(1) Pra l zënter storich tochel la pertes dl raion mescedà, te chël che l ie aglomerac da carater storich y artistich de mpurtanza y de valor ambientel particuler, che, pervia de si carateristiches architetoniches, tipologiches y morfologiches, costituësc na unità omogena.
(2) Tl zënter storich vëniel cialà de cunservé y derturé la cëses che ie de nteres storich-artistich, de recuperé y adurvé inò l patrimone de fabrica che ie, de mantenì y valorisé l tiejà urban-storich dla zità, la rë de stredes y la sperses nia frabichedes ma nce de recualifiché la destinazions de nuzeda che l caraterisea.
(3) Tl zënter storich possa la planificazion cumenela preudëi n volum de frabica a nuzeda residenziela plu bas de chël nunzià tl articul 24, coma 2. La frabiches sometudes a defendura storich-artistica ie delibredes dala ublianza de nuzeda residenziela aldò dl articul 24, coma 2, prima frasa. 52)