In vigore al

RICERCA:

Ultima edizione

4) Decret dl Presidënt dla Republica dl 31 de agost 1972, n. 6701)
Apurvazion dl test unich dla leges costituzioneles che reverda l statut speziel per l Trentin-Südtirol

Visualizza documento intero
1)
Publicà tla G.U. dl 20 de nuvëmber 1972, n. 301.

Articul 75/bis   63) delibera sentenza

(1)  Tl munté dla cuotes dla chëutes stateles che ti vën zedudes ala Region y ala Provinzies iel stlut ite nce la ntredes che reverda l raion regiunel y provinziel y che vën ite n atuazion de despusizions legislatives y aministratives a ufizies nluegei dedora dl teritore dla Region y dla Provinzies respetives.

(2)  La cuotes nunziedes tl coma vën determinedes 1 vën fata tulan coche referimënt ndicatëures o uni autra documentazion adateda ala valutazion di fenomenns economics che se porta pro sun l teritore regiunel y provinziel.

(3)  Ora che per cie che ie udù danora autramënter dala despusizions nunziedes tl articul 107, vën la ntredes che ti spieta ala Provinzia dala chëuta sun l davani dla sozieteies y dala chëutes sostitutives sun i davanies de capital, sce l ne fossa nia puscibl les determiné aldò dla manieres nunziedes tl coma 2, cuantifichedes n basa ala fazion mesana de chësta chëutes sun l prudot ntern lordo (PIL) naziunel da apliché al PIL regiunel o provinziel azertà dal Istitut naziunel de statistica. 64)

(3/bis)  La rededa che se porta pro dal avanamënt de alicuotes o dala istituzion de chëutes nueves, sce destineda per lege ala curidura, aldò dl articul 81 dla Costituzion, de spëises spezifiches nueves de carater che ne dure nia tl tëmp y che ne tome nia tla materies de cumpetënza dla Region o dla Provinzies, tlo leprò ie nce ratedes chëles che reverda la desgrazies natureles, ie resserveda al Stat, a cundizion che la sibe delimiteda tl tëmp y cuntabiliseda a pert tl bilanz statel y cundechël cuantificabla. L ne vën nia lascià pro resserves de rededa destinedes al arjunjimënt de obietifs de reecuilibrazion dla finanza publica. L vën abrogà i articuli 9,10 y 10/bis dl decret legislatif di 16 de merz 1992, n. 268. 65)

massimeCorte costituzionale - sentenza vom 5. Dezember 2017, Nr. 270 - Decreto- legge 22 ottobre 2016, n. 193, art. 7, comma 1 – legge 11 dicembre 2016, n. 232, art. 1, commi da 633 a 636, art. 2 – bilancio e contabilità pubblica –– inammissibile – non fondatezza
63)
Cëla nce l decret di 20 de lugio 2011.
64)
L articul 75/bis ie unit njuntà dal articul 2, coma 107, pustom g) dla lege di 23 de dezëmber 2009, n. 191.L articul 75/bis ie unit njuntà dal articul 2, coma 107, pustom g) dla lege di 23 de dezëmber 2009, n. 191.
65)
L articul 75/bis, coma 3/bis ie unit njuntà dal articul 1, coma 407, pustom d) dla lege di 23 de dezëmber 2014, n. 190 (lege de stabiltà 2015).