(1) I comuns po istituì comisciuns por les lovines.
(2) La comisciun por les lovines mëss gnì istituida, sce por ciafè le bëgnstè da realisé n raiun da jì cun i schi preodü dal articul 5 dla lege provinziala di 23 de novëmber dl 2010, n. 14, ôl ester n control da pert dla comisciun por les lovines.
(3) L’assessuria provinziala o l’assessur provinzial por la mobilité scrî dant por les furnadoies tl sorvisc publich l’istituziun de na comisciun por les lovines, sce l’ispetorat forestal competënt te chël raiun ti lascia alsavëi al Ofize provinzial Furnadoies che na trassa dla furnadoia vëgn conscidrada al prigo da lovines porvia de na mudaziun dles zircostanzes.
(4) La comisciun por les lovines vëgn nominada dal consëi de comun. De regola éra metüda adöm da almanco cinch y da alplü nü comëmbri che conësc le raiun y les condiziuns dl tëmp, dla nëi y dles lovines de chësc raiun. Te caji motivá pó le consëi de comun desvié dal numer mascimal de nü comëmbri. Sce le personal dla Repartiziun provinziala Bosć vëgn nominé comëmber dla comisciun por les lovines, vëgnel metü en sorvisc por fá chëstes ativités. 3)
(5) Vigni comisciun por les lovines nominëia danter sü comëmbri na porsona che é a će y na porsona che la sostituësc. La presidënta o le presidënt dla comisciun por les lovines fej pert de dërt dl zënter operatif comunal preodü dal articul 3 dla lege provinziala di 18 de dezëmber dl 2002, n. 15. La comisciun por les lovines é na comisciun tecnica cun na funziun aconsiënta por le zënter operatif comunal.
(6) La comisciun por les lovines po se partì sö te sotcomisciuns metüdes adöm da almanco trëi comëmbri.