(1) Per la variantes al plan cumenel che reverda ntervënc tl raion de nridlamënt nunzià tl articul 17, coma 3, y che ne à deguna fazion sun i bëns de cuntreda de valor particuler nunziei tl articul 11, coma 1, pustoms a), c), d), e), f), g), h) y i), vëniel aplicà l pruzedimënt aldò dl articul 60. L’apurvazion dla varianta ti spieta a uni moda for al Cunsëi cumenel. Tl cajo che l mancia l arat dl espert/dla esperta aldò dl articul 4, coma 2, pustom e) vëniel, tla Cumiscion cumenela per l teritore y la cuntreda n relazion a variantes che à fazion sun i bëns de cuntreda, aplicà l pruzedimënt nunzià tl coma 2 che vën do. La repartizion provinziela cumpetënta se cruzia de mëter ite la variantes tl Plan cumenel per l teritore y la cuntreda. (PCTC). 117)
(2) Per la variantes al PCTC defrëntes da chëles preududes tl coma 1 vëniel aplicà l pruzedimënt nunzià tl articul 53, ma la delibra curespundënta ie de cumpetënza dla Jonta cumenela.
(3) La Jonta provinziela possa fé d’ufize la mudazions al PSCTC y al PCTC nunziedes tl articul 53, coma 8. Te chësc cajo vëniel aplicà l pruzedimënt nunzià tl articul 50.
(4)118)
(5) La cumedures che ie de bujën per l’armonisazion grafica danter l plan de cuntreda, l plan eventuel dl parch y i strumënc de planificazion cumenela vën cumandedes, nce d’ufize, dal diretëur/dala diretëura dla repartizion provinziela cumpetënta tla materia de natura, cuntreda y svilup dl teritore, do che l ie unì audì l Chemun nteressà.
(6) L’autorisazion aldò dla lege provinziela di 19 de mei 2003, n. 7, y mudazions suzessives possa unì data unfat ciuna che sibe la destinazion urbanistica dla spersa che resultea dal plan urbanistich cumenel; ma la muessa cuntenì la prescrizions y la ublianzes de reprejtiné la sperses tl stat curespundënt ala destinazion urbanistica y de tò y jì duc i mplanc che ne curespuend nia a chësta destinazion urbanistica. Tl cajo de mudazion dla destinazion urbanistica ntan l tëmp de validità dl’autorisazion ie la prescrizions y la ublianzes da adaté de chësc viers. La prescrizions y la ublianzes ie oradechël nce da adaté, sce chësc ie de bujën sun la basa dl’apurvazion VFA (VIA) de d’autri proiec. L resta mpe la determinazions dl plan de cuntreda. 119)
L art. 54, coma 1, ie n iede unì mudà dal art. 19, coma 1, dla L.P. di 20 de dezëmber 2019, n. 17, pona baratà ora dal art. 15, coma 1, dla L.P. di 17 de dezëmber 2020, n. 15, pona mudà dal art. 16, coma 1, dla L.P. dl prim de juni 2023, n. 9, y dal art. 8, coma 1, dla L.P. di 26 de merz 2024, n. 1.
iL art. 54, coma 4, ie unit abrogà dal art. 16, coma 2, dla L.P. dl prim de juni 2023, n. 9.
L articul 54, coma 6, ie unì njuntà dal articul 19, coma 2, dla L.P. di 20 de dezëmber 2019, n. 17.