In vigore al

RICERCA:

Ultima edizione

t) Lege provinziala di 22 de jügn dl 2018, n. 81)
Agricoltöra soziala

1)
La verjiun taliana y todëscia é bele gnüda publicada tl suplemënt n. 2 dl Boletin Ofizial dla Regiun di 5 de messè dl 2018, n. 27.  La verjium ladina é gnüda publicada tl B.O. di 9 de agost dl 2018, n. 32.

Art. 1  (Fins)

(1) La Provinzia autonoma de Balsan sostëgn y renforza la strotöra soziala dl raiun rural y promöi porchël l’agricoltöra soziala che dess sostigní le svilup sozio-economich y la permanënza di paurs ti raiuns rurai, sciöche ince la multifunzionalité y la desfarenziaziun dl’agricoltöra aladô di programs de svilup rural dl’Uniun europeica.

(2) L’agricoltöra soziala é da odëi sciöche sostëgn y integraziun dl’oferta d'assistënza da pert dla Provinzia y sciöche intervënt de prevenziun o sostëgn dla sanité dles porsones cun l’aiüt de tiers, de plantes y dla natöra por sostigní o mioré so bëgnester sozial, fisich, psichich y/o pedagogich.

Art. 2  (Lista provinziala di operadus dl’agricoltöra soziala)

(1) Al vëgn metü sö la Lista provinziala di operadus dl’agricoltöra soziala che eserzitëia les ativités preodüdes dal articul 4.

(2) Le contignü y la gestiun dla Lista provinziala vëgn regolá cun le regolamënt d’esecuziun.

Art. 3  (Reconescimënt di operadus dl’agricoltöra soziala)

(1) Al vëgn reconesciü sciöche operadus dl’agricoltöra soziala i imprenditurs agricui preodüs dal articul 2135 dl codesc zivil, dasusc o assoziá, che eserzitëia les ativités preodüdes dal articul 4 y é scric ite tla Lista provinziala preodüda dal articul 2.

(2) Les cooperatives soziales preodüdes dala lege regionala di 22 d'otober dl 1988, n. 24, y mudaziuns suandëntes, y les impreses soziales preodüdes dal decret legislatif di 3 de messé dl 2017, n. 117, pó gní scrites ite tla Lista provinziala preodüda dal articul 2 por gní reconesciüdes sciöche operadus dl’agricoltöra soziala, tan inant che ares respetëia i recuisic preodüs dal articul 2, coma 4 dla lege di 18 d'agost dl 2015, n. 141.

(3) Tla Lista provinziala preodüda dal articul 2 pól ince gní scrit ite les cooperatives soziales preodüdes dala lege regionala di 22 d'otober dl 1988, n. 24, y mudaziuns suandëntes, olache la maioranza di sozi é paurs, mesará, afitadins parziai y sü colaboradus familiars é scric ite tla gestiun di contribuc y dles prestaziuns previdenziales dl Istitut Nazional por la Previdënza Soziala (INPS).

(4) L’adoranza dla denominaziun "operadú dl’agricoltöra soziala” y dles espresciuns atributives che vëgn da chësta é resservada ma a chës impreses agricoles y cooperatives soziales che eserzitëia l’ativité aladô de chësta lege.

Art. 4  (Ativités d'agricoltöra soziala)

(1) Tla Lista provinziala preodüda dal articul 2 él scrit ite i operadus dl’agricoltöra soziala preodüs dal articul 3 che fej chëstes ativités:

  1. inserimënt sozial y dl laur de:
    1. lauranc cun handicap y lauranc desvantajá, sciöche definis dal articul 2, coma 1, numeri 3) y 4) dl regolamënt (UE) n. 651/2014 dla Comisciun di 17 de jügn dl 2014, che detlarëia n valgönes categories de aiüc compatibles cun le marcé intern en aplicaziun di articui 107 y 108 dl tratat;
    2. porsones desvantajades preodüdes dal articul 4 dla lege di 8 de novëmber dl 1991, n. 381, y mudaziuns suandëntes y de porsones sot i 18 agn tl'eté da lauré che tol pert a proiec de reabilitaziun y sostëgn sozial;
  2. prestaziuns y ativités soziales y de sorvisc por les comunités locales y por les scores tres l’adoranza dles ressurses dl’aziënda agricola che pîta ativités por sostigní, acompagné y realisé scomenciadies por le svilup de abilités y capazités, d'orientamënt, d'inclujiun soziala y dl laur, de aurela cörta y de sorvisc d'öga por la vita da vigni de; pro chëstes ativités alda les ofertes de formaziun, d'assistënza y de sostëgn por gestí la vita da vigni de, ince cun tiers y plantes, i sorvisc de cura y d' assistënza, i sorvisc che dá fora da mangé, sciöche la mensa por jënt atempada, i pasć a ciasa y val' da insciö y i sorvisc d’alojamënt por porsones cun problems soziai, fisics y psichics;
  3. prestaziuns y sorvisc che acompagnëia y sostëgn les terapies di doturs, psicologiches y de reabilitaziun por mioré les condiziuns de sanité y les funziuns soziales, emotives y cognitives dles porsones interessades, ince cun l’aiüt de tiers y plantes;
  4. proiec por l'educaziun ambientala y alimentara, la sconanza dla biodiversité, sciöche ince la difujiun dla conescënza dl raiun incëria tres l’organisaziun de mêsc da paur soziai y didatics reconesciüs a livel provinzial, sciöche scomenciadies d'acoliënza y sojornanza por mituns y porsones cun dificoltés soziales, fisiches y psichiches.

(2) Por i fins dl inserimënt sozial y dl laur preodü dal coma 1, lëtra a) vëgnel ince apliché les desposiziuns dla lege provinziala di 14 de messé dl 2015, n. 7, y mudaziuns suandëntes.

Art. 5  (Recuisic sogetifs y ogetifs)

(1) Cun regolamënt d'esecuziun vëgnel fat fora coche i operadus dl’agricoltöra soziala pó ti rové pormez ales singoles ativités y al vëgn regolamenté les formes de colaboraziun cun i ënc y i sorvisc publics competënc; i acreditamënc preodüs romagn varënc.

(2) Implü vëgnel fat fora cun regolamënt d'esecuziun, do avëi aldí la Consulta provinziala por l’agricoltöra soziala y avëi tigní cunt dla sort d'ativité, dles figöres profescionales y dles ofertes formatives che é bele, la formaziun damanada por eserzité les ativités d'agricoltöra soziala.

(3) La formaziun pó gní comproada ince da colaboradus familiars che fej veramënter les ativités preodüdes dal articul 4.

Art. 6  (Desposiziuns urbanistiches y en materia de igiena y sanité por i locai)

(1) Frabicac o perts de frabicac rurai pó gní tuc por les ativités preodüdes dal articul 4. Por eserzité l’ativité de agricoltöra soziala vára ince da recuperé le patrimone de frabicac che é bele y che vëgn bele adoré dai imprenditurs agricui.

(2) I frabicac o les perts de frabicac preodüs dal coma 1 mantëgn le reconescimënt por l’adoranza agricola preodüda dal articul 5, coma 1 dla lege di 18 d'agost dl 2015, n. 141.

(3) Por calcolé la cuta sön i imobii comunala (IMI) aladô dla lege provinziala di 23 d'aurí dl 2014, n. 3, y mudaziuns suandëntes, vëgnel apliché l’alicuota smendrida por i fabricac rurai stromentai preodüda dal articul 9, coma 5 dla medema lege provinziala.

(4) I frabicac o les perts de frabicac preodüs dal coma 1 mantëgn süa destinaziun por ci che reverda i cosć y i atri tribuc.

(5) Por ci che reverda i recuisic di locai dl’aziënda agricola, vëgnel apliché, tan inant che ares vá a öna, les desposiziuns preodüdes dal punt 6 dl’injunta IV dl decret legislatif di 9 d'aurí dl 2008, n. 81, y mudaziuns suandëntes.

(6) Sce les ativités vëiga danfora la lauraziun, la preparaziun, la soministraziun y la venüda di pasć y alimënc, mëssel gní respeté les desposiziuns spezifiches varëntes en materia d'igiena y sanité por i locai. Por la lauraziun y preparaziun pól ince gní adoré la ciasadafüch dl mêsc.

Art. 7  (Scomenciamënt dles ativités)

(1) Aladô dl'ativité mëssel gní fat, aladô dles normes varëntes, na detlaraziun de scomenciamënt di laurs o na segnalaziun zertificada de scomenciamënt di laurs o fat n acreditamënt da pert dles autorités competëntes, denanco mëte man i laurs.

(2) L’iscriziun tla Lista provinziala vëgn fata do la detlaraziun, la segnalaziun o l’acreditamënt preodüs dal coma 1. L’iscriziun é provisora cina che al ne vëgn nia stlüt jö i prozedimënc de detlaraziun, segnalaziun o acreditamënt preodüs dal coma 1.

Art. 8  (Mosöres de sostëgn)

(1) La Provinzia garantësc ressurses y mosöres de sostëgn assá por sostigní le svilup dl’agricoltöra soziala, tignin cunt dles mudaziuns dl bojëgn che se referësc ales singoles prestaziuns.

(2) Les mosöres de sostëgn pó tó ite:

  1. le sostëgn d'investimënc y intervënc por l’adatamënt y aredamënt de frabicac y strotöres por impreses agricoles;
  2. la partezipaziun ai cosć dles cuotes al de y dles tarifes orares di sorvisc d'assistënza tl respet di prinzips y dles desposiziuns preodüdes dala legislaziun provinziala en materia de politiches soziales y sanité;
  3. contribuc por cursc de formaziun y d'ajornamënt, mosöres de sensibilisaziun, stüdi y inrescides, manifestaziuns, convëgns, material divulgatif y d'atres scomenciadies por ënc y organisaziuns tl setur agricul;
  4. proiec y scomenciadies che ti corespogn ai fins de chësta lege.

(3) Les mosöres de sostëgn vëgn destinades dantadöt ales aziëndes che laora en colaboraziun cun les strotöres sozio-sanitares publiches.

Art. 9  (Consulta provinziala por l’agricoltöra soziala)

(1) Pro la Repartiziun provinziala Agricoltöra vëgnel metü sö la Consulta provinziala por l’agricoltöra soziala. La Consulta:

  1. elaborëia propostes por la formaziun y l’ajornamënt di operadus dl’agricoltöra soziala;
  2. presentëia propostes por le svilup dl’agricoltöra soziala tl Südtirol.

(2) La Consulta vëgn nominada dala Junta provinziala y resta te süa inciaria tan dî che la legislatöra döra. La Consulta é metüda adöm:

  1. dal assessur provinzial competënt/dal’assessuria provinziala competënta por l’agricoltöra soziala o da na porsona da ël/ëra delegada, sciöche presidënt/presidënta;
  2. da cater funzionars/funzionares di seturs laur, sanité y politiches soziales, sciöche ince formaziun profescionala todëscia, ciaran dantadöt dl'agricoltöra y economia de ciasa;
  3. da dui rapresentanc/döes rapresentantes di zëntri d'inrescida y formaziun che se crüzia de agricoltöra soziala;
  4. da dui rapresentanc/döes rapresentantes dles organisaziuns agricoles plü rapresentatives a livel provinzial;
  5. da n rapresentant/na rapresentanta dles organisaziuns plü rapresentatives a livel provinzial, che tol ite les organisaziuns de volontariat y i grups de autoaiüt.

(3) Por vigni mëmber dla Consulta preodü dales lëtres b), c), d) y e) dl coma 2 vëgnel nominé n mëmber suplënt.

(4) La Consulta vëgn cherdada ite dal presidënt/dala presidënta. N funzionar/na funzionara dla Repartiziun provinziala Agricoltöra fej da secreter/secreteria.

(5) Sce al é da traté argomënc che se damana la presënza d'esperc/espertes o de rapresentanc/rapresentantes di interesc, pó le presidënt/la presidënta dla Consulta damané esperc/espertes en materia o rapresentanc/rapresentantes dles assoziaziuns de rapresentanza di interesc da tó pert ala sentada dla Consulta provinziala.

Art. 10  (Suraverda y sanziuns)

(1) La Repartiziun provinziala Agricoltöra é l’autorité competënta che se crüzia da ciaré che les desposiziuns de chësta lege vëgnes tignides ite.

(2) Tl respet dles sanziuns aministratives spezifiches en materia vëgnel apliché chëstes sanziuns aministratives:

  1. che che adora la denominaziun "operadú dl’agricoltöra soziala” y les espresciuns atributives o eserzitëia ativités d'agricoltöra soziala zënza ester scrit ite tla Lista preodüda dal articul 2, vëgn straufé cun na sanziun aministrativa da 300,00 a 1.800,00 euro; implü ti vëgnel proibí da jí inant cun l’ativité d'agricoltöra soziala;
  2. che che eserzitëia ativités d'agricoltöra soziala desvian dal’ativité por chëra che al é scrit ite tla Lista, vëgn straufé cun na sanziun aministrativa da 100,00 a 400,00 euro.

(3) Tl respet dl’aplicaziun dles sanziuns preodüdes dal coma 2 desponn l’autorité competënta la proibiziun da jí inant cun l’ativité dl'agricoltöra soziala, sce al vëgn a mancé i recuisic preodüs por eserzité l’ativité.

Art. 11  (Desposiziuns transitores)

(1) Les impreses agricoles che eserzitëia, denanche chësta lege vais en forza, ativités d'agricoltöra soziala da passa dui agn, mëss s'adaté ales desposiziuns de chësta lege te dui agn da süa jüda en forza y se scrí ite tla Lista preodüda dal articul 2.

(2) Por garantí l’introduziun y le svilup dl’agricoltöra soziala surantol la Provinzia le coordinamënt che vá debojëgn por atué les singoles ativités tl cheder dles desposiziuns fiscales y finanziares varëntes.

Art. 12  (Mudaziun dla lege provinziala di 30 d'aurí dl 1991, n. 13, “Ordinamënt nü di sorvisc soziai tla provinzia de Balsan")

(1) Do l’articul 32, coma 14 dla lege provinziala di 30 d'aurí dl 1991, n. 13, y mudaziuns suandëntes, vëgnel injunté chësc coma:

"15. Ales istituziuns privates vëgnel assimilé aladô de chësta lege les impreses che eserzitëia n’ativité tl cheder dl’agricoltöra soziala. Chëstes impreses pó gní reconesciüdes y finanziades sciöche operadus di sorvisc soziai y sozio-sanitars.”

Art. 13  (Normes finanziares)

(1) I cosć che vëgn dal’atuaziun de chësta lege, sciazá de 651.140,00 euro pian ia dal 2018, vëgn curis tres le smendrimënt corespognënt dl’autorisaziun de spëisa dla lege provinziala di 14 de dezëmber dl 1998, n. 11, y mudaziun suandëntes, y a vigni moda ne röiel nia pormez cosć nüs o de majeri cosć a ciaria dl bilanz provinzial.

Chësta lege gnará publicada tl Boletin Ofizial dla Regiun. Vigni porsona a chëra che al ti speta mëss la respeté y la fá respeté sciöche lege dla Provinzia.

 

ActionActionNormativa Costituzionela
ActionActionLegislazion Provinziela
ActionActionI Alpinistica
ActionActionII II – Lëur
ActionActionIII Mineres
ActionActionIV Chemuns y cumenanzes raioneles
ActionActionV Furmazion prufescionela y adestramënt al lëur
ActionActionVI Defendura di teraces, frabiches per l’ega
ActionActionVII VII – Energia
ActionActionVIII Finanzes
ActionActionIX Turism y ndustria d’albierch
ActionActionX Assistënza y benefiziënza
ActionActionXI Ustaries
ActionActionXII Nuzënzes ziviches
ActionActionXIII Urdinamënt di bòsc
ActionActionXIV Sanità y igena
ActionActionXV Nuzeda dl’eghes
ActionActionXVI XVI – Cumerz
ActionActionXVII XVII – Artejanat
ActionActionXVIII Liber fundier y cataster
ActionActionXIX Ciacia y Pëscia
ActionActionXX Prutezion contra l meldefuch y prutezion zevila
ActionActionXXI Scolines
ActionActionXXII XXII – Cultura
ActionActionXXIII Ufizies provinziei y personal
ActionActionXXIV Defendura dla cuntreda y dl ambient
ActionActionXXV XXV – Agricultura
ActionActionA A – Mejes stluc
ActionActionB B – Sustëni dl’agricultura
ActionActionr) Lege Provinziala di 14 de dezëmber dl 1998, n. 11
ActionActiont) Lege provinziala di 22 de jügn dl 2018, n. 8
ActionActionArt. 1  (Fins)
ActionActionArt. 2  (Lista provinziala di operadus dl’agricoltöra soziala)
ActionActionArt. 3  (Reconescimënt di operadus dl’agricoltöra soziala)
ActionActionArt. 4  (Ativités d'agricoltöra soziala)
ActionActionArt. 5  (Recuisic sogetifs y ogetifs)
ActionActionArt. 6  (Desposiziuns urbanistiches y en materia de igiena y sanité por i locai)
ActionActionArt. 7  (Scomenciamënt dles ativités)
ActionActionArt. 8  (Mosöres de sostëgn)
ActionActionArt. 9  (Consulta provinziala por l’agricoltöra soziala)
ActionActionArt. 10  (Suraverda y sanziuns)
ActionActionArt. 11  (Desposiziuns transitores)
ActionActionArt. 12  (Mudaziun dla lege provinziala di 30 d'aurí dl 1991, n. 13, “Ordinamënt nü di sorvisc soziai tla provinzia de Balsan")
ActionActionArt. 13  (Normes finanziares)
ActionActionC C – Bonificazion y recostituzion di teraces
ActionActionD Agenzia Demane provinziel, Zënter de sperimentazion Laimburg y servisc de defendura dla plantes
ActionActionE E – Zidlamënt de tieres
ActionActionF F – Igena di prodoc alimenteres
ActionActionXXVI Lernerat
ActionActionXXVII Fieres y marceies
ActionActionXXVIII Lëures publics
ActionActionXXIX Manifestazions publiches
ActionActionXXX Raiun y contrada
ActionActionXXXI Cuntabltà
ActionActionXXXII Sport y tëmp liede
ActionActionXXXIII Stredes
ActionActionXXXIV XXXIV – Trasporc
ActionActionXXXV XXXV – Istruzion
ActionActionXXXVI XXXVI – Patrimone
ActionActionXXXVII XXXVII – Economia
ActionActionXXXVIII Frabiché abitatif
ActionActionXXXIX Leges cun desposiziuns desvalies (Omnibus)
ActionAction*
ActionAction*
ActionAction*
ActionActionIndesc cronologich