(1) L’autorité forestala po arjigné ca planificaziuns suraaziendales tl ćiamp di bosć y dla alpicoltöra, tolon ite inće i patruns, i comuns, d’atres autoritês, les assoziaziuns y la popolaziun.
(2) L’autorité forestala se crüzia ince dla planificaziun aziendala tl ciamp di bosć y dl’alpicoltöra, che se partësc sö te planns de gestiun di bëgns de bosć y pastöres, sciöche ince te schedars di bosć y dles munts. 18)
(3) I bosć y les pastöres da na spersa forestala netta maiú co cënt hectars, mëss gní laurá aladô dl plann de gestiun aprové dal diretur dla Repartiziun provinziala Bosć. 19)
(4) I planns preodüs dal coma 3 vel 15 dis do süa publicaziun sön la tofla di comuns interessà; ai vëgn parificà de vigni vers al regolamënt d’esecuziun de chësta lege.
(5) Por les sperses de bosć y pastöres da na spersa forestala netta de passa cënt hectars, olache la gestiun ordinara n’é nia poscibla porvia de condiziuns particolares, vëgnel arjigné ca n schedar de bosch aprovada dal diretur dl ofize dla Repartiziun provinziala Bosć che é competënta por la planificaziun forestala. 20)
(6) Les sperses de bosch da manco co cënt hectars de spersa forestala mëss gní laurades y adorades aladô di schedars di bosć che alda lapró, che l'autorité forestala á lauré fora y che le diretur dl ofize competënt por la planificaziun forestala dla Repartiziun provinziala Bosć á aprové. Chisc stromënc dla planificaziun forestala contëgn i dac essenziai di planns de gestiun. 21)
(7) Les speres dles pastöres che ne vëgn nia laurades aladô de n plann de gestiun di bëgns de bosć y alpicoltöra, mëss gnì laurades y adorades aladô di schedars dles munts che alda laprò, che l'autorité forestala à laurè fora y che le diretur dl ofize competënt por l’economia da munt dla Repartiziun provinziala Bosć à aprovè.
(8) 22) 23)
L’art. 13, coma 2 é gnü mudé insciö dal art. 19, coma 6 dla l.p. di 23 de messé dl 2021, n. 5.
L'art. 13, coma 3 é gnü naota integré dal art. 12, coma 1 dla l.p. di 23 d'otober dl 2014, n. 10, y spo mudé dal art. 16, coma 1 dla l.p. di 23 de dezëmber dl 2014, n. 11, y spo dal art. 19, coma 7 dla l.p. di 23 de messé dl 2021, n. 5.
L’art. 13, coma 5 é gnü mudé insciö dal art. 19, coma 8 dla l.p. di 23 de messé dl 2021, n. 5.
L’art. 13, coma 6 é gnü mudé insciö dal art. 19, coma 9 dla l.p. di 23 de messé dl 2021, n. 5.
L’art. 13 é gnü sostituì insciö dal art. 5, coma 7, dla l.p. di 12 de dezëmber dl 2011, n. 14
L’art. 13, coma 8 é gnü abroghé dal art. 19, coma 2, dla l.p. di 23 de messé dl 2021, n. 5.