m) Lege provinziala di 14 de messè dl 2015, n. 71)
Partezipaziun y inclujiun dles porsones cun handicap

Publicaziun tl suplemënt n. 2 dl Boletin Ofizial di 21.07.2015, n. 29. La traduziun ladina é gnüda publicada tl Boletin Ofizial di 29 de setëmber dl 2015, n. 39.

Art. 15 (Integraziun dl laur)

(1) Por sostigní l’assunziun cun contrat de laur dependënt de porsones cun handicap aladô dles desposiziuns statales varëntes él preodü chisc intervënc:

sostëgns economics ales daturies y ai daturs de laur por tó sö porsones cun handicap; 3)
contribuc por adaté le post de laur ai bojëgns dla porsona cun handicap y por cumpré les atrezadöres che vá debojëgn por le laur; chisc contribuc ti vëgn conzedüs ales daturies y ai daturs de laur por i majeri cosć sostignis;
sostëgn, acompagnamënt y consulënza dles daturies y di daturs de laur, dles porsones tutes sö y de che che laora tl medemo ambiënt de laur; chësc vëgn fat tres metodes de job coaching y d'assistënza dla porsona sön le post de laur;
sostëgn dl laur dles porsones cun handicap tles cooperatives soziales de inserimënt dl laur tres l’afidamënt diret de fornidöres y sorvisc, l’introduziun de clausoles soziales ti apalc di laurs, fornidöres o sorvisc y la conzesciun de contribuc;
sostëgns economics ai titolars de impreses por l’ocupaziun de familiars cun handicap che colaborëia. 4)

(2) Sön la basa de sü interesc y sües capazités y tignin cunt le plü che ara vá di dejiders y dles aspetatives dla porsona cun handicap, sciöche ince do avëi ciafé n arat di sorvisc spezialistics, ti vëgnel proponü n contrat de laur dependënt o, scenó, l’azes a n ater sorvisc.

	Beschluss vom 21. November 2023, Nr. 1028 - Richtlinien zur Gewährung von Förderungen an öffentliche Körperschaften für die Anstellung von Menschen mit Behinderungen – Projekt "Plus +35"
	Beschluss vom 22. August 2023, Nr. 703 - Richtlinien für die Gewährung von Prämien für die Anstellung und Beschäftigung von Menschen mit Behinderungen (abgeändert mit Beschluss Nr. 5 vom 09.01.2024)
	Beschluss vom 31. Mai 2016, Nr. 615 - Kriterien für die Gewährung von Beiträgen für die Anpassung des Arbeitsplatzes an die Bedürfnisse der Personen mit Bedinderung und für den Ankauf der notwendigen Arbeitsausstattung

La lëtra a) dl art. 15, coma 1 é gnüda sostituida insciö dal art. 22, coma 1 dla l.p. di 29 de jügn dl 2023, n. 12.

La lëtra e) dl art. 15, coma 1 é gnüda injuntada dal art. 14, coma 1 dla l.p. di 24 de ma dl 2016, n. 10, y spo mudada insciö dal art. 22, coma 2 dla l.p. di 29 de jügn dl 2023, n. 12.