d) Lege provinziala di 10 de messè dl 2018, n. 91)2)
Teritore y cuntreda

Publicheda tl suplemënt n. 3 dl B.U. ai 12 de lugio 2018, n. 28.

Per la jita n forza cëla l articul 107, comes 1 y 2 de chësta lege.

Art. 23 (Destinazions de nuzeda dla frabiches)

(1) L vën defrenzià danter chësta categuries de destinazions de nuzeda dla frabiches o de pertes de chëstes:

abitazion; 41)
atività de servisc;
cumerz ala menuda;
atività de eserzize publich;
servijes publics y atrezatures de nteres publich;
atività artejanela, industriela, de cumerz al ngros y cumerz ala menuda aldò dl articul 33, comes 3, 4, 5 y 7; 42)
atività agricula.

(2) Urbanisticamënter senificativa vën cunscidreda la mudazion dla destinazions de nuzeda che cumporta l’asseniazion dl frabicat o de na si pert a n’autra categuria funzionela. Sce l ne ie nia udù danora autramënter da chësta lege muessel per uni mudazion de destinazions de nuzeda aldò dl coma 1 unì fat na senialazion zertificheda de scumenciamënt dl’atività (SZSA/SCIA), ora che sce l se trata de na mudazion che reverda l cumerz ala menuda ti raions produtifs. L fit a tëmp determinà o l mprëst de nuzeda debant de locai cun la destinazion “atività de eserzize publich” per l fin de pité servijes publics o a istituzions de nteres publich, nce n desvieda dal liam curespundënt eventuel scrit tl liber fundier, ne determinea nia la mudazion dla destinazion de nuzeda. 43)

(3) Tl raion mescedà possa l volum de frabica o pert de chësc che ne ie nia destinà a cuatieres resservei per persones residëntes unì adurvà tl medemo tëmp nce per l’ativiteies dla categuries nunziedes tl coma 1, pustoms da b) a g). Ti raions dedora dl zënter storich ne ie chësta puscibltà nia lasceda pro per l’atività rezetiva. L muessa unì respetà la despusizions dl articul 24 y i recuisic spezifics di setores economics respetifs. La nuzeda tl medemo tëmp per doi o plu ativiteies de categuries defrëntes nunziedes te chësc coma ne ie nia sometuda a autorisazion, sce la nuzeda uriginela vën per la majera pert mantenida y eserziteda aldò dla destinazion de nuzeda apurveda. 44)

41)

L pustom a) dl articul 23, coma 1, ie unì baratà ora nsci dal articul 7, coma 1, dla L.P. di 20 de dezëmber 2019, n. 17.

42)

L pustom f) dl articul 23, coma 1, ie unì baratà ora nsci dal articul 7, coma 2, dla L.P. di 20 de dezëmber 2019, n. 17.

43)

L articul 23, coma 2, ie unì mudà nsci dal articul 7, coma 1, dla L.P. di 17 de dezëmber 2020, n. 15.

44)

L art. 23, coma 3, ie n iede unì mudà dal art. 7, coma 3, dla L.P. di 20 de dezëmber 2019, n. 17, y dadedò baratà ora nsci dal art. 7, coma 1, dla L.P. dl prim de juni 2023, n. 9.