d) Lege provinziala di 10 de messè dl 2018, n. 91)2)
Teritore y cuntreda

(1) L se trata de raions de recualificazion pra i raions te chëi che l ie de bujën fé ntervënc urbanistics organics, nce n desvieda dala regulamentazion nunzieda pra l articul 24, coma 2, prima frasa, y coma 3, per i fins dla valorisazion dl tiejà de nridlamënt ejistënt, cun la partezipazion puscibla de ressorses publiches y privates. 60)

(2) Tla individuazion de chisc raions muessel unì spezificà:

1. la spessënza dl frabicà teritoriela n referimënt a dut l raion;
   
2. la destinazions de nuzeda defrëntes lascedes pro per la realisazion di obietifs dl plan de recualificazion urbanistica (PRU) cun indicazion dla cuotes minimes y mascimes;
   
3. i criteres de prestazion ogetifs n relazion ala cualità urbanistica, architetonica y ambientela, per garantì n generel la sustenibltà di ntervënc.
   

(3) Per l’ativiteies de cumerz ala menuda velel la limitazions nunziedes tl articul 33, comes 3 y 4, sce la spersa nteresseda fova dant n raion produtif. Stluc ora ie i raions de recualificazion urbanistica che va a sëida cun raions mescedei ti chemuns cun plu de 40.000 abitanc, nce tl cajo che la sperses da frabiché ie spartides la una dal’autra da sperses per la viabiltà y la mubiltà. 61)