In vigore al

RICERCA:

Ultima edizione

e) Lege Provinziala di 5 de dezëmber dl 2012, n. 201) Desposiziuns sön l'incuinamënt acustich

1)
Publicata tl B.O. di 18 de dezëmber dl 2012, n. 51

Art. 1 (Ćiamp d'aplicaziun)   delibera sentenza

(1)  Chësta lege stabilësc les normes por sconè l'ambiënt alaleria y chël abitatif dal incuinamënt acustich, sciöche preodü dala lege di 26 d'otober dl 1995, n. 447, “Lege cheder sön l’incuinamënt acustich", por miorè la cualité dla vita y sconè la sanité dla porsona.

(2)  Chësta lege stabilësc les mosöres de prevenziun y de smendrimënt dl livel de desturb dla vera, de ressanamënt ambiental di raiuns incuinà acusticamënter, sciöche inće i criters aladô de chi che i comuns fej la tlassificaziun acustica de so teritore.

(3)  Ater co ti caji scrić dant espressamënter, ne vëgn chësta lege nia aplicada tl caje de incuinamënt acustich:

  1. sön i posć de laûr, olache al vëgn apliché desposiziuns spezifiches sön la sconanza dla sanité y la segurëza de chi che laôra;
  2. gaujé da singui veicui o da ativitês o mesi militars;
  3. gaujé dal comportamënt dles porsones, dales ativitês de ćiasa y dai tiers;
  4. gaujé dai implanć eletroacustics dles ativitês dla proteziun zivila y dl ordinn publich;
  5. gaujé da infrasonns y ultrasonns.
massimeCorte costituzionale - Sentenza N. 517 del 30.12.1991 - Sanità - Inquinamento acustico - D.P.C.M. in tema di limiti massimi di esposizione al rumore negli ambienti abitativi e nell'ambiente esterno

Art. 2 (Definiziuns)

(1)  Te chësta lege mìnon cun:

  1. “incuinamënt acustich”: l’imisciun de vera tl ambiënt abitatif o alaleria, che gaujëia le desturb dla pêsc y dles ativitês dla porsona, mët en prigo la sanité dla porsona, gaujëia dagns ai ecosistems, ai bëgns materiai, ai monumënć, al ambiënt abitatif o al ambiënt estern, o che manacia l'adoranza normala di ambiënć abitatifs y esterns;
  2. “ambiënt abitatif”: vigni ambiënt intern de n frabicat destiné ala sojornanza de porsones o de comunitês che vëgn adorè por ativitês desvalies, ater co i locai por les ativitês produtives, olache chësta lege vëgn ma aplicada al’imisciun de vera da fontanes sonures defora dai locai;
  3. “vera ambientala”: sonns indejidrà o de dann te n ambiënt estern gaujà dales ativitês dles porsones, cun laprò la vera fata dai mesi de trasport, porvia dl trafich di veicui, dla ferata, di fligri o di areai de ativitês produtives;
  4. “fontanes sonures fisses”: i implanć tecnics di frabicać y d'atri implanć, istalà inće ma provisioriamënter ti frabicać che porta pro a emisciuns sonures, les strades, les ferates, i aeroporć, i implanć portamunt, industriai y artejanai, les aziëndes comerziales y agricoles, les plazes da parchè, i raiuns por möie marćianzia, le magazinn de mesi de trasport de porsones y marćianzia, i raiuns por les ativitês sportives y dl tëmp lëde;
  5. “fontanes sonures mobiles”: dötes les fontanes sonures che ne vëgn nia preodüdes dala lëtra d);
  6. “rezetur”: l’ambiënt olache al é regolarmënter porsones, che vëgn adorè por ativitês umanes desvalies y che é sotmetü al incuinamënt acustich gaujé da fontanes sonures;
  7. “tlima acustich”: la condiziun acustica che é te n cer' raiun y che vëgn dales fontanes sonures naturales y artifiziales;
  8. “faziun acustica”: le mudamënt dl tlima acustich, chël ô dì la faziun direta o indireta gaujada te n cer' raiun porvia dla realisaziun de infrastrotöres, operes, implanć, ativitês o manifestaziuns nüs;
  9. “tëmp de valutaziun (TV)”: le tëmp te chël che al vëgn determiné le livel de valutaziun de na fontana sonura;
  10. "livel de valutaziun (LV)”: le livel permanënt ecuivalënt valuté “A” che vëgn da na fontana sonura tratan le tëmp de valutaziun y che é da confrontè cun i limić y da mosoré pro le rezetur;
  11. “limit d'imisciun”: le limit de vera mascim conzedü tl ambiënt abitatif o tl ambiënt estern, mosoré pro le rezetur;
  12. “limit de desfarënzia (VD)”: la desfarënzia mascima conzedüda danter le livel de valutaziun y le livel de vera, mosorada tl ambiënt abitatif canche al n'é nia desturbs;
  13. “vera romagnënta": le livel permanënt ecuivalënt de presciun sonura valuté "A", che an mosöra canche an stlüj fora la fontana che destürba;
  14. “limit de planificaziun (Lip)”: le limit de vera, plü bas de 5 dB(A) dl limit d'imisciun definì tla tabela 3 dl’injunta A por le raiun acustich, olache al é le rezetur plü esponü; chësc valur mëss gnì garantì tla fasa de planificaziun de n implant nü o tl caje de de gran mudaziuns de n implant che é bele;
  15. “valur d'atenziun”: le valur de vera che mostra n prigo potenzial por la sanité dles porsones o por l'ambiënt; chësc valur é anfat al limit d'imisciun definì tla tabela 3 dl’injunta A, alzè de 10 dB(A) ia por le dé y de 5 dB(A) de nöt;
  16. “valur de cualité”: le valur da arjunje vare por vare cun les tecnologies y les metodes de ressanamënt desponibles, por realisé i obietifs de sconanza preodüs da chësta lege; chësc valur é de 3 dB(A) mënder co le valur limit d'imisciun definì tla tabela 3 dl’injunta A;
  17. “plann comunal de tlassificaziun acustica (P.C.T.A.)”: la sudivijin dl teritore de comun, cun laprò na relaziun tecnica de spligaziun, te raiuns acustics omogenns, olache ara va da apliché i limić por la vera ambientala cun referimënt al’adoranza dl raiun;
  18. “unité abitativa”: le local o i locai olache al po stè porsones;
  19. "manifestaziun temporana”: na manifestaziun che vëgn fata ma por n cer' tëmp, ma te na certa sajun, che é provisora o che vëgn fata te posć desvalis o che é ambulanta;
  20. “plann d'aziun”: le plann por manajè i problems d'incuinamënt acustich y sües faziuns, cun laprò, sce al va debojëgn, süa reduziun;
  21. “cartaziun acustica”: la rapresentaziun di dać dla situaziun de vera atuala o che vëgn preodüda tres n indesc acustich, che mostra che al é gnü superè i limić varënć, le numer dles porsones atocades te n cer' raiun o le numer de abitaziuns atocades da cer' valurs de n indicadù acustich te n cer' raiun;
  22. "cherta acustica strategica”: la cherta arjignada ca dai comuns competënć por determiné l’esposiziun ala vera complessiva te n cer' raiun porvia de fontanes de vera desvalies o por definì previjiuns generales por chësc raiun;
  23. “implant IPPC (Integrated Pollution Prevention and Control)”: l'unité tecnica permanënta olache al vëgn fat öna o deplü ativitês preodüdes dal'injunta F dla lege provinziala di 5 d'aurì dl 2007, n. 2, “Valutaziun ambientala por i planns y i proieć” y vigni atra ativité liada a livel tecnich a chëstes ativitês, che po influenzè les emisciuns y l'incuinamënt.

Art. 3 (Tecnich d'acustica abilité/tecnica d'acustica abilitada)   delibera sentenza

(1)  La domanda d'iscriziun tl register nazional di tecnics d'acustica abilitá che á la residënza tla provinzia de Balsan mëss ti gní presentada al'Agenzia provinziala por l’ambiënt y la sconanza dl clima, da chiló inant denominada Agenzia. L'Agenzia aministrëia les domandes y ciara regolarmënter do che les porsones scrites ite tl register ais tres ciamó i recuisic por le mantignimënt dl'iscriziun.  2)

massimeBeschluss vom 20. Mai 2014, Nr. 577 - Kriterien und Voraussetzungen für die Einschreibung in das Landesverzeichnis der befähigten Lärmschutztechniker und Lärmschutztechnikerinnen
2)
L'art. 3 é gnü sostituí insciö dal art. 17, coma 1 dla l.p. di 24 de setëmber dl 2019, n. 8.

Art. 4 (Normes tecniches por la mosoraziun dla vera y i stromënć de mosoraziun)

(1)  Les tecniches de relevamënt y mosoraziun dla vera mëss garantì che la relevaziun di dać y les valutaziuns fates pois gnì reprodütes y confrontades. Les modalitês por mosoré la vera y les carateristiches di stromënć de mosoraziun vëgn stabilides tl’injunta D.

Art. 5 (Plann comunal de tlassificaziun acustica)   delibera sentenza

(1)  Le comun elaborëia na proposta dl plann comunal de tlassificaziun acustica (P.C.T.A.). Da ciafè fora na tlassa acustica mëss le comun tignì cunt dl'adoranza prinzipala y efetiva dl raiun y dl criter aladô de chël che i raiuns vijins mëss de regola fà pert de tlasses acustiches olache i limić ne se desfarenziëia nia de plü co 5 dB(A). Por chësc fin po n raiun urbanistich contignì inće plü co un n raiun acustich. La tlassificaziun dada dant tla tabela 1 dl’injunta A rapresentëia na proposta por l’elaboraziun da pert di comuns dl P.C.T.A.

(2)  Le comun publichëia sön la tofla de comun por 30 dis indolater la proposta preodüda dal coma 1. Te chësc tëmp pó vignun presenté sües osservaziuns. La deliberaziun vëgn tl medemo tëmp tacada fora sön tofla de comun y ortiada inant al’Agenzia, por ciafé n arat. Sce n comun ó classifiché n raiun che confinëia cun d'atri comuns te n’atra classa acustica preodüda dala tabela 1 dl’injunta A, ti vëgn la deliberaziun ortiada inant ince ai comuns vijins por che ai dais jö n arat. Düc i arac é da dé jö te 90 dis dala domanda. Sce al ne vëgn nia dé jö n arat te chësc tëmp vëgnel araté positif.  3)

(3)  Le comun aprovëia le P.C.T.A. do che al à ejaminé les osservaziuns che ti é gnüdes fates y do che al à ciafè l'arat dl’Agenzia, le lascia alsavëi te 30 dis sön le Boletin Ofizial dla Regiun Trentin-Südtirol y nen ortia inant na copia ala Provinzia autonoma de Balsan. Sce le P.C.T.A. ne va nia a öna cun l'arat dl'Agenzia, mëss le comun motivé les rajuns de chësta desviaziun. Chëstes motivaziuns fej pert dla deliberaziun d'aprovaziun dl P.C.T.A.

massimeBeschluss vom 28. November 2011, Nr. 1825 - Feststellung der Gemeinde Bozen als “Ballungsraum” der Autonomen Provinz Bozen gemäß Legislativdekret vom 19. August 2005, Nr. 194
3)
L'art. 5, coma 2 é gnü mudé insciö dal art. 17, coma 2 dla l.p. di 24 de setëmber dl 2019, n. 8.

Art. 6 (Tlassificaziun acustica y planificaziun urbanistica y teritoriala)

(1)  Tl plann urbanistich comunal (P.U.C.) vëgnel conzedü da ciafè sö, mudé o amplié raiuns, sce i limić ne n'é nia passa 5 dB(A) majeri co chi di raiuns vijins, inće sce ai toca pro i comuns vijins.

(2)  Na desviaziun dles desposiziuns preodüdes dal coma 1 po ma gnì conzedüda sce al vëgn preodü mosöres de smendrimënt dla vera adatades por respetè i limić; i cosć che toca laprò alda pro i cosć de urbanisaziun primara. La desviaziun y les mosöres de smendrimënt dla vera mëss resulté da na valutaziun dla faziun acustica, laurada fora da n tecnich competënt/na tecnica competënta de acustica; la valutaziun dla faziun acustica fej pert dla domanda de mudamënt urbanistich. 4)

(3)  Tla domanda de mudaziun dl P.U.C. mëss le comun dè dant la tlassa acustica dl raiun che dess gnì mudé.

(4)  Ti raiuns de vërt agricul, bosch, pra y pastöres da bosch, raiuns de vërt alpin, dlacià y raiuns da crëp vëgnel conzedü da ciafè sö, mudé o amplié raiuns, inće sce i limić é de passa 5 dB(A) majeri co la tlassa acustica II, tl respet de ći che é preodü tl coma 5.

(5)  Sce ti raiuns preodüs dal coma 4 él preodü da realisé raiuns nüs, mudé o amplié raiuns che é bele, che alda pro les tlasses acustiches IV y V, a manco co 50 metri dalunc dales unitês abitatives che é bele, vëgnel apliché la prozedöra preodüda dal coma 2.

(6)  Sce ti raiuns dla tlassa acustica II él preodü da realisé unitês abitatives dlungia implanć o raiuns che é bele, che alda pro les tlasses acustiches IV y V, mëss i titolars dla conzesciun da frabiché o de n'atra autorisaziun da frabiché dal medemo valur, adotè mosöres de smendrimënt dla vera adatades por garantì le respet dl limit dla tlassa acustica II.

(7)  Ti caji preodüs dai comesc 2 y 5 vëgn les normes de atuaziun dl P.U.C. integrades cun les prescriziuns dles mosöres por tignì fora o smendrì la vera.

4)
L'art. 6, coma 2 é gnü mudé insciö dal art. 22, coma 1 dla l.p. di 19 de messè dl 2013, n. 10.

Art. 7 (Tlassificaziun acustica dles strades, dla ferata y di aeroporć)   delibera sentenza

(1)  Por les infrastrotöres dla ferata y dles strades, por i aeroporć y i eliporć vêlel les normes statales varëntes.

(2)  Sce al é preodü da realisé raiuns nüs che alda pro les tlasses acustiches I, II o III a na destanza de manco co 50 metri dal confin dl grunt dla ferata, dl’autostrada, sciöche inće dles strades cun n’intensité dl trafich de passa 3.000.000 de veicui al ann, vëgnel apliché la prozedöra preodüda dal articul 6, coma 2.

(3)  Da lauré fora les chertes acustiches, les chertes acustiches strategiches y i planns d’aziun vëgnel apliché les normes statales y comunitares varëntes.

(4)  La Junta provinziala stabilësc i aglomerać, les infrastrotöres dles strades y dla ferata, i aeroporć y i eliporć che vëgn sotmetüs ales desposiziuns preodüdes dal coma 3.

massimeBeschluss vom 10. Mai 2010, Nr. 823 - Kriterien für die Auswahl der Zonen, in denen die Lärmschutzwände an der Eisenbahn errichtet werden

Art. 8 (Tlima acustich y faziun acustica)

(1)  L’Agenzia stabilësc i criters dla documentaziun che va debojëgn por valuté le tlima acustich y la faziun acustica.

Art. 9 (Implanć sotmetüs ala valutaziun dla faziun acustica)

(1)  Por realisé implanć nüs o mudé dassënn chi che é bele, che alda pro les categories dl’injunta B, val debojëgn dl'aprovaziun dl’Agenzia, ater co por i implanć preodüs dala lege provinziala di 5 d'aurì dl 2007, n. 2, y chi sotmetüs ala disciplina IPPC (Integrated Pollution Prevention and Control).

(2)  Por l’aprovaziun di implanć preodüs dal coma 1 mëssel gnì dè jö te comun, adöm cun la domanda de conzesciun da frabiché o cun les autorisaziuns preodüdes dala lege, na valutaziun dla faziun acustica che desmostra le respet dl limit de planificaziun (Lip), sciöche preodü dala tabela 2 dl’injunta A.

(3)  La valutaziun dla faziun acustica mëss contignì:

  1. la descriziun dl implant, canche al é en funziun de dé y de nöt, tan dî che al é en funziun, sce al é en funziun tresfora o aboć, tan gonot che al é en funziun y sce al é inće d'atres fontanes de vera;
  2. la descriziun dles singoles fontanes de vera preodüdes, cun l'indicaziun de süa colocaziun, dles modalitês y di tëmps de funzionamënt;
  3. la descriziun dles tecnologies adotades por tignì fora l’incuinamënt acustich;
  4. la descriziun dl tlima acustich ante operam pro i rezeturs plü esponüs.

(4)  Le comun ti damana n arat liënt sön le proiet al'Agenzia, che le dà jö te 60 dis.

(5)  Cuntra l'arat dl'Agenzia vara da fà recurs te na sóra istanza al Comitê ambiental, te 30 dis dala data dla comunicaziun dl provedimënt, scenò tòmel.

(6)  Por i implanć sotmetüs a autorisaziun aladô dla lege provinziala di 16 de merz dl 2000, n. 8, “Normes por la sconanza dla cualité dl’aria”, y che n'é nia tl’injunta B de chësta lege, po l’Agenzia damanè do na valutaziun dla faziun acustica.

Art. 10 (Aplicaziun di limić)

(1)  I limić d'emisciun dles tlasses acustiches desvalies vëgn stabilis tla tabela 3 dl’injunta A.

(2)  I limić preodüs dal coma 1 ne vëgn nia aplicà ala vera che vëgn da:

  1. strades, ferates y aeroporć;
  2. ativitês y comportamënć che n'é nia lià a bojëgns produtifs, comerziai o profescionai;
  3. ćiarié y desćiarié marćianzia;
  4. sorvisc de racoiüda dl refodam;
  5. sorvisc de netijia dles strades;
  6. ativitês por mëte a post cun prescia les condütes dla rëi por i sorvisc publics;
  7. ativitês de carater agricul nia industrial;
  8. cantiers, ater co i implanć de cerna y de frantumaziun;
  9. musica dal vi o manifestaziuns da ćiantè;
  10. ativitês preodüdes dai articui 11 y 12;
  11. ćiampanes, mersceri y salves, megafons o d'atri implanć eletroacustics por eserzité le cult.

(3)  5)

(4)  Por i implanć de trasport en sorvisc publich po l'ombolt/ombolta, sön domanda motivada, conzede desviaziuns temporanes al respet di limić preodüs dal coma 1, sce al é bojëgns locai particolars o por rajuns de utilité publica. Tl caje de implanć de trasport en sorvisc publich che interessëia le teritore de dui o de plü comuns, ti speta la competënza ala Junta provinziala.

5)
L'art. 10, coma 3 é gnü abroghé dal art. 22, coma 1 lëtra b) dla l.p. 24 de setëmber dl 2019, n. 8.

Art. 11 (Desposiziuns por les ativitês che fej dër da vera)

(1)  Por i laûrs da frabiché y d'atres ativitês particolarmënter da vera vëgnel apliché les desposiziuns dl'injunta C.

Art. 12 (Autorisaziuns por manifestaziuns temporanes)

(1)  Sce al vëgn adorè implanć che fej da vera o che determinëia a vigni moda na gran faziun acustica sön l’ambiënt incëria, pro manifestaziuns temporanes te n post publich o davert al publich, mëssel gnì conzedü l’autorisaziun danfora dal ombolt/dala ombolta dl comun competënt a livel teritorial.

(2)  Tl’autorisaziun mësson dè dant dötes les prescriziuns che reverda i orars, le numer mascimal di dis dles manifestaziuns al ann, sciöche inće düć i provedimënć organisatifs, prozedörai y tecnologics por smendrì le desturb da vera pro i rezeturs plü daimprò.

(3)  L'ombolt/L'ombolta po stlüje fora certes ativitês dal dovëi de autorisaziun, sce ares vëgn ma metüdes a jì dainré o sce ares döra ma por n cört tëmp.

Art. 13 (Limić de desfarënzia)

(1)  Ti frabicać ti raiuns dles tlasses acustiches I, II y III vëgnel apliché i limić de desfarënzia stabilis tla tabela 4 dl’injunta A. Chisc limić vëgn ma aplicà por la vera daite dal frabicat y che vëgn a vigni moda menada inant diretamënter tres corps solig.

(2)  I valurs limit de desfarënzia ne vëgn nia aplicà ala vera gaujada:

  1. ti caji preodüs dal articul 10, coma 2, lëtra b), c), h), i), j) y k);
  2. da implanć tecnologics por l'adoranza de düć te n frabicat.

Art. 14 (Recuisić acustics di frabicać)

(1)  La Junta provinziala stabilësc la prozedöra por respetè i recuisić acustics passifs di frabicać, do avëi aldì le Consëi di Comuns.

Art. 15 (Planns y mosöres de ressanamënt acustich)

(1)  Sce al vëgn constatè le superamënt di limić preodüs dai articui 10 y 13, ti comana le comun o l’Agenzia, aladô dles competënzes preodüdes dal Art. 16, ala porsona responsabla dla violaziun da se cruzié te n tëmp stabilì danfora dles mosöres de ressanamënt por mantignì i limić preodüs dala lege.

(2)  Te caji ezezionai, olache al é obietivamënter ri dal punt de odüda tecnich, operatif o finanziar da atuè i intervënć che va debojëgn por l’osservanza di limić preodüs dai articui 10 y 13, po l’autorité preodüda dal coma 1 conzede, sön la basa de n proiet de ressanamënt acustich, da fà, eventualmënter inće por n tëmp limité, n ezeziun al respet di valurs chilò dessura, y comanè eventualmënter n intervënt sön le rezetur.

(3)  Tl caje de dër de gran desturbs, po l’autorité preodüda dal coma 1 antergnì, do che al é tomè le termo por le ressanamënt, cun mosöres de sconanza y de prescia, o inće comanè la sospenjiun temporana dl eserzize dl’ativité da vera ćina che al vëgn fat l'adatamënt.

(4)  Sce i valurs d'atenziun vëgn superà y sce, da ciafè sö les arees ti raiuns bele urbanisà, ne vara nia da respetè, porvia de destinaziuns d'adoranza che é bele, la proibiziun de contat de arees, che alda pro comuns desvalis che se desfarenziëia de passa 5 dB(A) dai limić, adotëia i comuns n plann de ressanamënt acustich tl respet dl plann dl trafich comunal o dl plann de mobilité, olache ai é preodüs, o di stromënć urbanistics varënć y di criters stabilis dala Junta provinziala.

(5)  I comuns atuëia dötes les mosöres d'organisaziun y gestiun por smendrì les emisciuns sonures che vëgn dal trafich stradal y por arjunje i valurs de cualité, sciöche preodü dales normes varëntes.

Art. 16 (Verda)  

(1)  I comuns se crüzia dla verda y dl control dl incuinamënt acustich cun le sostëgn dl’Agenzia.

(2)  L’Agenzia se crüzia dla verda y dl control tl ćiamp dla sconanza dal’incuinamënt acustich che vëgn dal trafich stradal suracomunal, dala ferata, dai aeroporć y dai implanć preodüs dal'injunta B.

(3)  Le personal inćiarié é autorisé da fà les ispeziuns y i controi che va debojëgn.

(4)  Cuntra i provedimënć dl’Agenzia pon fà recurs te na sóra istanza pro le Comitê por l'ambiënt, te 30 dis dala data dla comunicaziun de chisc, scenò toma le termo.

Art. 17 (Sanziuns)  

(1)  Tl respet de ći che é preodü dales normes penales, vëgnel apliché chëstes sanziuns aministratives de scioldi:

  1. sce al vëgn metü a jì i implanć preodüs dal’injunta B zënza l'arat preodü dl’Agenzia: da 1.000 euro a 3.000 euro;
  2. sce an ne se tëgn nia ales prescriziuns dl arat dl’Agenzia por i implanć preodüs dal'injunta B: da 500 euro a 1.500 euro;
  3. sce al vëgn metü a jì manifestaziuns zënza l'autorisaziun comunala scrita dant, sciöche preodü dal Art. 12 (, coma 1, y sce an ne se tëgn nia ales desposiziuns preodüdes dal punt 1 dl’injunta C: da 500 euro a 1.500 euro; d)  sce an ne se tëgn nia ales desposiziuns preodüdes dal punt 2 dl’injunta C: da 300 euro a 900 euro;)
  4. sce i limić ne vëgn nia adatà a chi preodüs dala lege tl tëmp preodü dal articul 15: da 1.000 euro a 3.000 euro;
  5. sce an ne se tëgn nia ales prescriziuns scrites dant dal’autorité competënta: da 1.000 euro a 3.000 euro.

(2)  L’azertamënt y la contestaziun dles infraziuns ti speta ales autoritês preodüdes dal articul 16, tl ambit dles competënzes che alda laprò.

Art. 18 (Podëi sostitutif)

(1)  Sce i comuns ne se crüzia nia da ademplì i dovëis preodüs da chësta lege ti terminns preodüs, se crüzia la Provinzia autonoma de Balsan da le fà impede ëi.

Art. 19 (Desposiziuns finales)

(1)  I comuns informëia te na forma adeguada i zitadins y les zitadines sön la classa acustica che ti é gnüda assegnada ales zones urbanistiches dl raiun comunal.

(2)  L'Agenzia sostëgn i comuns tl'ativité de ajornamënt di P.C.T.A. En acordanza cun les desposiziuns de lege varëntes tl'urbanistica y do avëi aldí le Consëi di Comuns stabilësc l'Agenzia, cun sües diretives, les modalités por mëte jö, ajorné y publiché la verjiun digitala ofiziala di P.C.T.A.

(3)  Ti comuns che n'á nia ciamó adoté le P.C.T.A. vëgnel apliché la classificaziun acustica preodüda dala tabela 1 dl’injunta A. Ara individuëia la classa acustica por vigni destinaziun urbanistica.

(4)  La Junta provinziala ajornëia, sostituësc o müda les injuntes a chësta lege sön la basa di svilups dla tecnica y dles conescënzes tecniches nöies sciöche ince dles mudaziuns dles desposiziuns provinziales, statales y dl'Uniun Europeica.  6)

6)
L'art. 19 é gnü sostituí insciö dal art. 17, coma 3 dla l.p. di 24 de setëmber dl 2019, n. 8.

Art. 20 (Desposiziun finanziara)

(1)  Chësta lege ne comporta nia spëises nöies o majeres por l’eserzize finanziar 2012.

(2)  La spëisa a ćiaria di eserzizi finanziars suandënć vëgn stabilida cun la lege finanziara anuala.

Art. 21 (Abrogaziuns)

(1)  La lege provinziala di 20 de novëmber dl 1978, n. 66, “Provedimënć cuntra l’incuinamënt da vera” y le decret dl presidënt dla Junta provinziala di 6 de merz dl 1989, n. 4, vëgn abrogà.

Chësta lege gnarà publicada tl Boletin Ofizial dla Regiun. Vignun a chël che al ti speta é oblié da la respetè y da la fà respetè sciöche lege dla Provinzia.

 

ALLEGATO A - TLASSES ACUSTICHES (Articul 5)7)

 

7)
La pröma frasa dl’injunta A é gnüda sostituida insciö dal art. 17, coma 4 dla l.p. di 24 de setëmber dl 2019, n. 8.

INJUNTA B

IMPLANĆ SOTMETÜS ALA VALUTAZIUN DLA FAZIUN ACUSTICA
(Articul 9)

 

PERT I

Por chëstes sorts de implanć mëss la valutaziun de faziun acustica gnì laurada fora da n tecnich d’acustica abilité/na tecnica d’acustica abilitada aladô dl articul 3 dla lege:

  1. zentrales idroeletriches da na potënza nominala > 3 MW;
  2. infrastrotöres stradales nöies che é passa 2 chilometri lunges y che à na capazité preodüda majera co 3 miliuns de veicui/ann;
  3. realisaziun, mudaziun o ampliamënt de infrastrotöres dla ferata y de d'atri sistems de trasport publich sön scines o da föm;
  4. realisaziun, mudaziun o ampliamënt de aeroporć y eliporć por l'adoranza zivila;
  5. realisaziun o ampliamënt de implanć de sminizamënt o de cernüda fisc o mobii por la lauraziun o le reziclaje sön le post de passa 3.000 m³ de refodam inert, giara o d'atri materiai;
  6. implanć eolics da na potënza nominala > 1 MW;
  7. realisaziun o ampliamënt de ćiavares cun passa 50.000 m³ de material ćiavè fora;
  8. discoteches.

 

PERT II

Por chëstes sorts de implanć po l'Agenzia damanè che la valutaziun de faziun acustica vëgnes laurada fora da n tecnich d’acustica abilité/na tecnica d’acustica abilitada aladô dl articul 3 dla lege:

  1. implanć por la desmandrada dl refodam;
  2. motors a combustiun interna fisc cun na potënza nominala > 0,3 MW, ater co i agregać dl'eletrizité de emergënza;
  3. ativitês artejanales y industriales tratan l'orar de nöt;
  4. implanć de ventilaziun te garage cun passa 300 posć, ma por l'eserzize ordinar de espuljiun di gasc de desćiaria di auti;
  5. implanć de ventilaziun te tunì stradai, ma por l'eserzize ordinar de espuljiun di gasc de desćiaria di auti;
  6. implanć da moscedè jö petun;
  7. implanć por l'aria condizionada y implanć de desfridamënt de ativitês produtives y comerziales da na potënza termica/de desfridamënt > 100 kW, sön i parëis defora de frabicać te zëntri abità.

INJUNTA C

DESPOSIZIUNS POR ATIVITÊS DA NA GRAN VERA
(Articul 11)

 

(1)  Por i laûrs da frabiché vëgnel apliché chëstes desposiziuns:

  1. i laûrs da vera é conzedüs ti dis da laûr dales 7:00 ales 19:00. Chisc orars po gní smendris o arlungiá dal ombolt competënt/dal’ombolta competënta; 8)
  2. pro i laûrs da ćiavè fora, de consolidaziun dl raiun, de costruziun y demoliziun mësson tó düć i provedimënć che ara va por smendrì al minim la vera;
  3. les mascinns adorades pro i laûrs de costruziun mëss, sce al nen é sön le marćé, funzionè cun forza eletrica sce al é n atach eletrich. Dlungia i ospedai, les ćiases de cura, les scolines, les scores, les dlijies y les cortines po les mascinns che ne funzionëia nia cun forza eletrica ma gnì adorades sce l’ombolt/la ombolta dl comun interessè à conzedü l'autorisaziun sön domanda scrita y motivada;
  4. i motors a combustiun vëgn ametüs sce ai à isoladus dl sonn realisà tl respet dles normes dla tecnica generala reconesciüda;
  5. les mascinns da vera che vëgn adorades ti cantiers mëss gnì metüdes, tan inant che al va a öna cun süa adoranza, olache ares desturba le manco che ara va la vijinanza;
  6. i compressurs, les grus y les atres mascinns mëss gnì unć sciöche al alda, a na moda che ai funzionëies sciöche al alda y che ai ne fejes nia da vera;
  7. i martì pneumatics y les foradures mëss avëi la capsula isolanta, tan inant che an nen ciafa sön le marćé.

 

(2)  Por d'atres ativitês dër da vera vëgnel apliché chëstes desposiziuns:

  1. les ativitês agricoles nia industriales mëss gnì fates dantadöt ia por le dé, ater co sce al vëgn tignì sö le prozès de laûr normal sce ares ne vëgn nia fates;
  2. l’adoranza de mascinns da vera por l'adoranza privata, sciöche mascinns da sié, da fà lëgna y d'atres mascinns cun motor a combustiun é conzedüda dales 8:00 ales 20:00 ti dis da laûr, sciöche inće dales 9:00 ales 12:00 ti dis de festa. Na mudaziun di orars nominà dessura po gnì conzedüda cun autorisaziun dl ombolt competënt/dla ombolta competënta, tl respet dles usanzes locales, dles sorts y carateristiches di insediamënć;
  3. impié füć artifiziai y lascè jì rachetes che n'à nia fins agricui pon ma sce an à n'autorisaziun dl ombolt competënt/dla ombolta competënta;
  4. les ativitês dl tëmp lëde che vëgn fates danter les 22.00 y les 9.00 alaleria, te eserzizi publics o locai d’intratenimënt privać o de chësta sort, olache al é preodü musiga dal vi, reproduziuns vocales o che comporta en general la produziun de vera é sotmetüdes, sce al vëgn adorè mascinns o implanć da vera, al'autorisaziun dl ombolt competënt/dla ombolta competënta o, aladô dles desposiziuns de lege sön i spetacui publics, al'autorisaziun dl presidënt dla Provinzia;
  5. les ativitês sportives o dl tëmp lëde da na gran vera, sciöche motocross, go-kart, deltaplann a motor, modelism de fligri y auti y de na te’ sort, vëgn ma ametüs tles ores autorisades dal ombolt competënt/dal'ombolta competënta, tl respet dla sort y dles carateristiches di insediamënć interessà da chëstes ativitês;
  6. sce l’adoranza de implanć musicai te eserzizi publics, locai de uniuns privać, palestres, locai d'incuntada o de na te’ sort gaujëia na te' vera da desturbé la vijinanza, po l'ombolt competënt/ombolta competënta despone limić temporai por la reproduziun dla musiga ćina che al ne vëgn nia adotè intervënć de carater tecnich-organisatif. Por chësc fin po l'ombolt/ombolta ghiré dal gestur na relaziun tecnica, scrita da n tecnich d’acustica abilité/na tecnica d’acustica abilitada, che zertifichëia l’adoziun de provedimënć por condüje la vera fata dal implant ti limić preodüs dala lege. Sce ara ne va nia da apliché mosöres tecniches o sce ares ne garantësc nia le respet di limić po l'ombolt/ombolta proibì l’adoranza dl implant de reproduziun sonura o limité süa adoranza temporala.
8)
La lëtra a), dl'injunta C, coma 1 é gnüda sostituida dal art. 15, coma 1 dla l.p. di 6 de messé dl 2017, n. 8.
ActionActionNormativa Costituzionela
ActionActionLegislazion Provinziela
ActionActionI Alpinistica
ActionActionII Lëur
ActionActionIII Mineres
ActionActionIV Chemuns y cumenanzes raioneles
ActionActionV Furmazion prufescionela y adestramënt al lëur
ActionActionVI Defendura di teraces, frabiches per l’ega
ActionActionVII Energia
ActionActionVIII Finanzes
ActionActionIX Turism y ndustria d’albierch
ActionActionX Assistënza y benefiziënza
ActionActionXI Ustaries
ActionActionXII Nuzënzes ziviches
ActionActionXIII Urdinamënt di bòsc
ActionActionXIV Sanità y igena
ActionActionXV Nuzeda dl’eghes
ActionActionXVI Cumerz
ActionActionXVII Artejanat
ActionActionXVIII Liber fundier y cataster
ActionActionXIX Ciacia y Pëscia
ActionActionXX Prutezion contra l meldefuch y prutezion zevila
ActionActionXXI Scolines
ActionActionXXII Cultura
ActionActionXXIII Ufizies provinziei y personal
ActionActionXXIV Defendura dla cuntreda y dl ambient
ActionActionA A – Mpaziamënt dl terac y smaltimënt dl refudam
ActionActionB B – Defendura dla cuntreda
ActionActionC C – Mpaziamënt acustich
ActionActione) Lege Provinziala di 5 de dezëmber dl 2012, n. 20 Desposiziuns sön l'incuinamënt acustich
ActionActionArt. 1 (Ćiamp d'aplicaziun)  
ActionActionArt. 2 (Definiziuns)
ActionActionArt. 3 (Tecnich d'acustica abilité/tecnica d'acustica abilitada)  
ActionActionArt. 4 (Normes tecniches por la mosoraziun dla vera y i stromënć de mosoraziun)
ActionActionArt. 5 (Plann comunal de tlassificaziun acustica)  
ActionActionArt. 6 (Tlassificaziun acustica y planificaziun urbanistica y teritoriala)
ActionActionArt. 7 (Tlassificaziun acustica dles strades, dla ferata y di aeroporć)  
ActionActionArt. 8 (Tlima acustich y faziun acustica)
ActionActionArt. 9 (Implanć sotmetüs ala valutaziun dla faziun acustica)
ActionActionArt. 10 (Aplicaziun di limić)
ActionActionArt. 11 (Desposiziuns por les ativitês che fej dër da vera)
ActionActionArt. 12 (Autorisaziuns por manifestaziuns temporanes)
ActionActionArt. 13 (Limić de desfarënzia)
ActionActionArt. 14 (Recuisić acustics di frabicać)
ActionActionArt. 15 (Planns y mosöres de ressanamënt acustich)
ActionActionArt. 16 (Verda)  
ActionActionArt. 17 (Sanziuns)  
ActionActionArt. 18 (Podëi sostitutif)
ActionActionArt. 19 (Desposiziuns finales)
ActionActionArt. 20 (Desposiziun finanziara)
ActionActionArt. 21 (Abrogaziuns)
ActionActionALLEGATO A - TLASSES ACUSTICHES (Articul 5)
ActionActionINJUNTA B
ActionActionINJUNTA C
ActionActionALLEGATO D
ActionActionD D – Mpaziamënt dl’aria
ActionActionE E – Defendura dla flora y fauna
ActionActionF F – Mpaziamënt dl’ega y smaltimënt dl refudam luter
ActionActionG G – Valutazion dla fazion sun l ambient
ActionActionH H – Prutezion di tieres
ActionActionXXV Agricultura
ActionActionXXVI Lernerat
ActionActionXXVII Fieres y marceies
ActionActionXXVIII Lëures publics
ActionActionXXIX Manifestazions publiches
ActionActionXXX Raiun y contrada
ActionActionXXXI Cuntabltà
ActionActionXXXII Sport y tëmp liede
ActionActionXXXIII Stredes
ActionActionXXXIV Trasporc
ActionActionXXXV Istruzion
ActionActionXXXVI Patrimone
ActionActionXXXVII Economia
ActionActionXXXVIII Frabiché abitatif
ActionActionXXXIX Leges cun desposiziuns desvalies (Omnibus)
ActionAction*
ActionAction*
ActionAction*
ActionActionIndesc cronologich