v) Lege provinziala di 9 de forà dl 2018, n. 11)
Normes en materia de personal

(1)  Les desposiziuns preodüdes dal articul 47 dla lege provinziala di 19 de ma dl 2015, n. 6, dal articul 14, coma 6 dla lege provinziala di 25 de setëmber dl 2015, n. 11, dal articul 7, coma 1 dla lege provinziala di 18 d'otober dl 2016, n. 21, y dai articui 1, coma 3 y 2, coma 1 dla lege provinziala di 6 de messé dl 2017, n. 9, vëgn interpretades dala jüda en forza dla lege provinziala di 10 d'agost dl 1995, n. 16, insciö che i paiamënc fac, porvia di mecanisms de trasformaziun graduala dl’indenité de funziun y de coordinamënt y de chëra por le personal dirigenzial sostitut por le personal di ënc, por chi che al vel i contrac coletifs intercompartimentai a livel provinzial, te n assëgn personal reconesciü por la ponsiun, é da conscidré da canche ai é gnüs istituis sciöche n elemënt fis y permanënt dl paiamënt. Les desposiziuns di contrac coletifs y di contrac coletifs intercompartimentai te chësc ciamp é por chisc fins tres legitimes y efetifes; ince en atuaziun dl prinzip de conservaziun di tratamënc economics fondamentai y surapró ciafá ala data de süa jüda en forza che é de natöra retributiva ordinara o che é gnüs paiá cun carater general por vigni aministraziun o ënt.

(2) Alla medema manira preodüda dal coma 1, vëgnel ince interpreté les desposiziuns preodüdes dal articul 22 dla lege provinziala di 23 d'aurí dl 1992, n. 10, che é spo gnüdes tutes sö ti contrac coletifs y ti contrac coletifs intercompartimentali porvia dla lege provinziala di 10 d'agost dl 1995, n. 16, sciöche ince les desposiziuns preodüdes dal articul 28 dla lege provinziala di 23 d'aurí dl 1992, n. 10.] 2)

(1) Les desposiziuns preodüdes dal articul 13, coma 1, lëtra i) dla lege provinziala di 19 de ma dl 2015, n. 6, vëgn interpretades insciö che le referimënt contignü iló ales “desposiziuns varëntes tl Sorvisc sanitar provinzial” se referësc ales formes desvalies d'inciaries che pó gní dant tl ciamp sanitar y che al pó ti gní surandé al personal bele en ponsiun inciaries paiades por prestaziuns sanitares zënza limitaziuns de natöra sogetiva; a chësta moda vëgn chëstes desposiziuns atira aplicades.

(1) Ti comesc 1 y 3 dl articul 1 dla lege provinziala di 6 de messé dl 2017, n. 9 vëgnel baraté fora les parores: “1. de jená dl 2019” cun les parores: “1. de jügn dl 2018”.

(2) Tl coma 1, dl articul 2 dla lege provinziala di 6 de messé dl 2017, n. 9 vëgnel baraté fora les parores: “1. de jená dl 2019” cun les parores: “1. de jügn dl 2018”.

(3) Tl coma 2, dl articul 17 dla lege provinziala di 6 de messé dl 2017, n. 9 vëgnel baraté fora les parores: “31 de dezëmber dl 2018” cun les parores: “31 de ma dl 2018”.

(1) Tla secunda frasa dl coma 4, dl articul 16 dla lege provinziala di 23 d'aurí dl 1992, n. 10, y mudaziuns suandëntes, vëgnel ajunté do les parores “diretur/direturia de repartiziun” les parores “o sce al ne ti vëgn nia dé n'inciaria aladô dl articul 17/bis”.

(2) Tla terza frasa dl coma 1, dl articul 17 dla lege provinziala di 23 d'aurí dl 1992, n. 10, y mudaziuns suandëntes, vëgnel ajunté do les parores “diretur/direturia d’ofize” les parores “o sce al ne ti vëgn nia dé n'inciaria aladô dl articul 17/bis”.

(1) L’articul 6, coma 2 dla lege provinziala di 9 de novëmber dl 2001, n. 16, y mudaziuns suandëntes, vëgn mudé insciö:

"2. Tl respet de ci che vëgn preodü dal coma 1, ti ret i ënc preodüs tl articul 1, tl cheder di raporc autonoms danter aministraziun y aministradus o personal, ai medemi, sön domanda, les spëises legales y di peric, sciöch’ince les spëises iudiziares, sostignides da d'ëi por süa defenüda te prozesc penai, zivii, aministratifs y contabli, che é gnüs metüs a jí cuntra d'ëi por rajuns o fac, ac o omisciuns coliá cun le mandat y les funziuns eserzitades, cun l’eserzize dl sorvisc y cun l’ademplimënt di compic d’ofize o di dovëis istituzionai, sce le prozedimënt vëgn stlüt jö cun na sentënza d'assoluziun o n provedimënt d'archiviaziun. Chëstes spëises vëgn retüdes do che al é gnü dé jö i cunc che toca lapró paiá regolarmënter y tla mosöra aratada adatada dal’Avocatöra dla Provinzia o, por ci che che reverda i atri ënc, dala strotöra che alda lapró, tl limit mascimal di parametri stabilis dales tarifes profescionales che alda lapró.

(1) I cosć che vëgn da chësta lege: 20.000,00 euro por l’ann 2018, 20.000,00 euro por l’ann 2019 y 20.000,00 euro por l’ann 2020, vëgn curis tres le smendrimënt di stanziamënc scric ite tl fonds spezial “Fonds global por curí cosć che vëgn da provedimënc legislatifs nüs” por cosć corënc tl cheder dl program 03 dla misciun 20 dl bilanz de previjiun 2018-2020.

(1) Chësta lege vá en forza le de do süa publicaziun tl Boletin Ofizial dla Regiun.

Chësta lege gnará publicada tl Boletin Ofizial dla Regiun. Vigni porsona a chëra che al ti speta mëss la respeté y la fá respeté sciöche lege dla Provinzia.