(1) Sce da n cuntrol nunzià tl articul 5 vëniel ora che l cuntenut dla detlarazion ne ie nia drët o che l ie unit lascià ora vel nfurmazion che ie debujën, restan mpé la straufonghes penales, pierd la persona detlarënta l dërt de giapé i vantajes che l à giapà n cajo de n pruvedimënt eventuel basà sun la viulazion nunzieda. La soma che ie n cajo da reter possa vester de alplù diesc iedesc la pert dl alesiramënt giapà zënza rejon. Tl cheder dl dërt al stude pierd l detlarënt, alincontra, restan mpé l’aplicazion dla straufonghes penales eventueles, la rejon sun la pert dl cuntribut giapà n cunseguënza al pruvedimënt eventualmënter dat ora n basa ala viulazion inant nunzieda. 12) 13)
(2) Cun l pruvedimënt de revucheda o d'archiviazion vëniel nce scrit dant che la persona che à cumetù l’azion o l’omiscion o che à tëut pert a chëstes, l ënt da d’ëila reprejentà o chi che nen à trat prufit ne daussa nia plu giapé vantajes economics per n tëmp de nchin a 5 ani dala data dl pruvedimënt nstës. Ora che per i caji de rezediva possa la pruibizion de giaudëi de vantajes economics unì limiteda a repartizions o setores singui. Chësta despusizions vën aplichedes nce tl cajo de fac cumetui dan la jita n forza de chësta lege, sce les ie plu vantajëujes.12)
(3) L organn cumpetënt de paië ora i alesiramënc possa desvië dala pruibizion nunzieda tl coma 2 o la apliché per n tëmp plu curt sce l se trata de:
- persones che à l dërt de giapé aiuc finazieres che ie assolutamënter debujën per viver;
- persones dala stënta che à assolutamënter bujën de cures mediches;
- ënc zënza fins de davani cun ativiteies istituzioneles de nteres publich;12)
- na dumanda de n sustëni per l stude. 14)
(4) Sce per i fac nunziei tl coma 1 ie la soma giapeda zënza dërt unfat auta o mëndra de 3.999,96 euro, vëniel aplicà la straufonga aministrativa dl paiamënt de na soma da 500,00 a 25.822,00 euro. Chësta straufonga ne daussa nia superé l tripl dl vantaje giapà. L resta mpe l'aplicazion de sanzions penales eventueles. 15) 16)
(4/bis) Tl ciamp dla promozion dl stude vëniel aplicà la despusizions aldò dl coma 4, tan inant che plu cunvenientes, a fac cumplìi dan la jita n forza de chësc articul, sce i pruvedimënc tëuc per dé la straufonga ne ie nia definitifs. 17)
(5) Dai fac y dala straufonghes nunziedes tl coma 1, 2 y 4 ie stlut ora l nia avëi comunicà nfurmazions sun l fat de avëi giapà suvenzions, cuntribuc, sustenimënc y stipendiums, premies, aiuc finanzieres o d’autri alesiramënc economics d’uni sort ai ufizies provinziei che cunzed o paia ora chësta somes. 18)
I comes 1, 2 e 3 dl art. 2/bis, ie nsci unic sustituii dal art. 18, coma 1, dla lege provinziela di 23 de dezëmber 2010, n. 15.
L articul 2/bis, coma 1, ie unit mudà nsci dal articul 4, coma 2, dla L.P. di 26 de setëmber 2014, n. 8.
L pustom d) dl articul 2/bis, coma 3 ie unit njuntà dal articul 4, coma 3, dla L.P. di 26 de setëmber 2014, n. 8.
L articul 2/bis ie unit njuntà dal articul 35 dla lege provinziela di 28 de dezëmber dl 2001, n. 9 mudà dal articul 15 dla lege provinziela di 28 de lugio dl 2003, n. 12, y nsci sustituì dal articul 1, coma 1 dla lege provinziela di 10 de juni dl 2008, n. 4. Cela nce la norma de transizion nunzieda tl articul 47, coma 1 dla lege provinziela di 10 de juni dl 2008, n, 4.
L articul 2/bis, coma 4 ie unit mudà dal articul 4, coma 4, dla L.P. di 26 de setëmber 2014, n. 8.
L articul 2/bis coma 4/bis ie unit njuntà tres l articul 4/bis coma 1 dla L.P. di 26 de jené 2015, n. 1 y respetivamënt tres l articul 11 coma 1 dla L.P. di 25 de setëmber 2015, n. 11.
L articul 2/bis, coma 5 ie unit njuntà dal articul 21, coma 2 dla L.P. di 20 de dezëmber 2012, n. 22.