c) Lege Provinziala di 26 de mà dl 1976, n. 181)
Isituziun dl Laboratore biologich provinzial y dl Ofize idrografich provinzial

(1) Le laboratore biologich provinzial à sciöche fin chël de portè pro a conësce damì les carateristiches ambientales dl raiun provinzial.

(2) Al à dantadöt l’inćiaria da:

1. fà stüdi, inrescides y relevamënć y dè arać sön les carateristiches biologiches, microbiologiches, fisiches y biochimiches dl’aria, dl’ega y dl terac;
   
2. stabilì les faziuns dles sostanzes da tosser sön la flora y la fauna y les mudaziuns ambientales che vëgn dai fenomenns d’antropisaziun;
   
3. fà stüdi, inrescides y relevamënć y dè arać sön fenomenns meteorologics che po avëi n’influënza sön i caji desvalis d’incuinamënt;
   
4. ademplì les inćiaries che vëgn dales leges provinziales.