(1) Tl caje de laurs, sorvisc y fornidöres fissëia le comitënt publich les carateristiches dl’opera o dl proiet y dá dant la soma dla spëisa complessiva aratada, partida sö por i imporc de laurs, sorvisc y fornidöres, denanco surandé les ativités de proietaziun.
(2) La proietaziun en materia de laurs publics é strotorada, aladô de trëi liví de aprofondimënc tecnics suandënc, te proiet de fatibilité tecnica y economica, proiet definitif y proiet esecutif, a na moda da garantí la cualité dl’opera y la corespondënza cun i fins relatifs. 18)
(3) Por i apalc surandá dala Provinzia autonoma de Balsan, vëgnel aprové les mudaziuns nia essenziales dles carateristiches dl’opera, cun lapró les fornidöres che vá debojëgn por la fá funzioné, che é contignides tl limit dl cuinto dla soma totala dla spëisa aratada, dal'assessuria competënta/assessur competënt. Les mudaziuns nia fondamentales sura le cuinto dla soma totala de spëisa preodüda, cun lapró les fornidöres che vá debojëgn por che l’opera funzionëies, y les mudaziuns fondamentales, vëgn aprovades dala Junta provinziala do avëi ciafé l'arat tecnich. 19)
(4) La proietaziun y la direziun di laurs vëgn fates dai ofizi tecnics di comitënc publics o pó ince gní surandades a profescionisć esterns.
(5) Pro dötes les proietaziuns mësson se tigní a chisc prinzips:
- la proietaziun mëss ti corespogne ales indicaziuns funzionales y economiches fates fora;
- le proiet mëss ti corespogne ales normes varëntes en materia;
- vigni usc dla calcolaziun di cosć y dla cuantité mëss jí a öna cun i dessëgns y les descriziuns dles prestaziuns.
L'art. 8, coma 2 é naota gnü sostituí dal art. 5, coma 1 dla l.p. di 27 de jená dl 2017, n. 1, y dedô él gnü mudé insciö dal art. 5, coma 1 dla l.p. di 9 de messé dl 2019, n. 3.
L'art. 8, coma 3 é gnü sostituí insciö dal art. 5, coma 2 dla l.p. di 27 de jená dl 2017, n. 1.