a) Lege Provinziala di 17 de messè dl 1987, n. 141)
Normes por la sconanza dla salvarjina y por l’eserzize dla ćiacia 2)

Publicada tl B.O. di 28 de messè dl 1987, n. 34.

Mudé dal art. 6 dla l.p. di 28 de novëmber dl 1996, n. 23, sciöche inće dal art. 28 dla l.p. di 12 d’otober dl 2007, n. 10.

Art. 35 (Proteziun dla salvarjina dai ćians)

(1) I cians de vigni raza pó ma gní tuc para te n raiun sce an mët dër averda. Al é proibí da lascé rodé intoronn i cians da susc. Chësta proibiziun ne vel nia por i cians da ciacia al lou tratan le tëmp conzedü, i cians por la ciacia ala olp organisá dal aministradú dl raiun de ciacia do i 15 de dezëmber, i cians da chirida y d’architada tl tëmp dal 1. d’otober ai 15 de dezëmber, i cians adorá pro le relevamënt dla salvarjina che les autorités dla ciacia nominades tl titul VI á desponü y i cians che vëgn adorá pro ciaciades preodüdes dal articul 15, coma 1, lëtra l) o pro chirides autorisades preodüdes dal articul 11, coma 9. Le medemo vel ince tratan n intervënt por i cians da famëi, i cians da lovines y dla proteziun zivila, sciöche ince por i cians por porsones verces y i cians dles forzes armades y dla polizia. Che che ne se tëgn nia a chëstes desposiziuns vëgn sotmetü a na sanziun aministrativa de scioldi preodüda dal articul 16, coma 1, lëtres f) y g) dla lege provinziala di 15 de ma dl 2000, n. 9, y mudaziuns suandëntes. 116)

(2) I aministradus di reviers destinëia sperses por insigné jö i ćians da ćiacia ti tëmps olache la ćiacia é stlüta.

(3) 117)

116)

L'art. 35, coma 1 é gnü naota sostituí dal art. 2, coma 13 dla l.p. di 12 de dezëmber dl 2011, n. 14, y spo mudé dal art. 2, coma 16 dla l.p. di 23 de dezëmber dl 2021, n. 14.

117)

L'art. 35, coma 3 é gnü ajunté dal art. 6 dla l.p.de 28 de novëmber dl 1996, n. 23, y spo mudé dal art. 2, coma 17 dla l.p. di 23 de dezëmber dl 2021, n. 14, y ala fin abroghé dal art. 10, coma 2 dla l.p. di 14 de merz dl 2022, n. 2.