(1) Uni pruvedimënt aministratif muessa unì mutivà cun la ndicazion dl fat y dla rejons giuridiches che à purtà pro a chësta dezijion aldò di resultac dla pruzedura de nrescida.
(2) Per i ac normatifs y per chëi de contenut generel ne iel nia de bujën de na mutivazion.
(3) Sce la rejons dla dezijion resultea da n’auter at aministratif a chël che n fej referimënt tla dezijion, pona muessa chësc unì ndicà y metù a despusizion adum cun la comunicazion dla dezijion aministrativa.
(4) Te uni pruvedimënt aministratif nutificà muessel unì dat sëura l tiermul dla mputazion y l’autorità pra chëla che l ie puscibl fé recurs. 86)