d) Lege provinziala di 10 de messè dl 2018, n. 91)2)
Teritore y cuntreda

(1) Tla planificazion cumenela vëniel defrenzià danter chësta categuries de destinazions urbanistiches:

1. raion mescedà residenziel (raion mescedà);
   
2. raion produtif;
   
3. raion cun destinazion particulera;
   
4. raion de recualificazion urbanistica;
   
5. sperses destinedes ala viabiltà y ala mubiltà;
   
6. raion per atrezatures publiches.
   

(2) I raions da frabiché ie da delimité a na maniera omogena, cumpata y stluta. I parametri urbanistics de uni raion vën determinei n relazion al cuntest urbanistich y de cuntreda ntëur via.

(3) I raions da frabiché muessa jì a sëida cun raions da frabiché ejistënc y/o cun sperses frabichedes. L possa unì autorisà ezezions da cie che ie preudù tla frasa dan chësta per raions produtifs, raions cun destinazion particulera y raions per atrezatures publiches, sce bujëns spezifics de nluegiamënt o la prutezion da imiscions se l damanda. L ie nce lascià pro individué raions da frabiché nueves sce chisc ie spartii dai raions da frabiché ejistënc tres sperses per la viabiltà o la mubiltà o da ruves. 39)

(4) Sce l ne ie nia espressamënter udù danora autramënter da chësta lege, ie raions da frabiché nueves aldò dl coma 1, pustoms a), b) y d) mé lascei pro ti raions de nridlamënt.  40)