n) Lege provinziala di 12 de novëmber dl 2019, n. 111)
Partezipaziun dla Provinzia autonoma de Balsan al’organisaziun di XXV Jüc olimpics da d'invern y di XIV Jüc paralimpics da d'invern dl 2026 2)

(1)  La Provinzia autonoma de Balsan pó fá pert dl Comité d'organisaziun di jüc olimpics y paralimpics da d'invern Milan Cortina 2026 (OCOG) y dl’Agenzia de proietaziun olimpica; a chësta moda póra garantí, a öna cun i atri ënc che tol pert, le sostëgn che vá debojëgn por organisé y tigní i jüc, en concordanza cun i impëgns surantuc tl dossier de candidatöra dl Comité Olimpich Nazional Talian (CONI), aprové dal Comité Olimpich Internazional (CIO) y cun ci che é gnü stabilí tl Contrat Cité Ospitanta (Host City Contract) sotescrit a Lausanne ai 24 de jügn dl 2019.  3)

(2)  La Provinzia autonoma de Balsan dëida surantó les spëises por le funzionamënt di organisms preodüs dal coma 1 y por le finanziamënt de sües ativités aladô dla planificaziun finanziara y de n program cronologich dles ativités fac fora a öna danter i ënc che fej para.

(3)  I cosć che vëgn da chësc articul che é de 500.000,00 euro por l’ann 2020 en referimënt al coma 1 y de 150.000,00 euro por i agn 2020, 2021 y 2022 en referimënt al coma 2, vëgn curis tres le smendrimënt di stanziamënc scric ite tl fonds spezial “Fonds global por curí cosć che vëgn da provedimënc legislatifs nüs” por cosć corënc tl cheder dl program 03 dla misciun 20 dl bilanz de previjiun 2019-2021.

(4)  La Repartiziun provinziala Finanzes pó fá les mudaziuns de bilanz che vá debojëgn cun sü decrec.

(1)  La Provinzia autonoma de Balsan tol pert ala curida dl defizit eventual dl Comité d'organisaziun (OCOG). La partezipaziun ala curida vëgn a s'al dé aladô de n plann de repartiziun dles spëises relatives, da definí tres acordanzes spezifiches danter i ënc interessá, sön la basa dl criter dla localisaziun dles disciplines olimpiches adoré da partí sö les spëises de candidatöra.

(2)  I cosć che vëgn da chësc articul che amunta indöt a 19.894.366,20 euro aladô dl'Acordanza teritoriala, vëgn curis: 4)

1. tl'amunta de 2.500.000,00 euro por l'eserzize finanziar 2022 tres le smendrimënt corespognënt dl stanziamënt scrit ite tl fonds spezial “Fonds global por curí i cosć che vëgn da provedimënc legislatifs nüs” por spëises d'investimënt tl cheder dl program 03 dla misciun 20 dl bilanz de previjiun 2020-2022;
   
2. tl'amunta de 2.500.000,00 euro al ann por i eserzizi finanziars 2023 y 2024, tl'amunta de 4.450.000,00 euro por l'eserzize finanziar 2025 y tl'amunta de 7.944.366,20 euro por l'eserzize finanziar 2026 cun lege de stabilité provinziala anuala che pó definí danü les cuotes preodüdes por vignun di agn tuc en conscidraziun tl bilanz de previjiun y por i eserzizi suandënc, tl cheder dla spëisa complessiva autorisada.  5) 6)
   

(1)  Chësta lege vá en forza le de che ara vëgn publicada tl Boletin Ofizial dla Regiun.

Chësta lege gnará publicada tl Boletin Ofizial dla Regiun. Vignun a chël ch’al ti speta é oblié da la respeté y da la fá respeté sciöche lege dla Provinzia.