abroghé dal art. 19, coma 11 dla l.p. di 23 de messé dl 2021, n. 5.

28)

L'art. 14, coma 5 é gnü sostituì dal art. 12, coma 3 dla l.p. di 23 d’otober dl 2014, n. 10.

29)

L'art. 14, coma 6 é naota gnü sostituí dal art. 16, coma 2 dla l.p. di 18 d'otober dl 2016, n. 21, y spo mudé dal art. 12, coma 1 dla l.p. di 9 de jená dl 2023, n. 1.