(1) Sce l unissa ora da n cuntrol che l cuntenut dla detlarazion ne curespuende nia ala urità o che l mancia nfurmazions che ëssa messù unì dates sëura, pierd l detlarënt, restan mpe l’aplicazion dla straufonghes penales eventueles, dut l vantaje economich cunzedù cun pruvedimënt n basa ala detlarazion faleda. La soma che muessa n cajo unì retuda ne daussa nia vester plu auta che cin iedesc mo ntant l vantaje economich giapà zënza nen avëi l dërt. 33)
(1/bis) L resta a uni moda mpe i ntervënc, nce economics, a bën di minorens y per situazions familieres y sozieles particuleres, definii dala Jonta provinziela. 34)
(2) Cun l pruvedimënt de revucheda o d'archiviazion vëniel nce scrit dant che la persona che à cumetù l’azion o l’omiscion o l ënt da d’ëila reprejentà ne daussa nia plu giapé vantajes economics per n tëmp de nchin a 5 ani dala data dl pruvedimënt nstës. La pruibizion de giaudëi de vantajes economics possa unì limiteda a strutures d’urganisazion o prestazions singules. 35)
(3) 36)
(4) Sce per i fac nunziei tl coma 1 ie la soma giapeda zënza nen avëi l dërt unfat auta o mëndra de 3.999,96 euro, vëniel aplicà la straufonga aministrativa dl paiamënt de na soma da 500,00 a 25.822,00 euro. Chësta straufonga ne daussa nia superé l tripl dl vantaje giapà. L resta mpe l'aplicazion de sanzions penales eventueles. 37) 38)
(4/bis) La despusizions nunziedes tl coma 4 vën aplichedes nce ai fac liei dan la jita n forza de chësc articul, sce i ie plu vantajëus, ora che sce l pruvedimënt de paiamënt dla straufonga ie deventà definitif. 39)
(5) 40)
L articul 2/bis, coma 1, ie n iede unit sustituì dal articul 18, coma 1, dla L.P. di 23 de dezëmber 2010, n. 15, pona mudeda dal articul 4, coma 2, dla L.P. di 26 de setëmber 2014, n. 8, y ala fin sustituì nsci dal articul 6, coma 1, dla L.P. di 4 de mei 2016, n. 9.
L articul 2/bis, coma 1/bis, ie unì metù ite dal articul 3, coma 3, dla L.P. di 11 de jené 2021, n. 1.
L articul 2/bis, coma 2, ie n iede unit sustituì dal articul 18, coma 1, dla L.P. di 23 de dezëmber 2010, n. 15, y pona dal articul 6, coma 2, dla L.P. di 4 de mei 2016, n. 9. Cëla nce l articul 39, coma 1, dla L.P. di 4 de mei 2016, n. 9.
L articul 2/bis, coma 3, ie unit abrogà dal articul 38, coma 1, pustom b), dla L.P. di 4 de mei 2016, n. 9.
L articul 2/bis ie unit njuntà dal articul 35 dla L.P. di 28 de dezëmber 2001, n. 19, mudà dal articul 15 dla L.P. di 28 de lugio 2003, n. 12, sustituì dal articul 1, coma 1, dla L.P. di 10 de juni 2008, n. 4. Cëla nce la norma transitora nunzieda tl articul 47, coma 1, dla L.P. di 10 de juni 2008, n. 4.
L articul 2/bis, coma 4, ie n iede unit mudà dal articul 4, coma 4, dla L.P. di 26 de setëmber 2014, n. 8, y pona dal articul 6, coma 3, dla L.P. 4 de mei 2016, n. 9. Cëla nce l articul 39, coma 1, dla L.P. di 4 de mei 2016, n. 9.
L articul 2/bis, coma 4/bis, ie unit njuntà dal articul 4/bis, coma 1, dla L.P. di 26 de jené 2015, n. 1 respetivamënter dal articul 11, coma 1, dla L.P. di 25 de setëmber 2015, n. 11, y pona mudà dal articul 6, coma 4, dla L.P. di 4 de mei 2016, n. 9. Cëla nce l articul 39, coma 1, dla L.P. di 4 de mei 2016, n. 9.
L articul 2/bis, coma 5, ie unit njuntà dal articul 21, coma 2, dla L.P. di 20 de dezëmber 2012, n. 22, y pona abrogà dal articul 38, coma 1, pustom b), dla L.P. di 4 de mei 2016, n. 9.