d) Lege Provinziala di 22 de otober dl 1993, n. 171)2)
Regulamënt dl pruzedimënt aministratif 3)

Pubblicata nel B.U. 9 novembre 1993, n. 55.

Cëla nce l D.P.G.P. di 16 dei june 1994, n. 21.

L titul ie unit sustituì nsci dal articul 1, coma 1, dla L.P. 4 de mei 2016, n. 9.

Art. 22 (Apurvazion chieta ti pruzedimënc a istanza de pert)

(1) Ti pruzedimënc a istanza de pert per dé ora pruvedimënc aministratifs vel l chiet dl’aministrazion cumpetënta sciche n pruvedimënt d’azetazion dla dumanda, zënza che l sibe de bujën de mo d’autra istanzes o ordens, sce la medema aministrazion ne ti comunichea nia al nteressà, tl tiermul nunzià tl articul 4, l pruvedimënt de refudeda. Te chësc cajo vëniel aplicà l articul 11/bis.

(1/bis) L’apurvazion chieta vën nce aplicheda ai pruzedimënc de verificazion nviei via aldò dl articul 71 dl decret dl Presidënt dla Republica di 28 de dezëmber 2000, n. 445, sun istanza dla stazions d’apalt, per cuntrolé l’aurità dla detlarazion sustitutiva data ora dai operadëures economics aldò dl articul 80, coma 5, pustom i), dl decret legislatif di 18 d’auril 2016, n. 50, y mudazions suzessives, per atesté la usservanza dla normes sun l dërt al lëur dla persones cun dejabltà nunziedes tl articul 17 dla lege di 12 de merz 1999, n. 68, y mudazions suzessives. 148)

(2) Ti caji te chëi che l chiet dl’aministrazion vel sciche l’azetazion dla dumanda possa l’aministrazion cumpetënta adoté pruvedimënc de autodefendura.

(3) La despusizions de chësc articul ne vën nia aplichedes ai ac y ai pruzedimënc tl ciamp dla defendura dl ambient, dla defendura dala resieda idrogeologica, dla defendura dl patrimone culturel, storich-artistich y dla cuntreda sciche nce dla sanità, dla segurëza publica y dl vester san y nton dla persones, no ai caji te chëi che la normativa dla Union europeica dà dant l’adozion de pruvedimënc aministratifs furmei, sciche nianca ai caji te chëi che na despusizion normativa valutea l chiet dl’aministrazion sciche la refudeda dla istanza y nia ai ac y pruzedimënc ndividuei cun deliberazion dla Jonta provinziela da publiché tl Buletin Ufiziel dla Region. 149) 150)

	Beschluss vom 27. Dezember 2016, Nr. 1512 - Landesgesetz vom 22.10.1993, Nr. 17 - Ausnahmen zur Anwendung des Rechtsinstitutes der stillschweigenden Zustimmung (abgeändert mit Beschluss Nr. 205 vom 21.02.2017)
	T.A.R. di Bolzano - Sentenza N. 197 del 26.05.2007 - Poste, telegrafi, telefoni e radiocomunicazioni - infrastrutture delle comunicazioni - disciplina del settore - competenza provinciale - autorizzazione ex art. 7 bis L.P. n. 6/2002 - valenza edilizia - verifiche di compatibilità urbanistica nell'ambito del procedimento autorizzatorio - non previsto istituto silenzio assenso - criteri per la localizzazione di nuovi impianti - invito ai comuni in ordine a siti da preferire e da evitare - telefonia mobile - proposta di localizzazione da parte del comune
	T.A.R. di Bolzano - Sentenza N. 280 del 22.06.2006 - Concessione edilizia - silenzio assenso - comunicazione dei motivi ostativi all'accoglimento --interruzione del termine
	T.A.R. di Bolzano - Sentenza N. 263 del 19.06.2003 - Viticoltura - terreno per impianto di viti - silenzio assenso
	T.A.R. di Bolzano - Sentenza N. 154 del 28.03.2002 - Ricorso giurisdizionale - avverso silenzio della P.A. - poteri del giudice

148)

L articul 22, coma 1/bis, ie unì metù ite dal articul 1, coma 4, dla L.P. di 11 de lugio 2018, n. 10.

149)

L articul 22 ie unì sustituì nsci dal articul 28, coma 1, dla L.P. di 4 de mei 2016, n. 9. Cëla nce l articul 39, coma 3, dla L.P. di 4 de mei 2016, n. 9.

150)

Tl test tudësch dl art. 22, coma 3, ie la parola “landwirtschaftlichen” unida barateda ora cun la parola “landschaftlichen” dal art. 3, coma 5, dla L.P. di 6 de lugio 2017, n. 8. Dadedò ie l art. 22, coma 3, unì baratà ora dal art. 3, coma 6, dla L.P. di 6 de lugio 2017, n. 8, y po iel unì mudà dal art. 1, coma 3, dla L.P. di 29 de juni 2023, n. 12.