b) Lege Provinziala di 31 de agost dl 1974, n. 71)2)
Assistënza scolastica. Previdënzes por garantì le dërt da studié

(1)  La Provinzia autonoma de Balsan se tol dant cun chësta lege da:

1. garantì n’avalianza dles oportunitês reala tl ćiamp dla formaziun, cun le tó y jì i impedimënć economics y soziai che tëgn sö l'ademplimënt dl dovëi scolastich y impedësc le svilup plëgn dla porsona umana;
   
2. garantì a che che à les capazitês y se le mirita da arjunje i degrà de stüde plü alć, inće sce ai n’à nia i mesi.
   

(1)  4)

(2)  5)

(3)  La Provinzia sostëgn le dërt da studié cun:

1. stipendiums ordinars;
   
2. stipendiums straordinars;
   
3. 6)
   
4. menses scolastiches;
   
5. libri de scora y assëgns di libri; 7)
   
6. trasporć de scolars o d’atres alisiraziuns de iade;
   
7. l’assiguraziun;
   
8. sorvisc abitatifs;
   
9. 8)
   
10. provedimënc por mituns y mitans y jonëza cun handicap; 9)
    
11. vigni ater intervënt por realisé le dërt da studié.
    

(4)  I intervënc preodüs dal coma 3, lëtra a) y b), é por scolars y scolares olache la familia é te na situaziun economica sot le lim stabilí cun regolamënt d’esecuziun.  10)

(5)  La valutaziun dla situaziun economica vëgn fata sön la basa dl decret dl Presidënt dla Provinzia di 11 de jená dl 2011, n. 2, y mudaziuns suandëntes.  11)

(6)  Les condiziuns d’azes ales prestaziuns economiches preodüdes dal coma 4 vëgn regolamentades cun regolamënt d’esecuziun, cun chël che al vëgn determiné le valur dla situaziun economica (VSE) amiscibla por ciafé la prestaziun.  12) 13)

(7)  Por arjunje i fins preodüs da chësta lege, pó la Provinzia autonoma de Balsan realisé, dlungia les mosöres preodüdes dal coma 3, diretamënter intervënc o surandé inciaries, sciöche ince cumpré bëgns y sorvisc respet ales desposiziuns varëntes. 14)

(1)  I scolars po se damanè les prestaziuns preodüdes da chësta lege sce ai é:

1. zitadins dl'Uniun Europeica che frecuentëia istituziuns scolastiches y formatives profescionales tl Südtirol;
   
2. zitadins extracomunitars che à la residënza tl Südtirol y frecuentëia istituziuns scolastiches y formatives profescionales tl Südtirol;
   
3. zitadins dl'Uniun Europeica che à la residënza tl Südtirol da altamo dui agn, y frecuentëia, fora dl teritore provinzial, istituziuns scolastiches o formatives profescionales che ne n’é nia da ciafè tl Südtirol; 15)
   
4. zitadines y zitadins extracomunitars che á l'autorisaziun de sojornanza UE por sojornanzes lunges tla Talia y zitadines y zitadins che á ciafé le reconescimënt de status de profugh o de proteziun sussidiara aladô dla diretiva 2011/95/UE dl Parlamënt europeich y dl Consëi di 13 de dezëmber dl 2011 “Deposiziuns sön le reconescimënt a zitadins de paîsc terzi o apolig dl dërt de proteziun internazionala, le status uniform por i profugs o por les porsones che á le dërt da s'anuzé dla proteziun sussidiara y le contignü dla proteziun reconesciüda”, y che vëgn ecuipará ales zitadines y ai zitadins talians; 16)
   
5. zitadines y zitadins de stać che ne fej nia pert dla Uniun europeica che à la residënza [da almanco cin agn] tl Südtirol y frecuentëia, fora dla provinzia, na scora o na istiuziun de formaziun profescionala che n’é nia da ciafè tl Südtirol.  17)18)
   

(1)  Ai scolars y ales scolares ti pól gní conzedü n stipendium sce ai á i recuisic generai preodüs dal articul 3 y é tla situaziun economica preodüda dal articul 2, coma 4.  21)

(2)  I stipendiums vëgn assegnà tres concursc scrić fora dala Junta provinziala.

(3)  Tl regolamënt d'esecuziun vëgnel stabilí: 22)

1. la soma dl stipendium;
   
2. 23)
   
3. les desposiziuns por assegné i punć por la gradatöra.
   

(4)  Desvian da ći che é preodü dal articul 3 y da chësc articul pol gnì conzedü n stipendium straordinar a scolars che é te na situaziun de bojëgn particolar.24)

(1)  Ai scolars scrić ite pro istituziuns scolastiches o formatives profescionales fora dla provinzia de Balsan, che ne n’é nia tla provinzia de Balsan, pol ti gnì retü les tasses o i contribuć scolastics, sce ai à i recuisić por che al ti vëgnes conzedü n stipendium aladô dl articul 5. 25)

(1)  Le sorvisc dla mensa scolastica vëgn garantì dai comuns. I comuns po inće ti surandè la gestiun a terzi.

(2)  Le Comun competënt fissa i criters y les modalitês de organisaziun dl sorvisc dla mensa, sciöche inće i recuisić che alda laprò por ti rové pormez y tó pert ai cosć a ćiaria di benefiziars.

(3)  La Junta provinziala fissa i criters y les modalités de partezipaziun dla Provinzia ai cosć de gestiun ordinars dl sorvisc dla mensa, preodü dal coma 1. A tan che le contribut provinzial a past amunta vëgn determiné dala Junta provinziala, do avëi aldí le Consëi di Comuns, y al pó gní partí sö te rates. La regolamentaziun transitoria, l'iter de prozedöra y le paiamënt dl finanziamënt vëgn determiná cun acordanza de finanzes di ënc locai aladô dla lege provinziala di 14 de forá dl 1992, n. 6, y mudaziuns suandëntes.   30) 31)

(1)  Le consëi de istitut o de direziun pó ti impresté ai scolars y ales scolares dles scores de vigni ordin y degré i libri de scora, le material didatich, sciöche ince aiüc software y hardware. Les scolares y i scolars pó se tigní i libri di eserzizi. Ales families ti pól gní conzedü en alternativa la retüda dla soma dada fora por cumpré i libri de scora, le material didatich, sciöche ince i aiüc software y hardware.

(2)  La Junta provinziala stabilësc i criters por la lita di libri de scora, dl material didatich, di aiüc software y hardware, sciöche ince la soma mascimala por i cumpré por vigni scolar y vigni scolara y classa; ara stabilësc ince i criters por fá fora la soma, la conzesciun y les modalités d'erogaziun dla retüda dl cost sostigní por cumpré di libri de scora, le material didatich y i aiüc software y hardware. 32)

(1)  La Provinzia autonoma de Balsan po mëte sö n sorvisc de trasport scolastich por i scolars de scores de vigni ordinn y degré.

(2)  Al sorvisc de trasport di scolars pol inće gnì ametü i mituns che va ala scolina, sce al é bele n sorvisc relatif y sce al vëgn garantì n sorvisc d’acompagnamënt.

(3)  La Junta provinziala po istituì sorvisc de trasport speziai por i scolars che ne po nia s’anuzé dl sorvisc publich de linia.

(4)  La Junta provinziala determinëia i criters por atuè le sorvisc de trasport di scolars, i recuisić d’amisciun, sciöche inće les diretives por istituì i sorvisc de trasport speziai.

(5)  La Junta provinziala po ti conzede n contribut por i chilometri ai scolars che ne po nia s’anuzé dl sorvisc, inće sce ai à i recuisić por le trasport di scolars, sciöche inće al comun che organisëia eventualmënter chësc sorvisc de trasport. 33)

(6)  La Provinzia autonoma de Balsan é autorisada da ti conzede vantaji economics ai gesturs che fej, por cunt dla Provinzia, sorvisc de trasport scolastich o sorvisc de trasport y de acompagnamënt por scolares y scolars cun handicap te döt le Südtirol y mëss sospëne daldöt o en pert chisc sorvisc ti agn 2020 y 2021 porvia dl'emergënza epidemiologica gaujada dal virus SARS-CoV-2, por alisiré le dann economich che vëgn dala sospenjiun dl sorvisc, tl respet dles desposiziuns dl'Uniun europeica tla materia de aiüc de Stat. La mosöra y les modalités de prozedöra por la conzesciun di vantaji economics vëgn stabilides cun criters aposta aladô dl articul 2 dla lege provinziala di 22 d'otober dl 1993, n. 17, y mudaziuns suandëntes. 34)

(1)  L'aministraziun provinziala po curì, inće cun contrać de assiguraziun, i mituns dles scolines, les scolares y i scolars tl caje de inzidënć, che po sozede tratan le desfiramënt dles ativitês scolastiches, parascolastiches y interscolastiches, sciöche inće tratan che ai va da ćiasa a scora y indô zoruch.

(2)  Dla curida di prighi da inzidënć di mituns dles scolines, dles scolares y di scolars, se crüzion do avëi arjunt n’acordanza cun l'Istitut Nazional Assiguraziuns Inzidënć sön le Laûr, aladô dl decret dl Presidënt dla Republica di 30 de jügn dl 1965, n. 1124, y mudaziuns suandëntes, o aladô dla lege provinziala di 9 de novëmber dl 2001, n. 16, y mudaziuns suandëntes.

(3) 35) 36)

(1)  Le sorvisc de doscora, i sorvisc didatics integratifs y les ativitês de formaziun complementares vëgn realisà dai consëis de direziun o de istitut, a chi che la Junta provinziala ti darà i mesi che va debojëgn, aladô dles propostes dl consëi scolastich raional.

(2)  Chisc sorvisc mëss portè pro tla scora d'oblianza a realisé la scora a tëmp plëgn, y tla scora alta a sostignì y a daidé recuperè i scolars manco dotà, o a vigni moda te situaziuns obietivamënter ries.

(1)  La Provinzia ti garantësc ai mutilá y invalig zivii l’atuaziun plëna di intervënc d’assistënza preodüs dal articul 28 dla lege di 31 de merz dl 1971, n. 118. Chisc intervënc vëgn ince slariá fora ales porsones cun handicap fisics, psichics y di organs sensitifs. Ai mëss porté pro a integré deplëgn chëstes porsones tles scores de portignënza y tles classes normales, tignin a vigni moda cunt dla natöra y dl degré dl handicap, y pó ince ester sorvisc de acompagnamënt y de trasport, ince individualisá, y de assistënza adatada tratan l'orar de scora, dl doscora y di atri sorvisc didatics integratifs. 38)

(1)  La Provinzia pó ti mëte a desposiziun tl Südtirol ai scolars y ales scolares y ai lerneri y ales lerneres n sorvisc abitatif, sciöche cuartiers, ciases di studënc, convic o istituziuns somiëntes, manajá diretamënter dala Provinzia o da terzi.  39) 40)

(2)  Por i ënć publics o privać, zënza fin de davagn, che manajëia ćiases di studënć preodüdes dal coma 1, pol gnì curì daldöt le defizit dla gestiun ordinara tl limit de spëisa fissé dales desposiziuns de conzesciun di contribuć, sce al é la desponibilité sön le capitul de bilanz che alda laprò. La Junta provinziala po ti conzede contribuć ćina a alplü l'80 porcënt dles spëises reconesciüdes ai ënć publics o privać zënza fin de davagn, che promöi i interesc y les ativitês dles ćiases di studënć.39)

(3)  41)

(4)  Ai ënć y ales assoziaziuns zënza fin de davagn, che mët a desposiziun un di sorvisc abitatifs preodüs dal coma 1, pol ti gnì conzedü contribuć ćina a alplü le 90 porcënt dles spëises reconesciüdes amissibles por:

1. cumprè frabicać o grunć;
   
2. proietè, costruì, amplié, sistemé, restrotoré o completè i frabicać;
   
3. cumprè mebli y atrezadöres. 39)
   

(5)  I ënć y les assoziaziuns che ciafa i contribuć preodüs dal coma 4 mëss se tó dant da ne mudé nia la destinaziun di frabicać y de ći che alda laprò, dles atrezadöres y di mebli zënza le consëns dla Junta provinziala. La dorada dl lian relatif, che ne po nia ester mënder co 20 agn y majer co 50 agn, vëgn fissé dala Junta provinziala, do avëi tignì cunt dl'entité dl contribut conzedü. Le lian de ne mudé nia la destinaziun vëgn anotè tl liber fondiar.42)

(6)  Sce al vëgn mudé la destinaziun di frabicać y de ći che alda laprò, mëssel gnì retü le contribut adöm cun i fić legai. Sce le frabicat vëgn adorè inant por fins soziai vëgnel smendrì le contribut conzedü en proporziun al tëmp che al é gnü adorè, aladô dla destinaziun preodüda dal coma 1. Al mëss gnì retü la desfarënzia cun laprò i fić legai.42)

(7)  Desvian dales desposiziuns preodüdes dai comesc 5 y 6, po i bëgns cun lian de destinaziun gnì metüs a desposiziun dla Provinzia por n’indenité che tëgn cunt di contribuć ciafà. 42)

(8)  La Junta provinziala fej fora i criters y les modalitês por conzede i contribuć.42) 43)

(1)  La provinzia po surantó vigni atra scomenciadia por sostignì le dërt da studié, y dantadöt por realisé o promöie convić y ćiases di studënć, iadi y vijites d'istruziun, libri por les biblioteches de tlassa y dla scora, y d’ater material didatich por düć, sciöche inće stromënć de aprendimënt individual.

(2)  Chisc sorvisc pó gní realisá diretamënter o tres la conzesciun de contribuc o sostëgns ai Comuns, sü consorc, sciöche ince a d’atri ënc o d’atres istituziuns dër cualificá che se le damana.  45)

(3)  Sce ti agn 2020-2021 ne vára nia da pité, en pert o daldöt, le sorvisc de gestiun di convic tl Südtirol porvia dl’emergënza epidemiologica da virus SARS-CoV-2, pó la Provinzia autonoma de Balsan ti conzede, tl respet dles desposiziuns dl'Uniun europeica sön i aiüc de Stat, vantaji economics ai gesturs che desfira chisc sorvisc por ëra, por arjiné le dann economich che vëgn dal smendrimënt dl sorvisc. La mosöra y les modalités de prozedöra por la conzesciun di vantaji economics vëgn stabilides cun criters aposta aladô dl articul 2 dla lege provinziala di 22 d’otober dl 1993, n. 17, y mudaziuns suandëntes. 46)

(1)  Pian ia dal ann scolastich 2001/2002 vëgn le convit nazional "Damiano Chiesa" de Balsan trasformè te na strotöra de convit y de formaziun provinziala por studënć y studëntes che fej na scora secondara, sciöche inće cursc de istruziun y formaziun alta y universitara. Le convit é inće na strotöra che sostëgn l'autonomia dles istituziuns scolastiches y che porta pro a mëte a jì ativitês de formaziun por le personal scolastich.

(2)  Dl'aministraziun dl convit provinzial se crüzia na scora taliana, ciafada fora cun decret dl diretur/dla direturia dla Direziun Istruziun y Formaziun taliana, che s’anüza por chësc fin ince dl contingënt de personal fissé dala Junta provinziala aladô dl articul 15 dla lege provinziala di 29 de jügn dl 2000, n. 12.  47) 48)

(1)  Por n sostëgn linguistich intensif di mituns y migranć jogn po la Junta provinziala mëte sö o finanzié zëntri linguistics tla provinzia de Balsan. I zëntri linguistics po gnì manajà diretamënter dal'aministraziun provinziala o da terzi.49)

(1)  Le stipendium provinzial ne n’é nia compatibl cun d’atri stipendiums o cun n post debann te na ćiasa di studënć o n convit. Al studënt ti mëssel gnì garantì la poscibilité da chirì fora.

(2)  Dötes les atres previdënzes preodüdes da chësta lege po gnì acumulades.

(1)  I programs d’assistënza scolastica metüs a jì tla provinzia da ënć y istituć publics nazionai o suraprovinziai mëss gnì sotmetüs por vigni ann scolastich, aladô dl D.P.R. dl 1 de novëmber dl 1973, n. 687, al'aprovaziun dla Junta provinziala, che se crüzia de so coordinamënt cun les ativitês de competënza dla Provinzia.

(2)  Plü avisa se tràtera de chisc ënć y istituć:

1. le zënter nazional sostëgns audiovisifs;
   
2. l’ënt nazional por les biblioteches popolares y scolastiches;
   
3. l’ënt nazional por la proteziun morala dl möt;
   
4. le zënter talian di iadi de stüde por i studënć dles scores secondares;
   
5. l’ënt nazional d’assistënza di maestri;
   
6. l’istitut nazional d’assistënza por i dependënć di ënć locai.