In vigore al

RICERCA:

In vigore al: 19/04/2016

h) Lege Provinziala di 18 de aurì dl 2012, n. 81)
Alisiraziuns tl ćiamp dla cuta comunala sön i bëgns imobiliars (IMU), tl cheder dl tribut comunal sön le refodam y i sorvisc (TARES) y desposiziuns sön le cataster 2)

1)
Publicada tl B.O. di 24 d’aurì dl 2012, n. 17.
2)
Le titul é gnü mudé insciö dal art. 4, coma 1 dla l.p. di 8 de merz dl 2013, n. 3.

Art. 1 ( Podëi de regolamentaziun dl comun tl ćiamp dla cuta comunala sön i bëgns imobiliars)  delibera sentenza

(1) Dlungia i dërć odüs danfora dala lege dl Stat vëgn i comuns autorisà aladô dl articul 80 dl decret dl Presidënt dla Republica di 31 d’agost dl 1972, n. 670 (Statut d’Autonomia) da preodëi cun n so regolamënt, tignin cunt dl prinzip fondamantal de apliché la medema alicuota a ativitês anfates y/o similares, chëstes alisiraziuns tl ćiamp dla cuta comunala sön i bëgns imobiliars (IMU):)

  1. alisiraziuns che é fates de n’alicuota smendrida ćina al 0,4 porcënt por les abitaziuns dades en afit olache l’afitadin à süa residënza;
  2. alisiraziuns por les abitaziuns che le contribuënt ti lascia debann a parënć tla linia direta de vigni degré o ćina al secundo degré tla linia laterala, sce ai à ilò süa residënza;
  3. c) alisiraziuns por i frabicać sot a sconanza preodüs dal decret legislatif di 22 de jenà dl 2004, n. 42, y mudaziuns suandëntes;
  4. alisiraziuns por i frabicać cun lian de destinaziun agricol preodüs dal articul 9, coma 3-bis, lëtres b), c), d), g) y i), tut fora les cooperatives agricoles y sü consorc, dl decret lege di 30 de dezëmber dl 1993, n. 557, y mudaziuns suandëntes;
  5. alisiraziuns por d’atri frabicać destinà a ativitês economiches che ne vëgn nia preodüs dala lëtra d), por ejëmpl por i frabicać che aladô dl articul 75, coma 2, lëtra d) dla lege provinziala di 11 d’agost 1997, n. 13, y mudaziuns suandëntes, é destinà al’ativité de produziun y é te raiuns che ne n’à nia tröpes strotöres o, por frabicać, bel anfat olache ai é, olache al vëgn eserzité n’ativité tradizionala. La lista di raiuns che n’à nia tröpes strotöres y inće dles ativitês tradizionales por chëres che al vëgn apliché chëstes alisiraziuns é da ciafè tla deliberaziun dla Junta provinziala di 10 de dezëmber dl 2010, n. 2218;
  6. alisiraziuns che é fates de detrates dala cuta por les unitês imobiliares che é destinades a abitaziuns prinzipales, olache al sta le contribuënt o sü familiars cun de gran handicap aladô dl articul 3, coma 3 dla lege di 5 de forà dl 1992, n. 104;
  7. alisiraziuns che é fates dl’aplicaziun dl’alicuota smendrida por l’abitaziun prinzipala y ći che alda laprò, y dles detraziuns por l’unité imobiliara che porsones atempades o cun handicap à sciöche proprieté o nüz, mo che à ciafè süa residënza te ćiases de palsa o strotöres sanitares porvia de süa sojornanza permanënta ilò;
  8. alisiraziuns che é fates dl’aplicaziun dl’alicuota smendrida por l’abitaziun prinzipala y ći che alda laprò por l’unité imobiliara che é de proprieté dles porsones preodüdes dal articul 2 dla lege provinziala di 5 de novëmber dl 2001, n. 13, y mudaziuns suandëntes;
  9. 3)

(2) I comuns vëgn autorisà da determiné cun so regolamënt la cuta comunala sön i bëgns imobiliars (IMU) por frabicać cun lian de destinaziun agricol preodüs dal articul 9, coma 3/bis, lëtres e), f), h) y i) dl decret lege di 30 de dezëmber dl 1993, n. 557, tl respet di limić mascimai dles alicuotes odüdes danfora dales leges dl Stat y di criters stabilis dala Junta provinziala.

(3) Te vigni caje mëss le contribuënt garantì por la pert dl’entrada tributara resservada al Stat preodüda dala lëtra f) dl coma 380 dl articul 1 dla lege di 24 de dezëmber dl 2012, n. 228, y mudaziuns suandëntes. 4)

massimeBeschluss vom 23. Juli 2012, Nr. 1134 - Kriterien zur Festlegung der Gemeindesteuer auf Immobilien (IMU) für landwirtschaftlich zweckgebundene Gebäude
3)
La lëtra i) dl art. 1, coma 1 é gnüda ajuntada dal art. 2, coma 1 dla l.p. di 20 de dezëmber dl 2012, n. 22, y spo abrogada dal art. 5, coma 1 dla l.p. di 8 de merz dl 2013, n. 3.
4)
L’art. 1, coma 3 é gnü sostituì insciö dal art. 4, coma 2 dla l.p. di 8 de merz dl 2013, n. 3.

Art. 1/bis (Potesté regolamentara dl comun en materia dl tribut comunal sön le refodam y i sorvisc – TARES)

(1) Dlungia les competënzes preodüdes dala lege statala é i comuns autorisà da smendrì, aladô dl articul 80 dl decret dl Presidënt dla Republica di 31 d’agost dl 1972, n. 670, cun n so regolamënt la maioraziun TARES preodüda dal coma 13 dl articul 14 dl decret-lege di 6 de dezëmber dl 2011, n. 201, convertì, cun mudaziuns, dala lege di 22 de dezëmber dl 2011, n. 214, y mudaziuns suandëntes, de alplü 0,3 euro a meter cuadrat.

(2) Aladô dl articul 80, coma 1-bis, dl decret dl Presidënt dla Republica di 31 d’agost dl 1972, n. 670, vëgnel determiné che la maioraziun preodüda dal coma 1 de chësc articul y la tarifa por la gestiun dl refodam de ćiasa adotada dai ënć locai aladô dl articul 33 dla lege provinziala di 26 de mà dl 2006, n. 4, po gnì tratates ite insciö: tres paiamënt bancar o postal diret o tres adebitaziun direta sön le cunt corënt bancar o postal o aladô dles desposiziuns preodüdes dal articul 17 dl decret legislatif di 9 de messè dl 1997, n. 241, o tres n boletin de cunt corënt postal aposta. La modalité o les modalitês y i terminns de paiamënt vëgn stabilis tl regolamënt comunal sön la tarifa dl refodam. 5)

5)
L’art. 1/bis é gnü ajuntè dal art. 4, coma 3 dla l.p. di 8 de merz dl 2013, n. 3.

Art. 2 ( Compensaziun dles finanzes)

(1) La dotaziun finanziara preodüda dal articul 1, coma 1 dla lege provinziala di 14 de forà dl 1992, n. 6, y mudaziuns suandëntes vëgn smendrida dla soma sciazada dles entrades implü che ti röia ai comuns dal’introduziun dla cuta comunala sön i bëgns imobiliars adoran alicuotes de basa y tolon en conscidraziun les mëndres entrades che vëgn da alisiraziuns eventuales di comuns aladô dl articul 1.

(2) Les faziuns dl aćiantonamënt fat dal Stat sön les copartezipaziuns ai tribuć erariai dla Provinzia preodüdes dal coma 13-bis dl articul 14 dl decret-lege di 6 de dezëmber dl 2011, n. 201, convertì, cun mudaziuns, dala lege di 22 de dezëmber dl 2011, n. 214, y mudaziuns suandëntes, vëgn regolamentades cun l’acordanza sön la finanza locala preodüda dal coma 1 dl articul 1 dla lege provinziala di 14 de forà dl 1992, n. 6, y mudaziuns suandëntes. 6)

6)
L’art. 2, coma 2 é gnü ajuntè dal art. 4, coma 4 dla l.p. di 8 de merz dl 2013, n. 3.

Art. 3 ( Azès telematich di comuns ai planns de frazionamënt)

(1) N sistem d’informaziun telematich, olache i ofizi dl cataster memorisëia i planns de frazionamënt a chël che i comuns ti po pormez, sostituësc la deposiziun di planns de frazionamënt ai comuns preodüda dal articul 93, coma 5 dla lege provinziala di 11 d’agost dl 1997, n. 13. L’oblianza de deposiziun preodüda dal coma 5 ne vel nia plü canche i comuns ti po efetivamënter pormez telematicamënter ai planns de frazionamënt. Chësta data vëgn stabilida dal Presidënt dla Provinzia cun decret da publiché tl Boletin Ofizial dla Regiun.

Art. 4 ( Surantuta dles normes statales)

(1) La Junta provinziala é autorisada da surantó cun n so provedimënt les desposiziuns de lege emanades a livel nazional tl cheder dl prozès de reforma dl cataster.

Art. 5 ( Jüda en forza)

Chësta lege va en forza le dé do süa publicaziun tl Boletin Ofizial dla Regiun.

Chësta lege gnarà publicada tl Boletin Ofizial dla Regiun. Vignun a chël che al ti speta é oblié da la respetè y da la fà respetè sciöche lege dla Provinzia.

 

ActionActionNormativa Costituzionela
ActionActionLegislazion Provinziela
ActionActionI Alpinistica
ActionActionII Lëur
ActionActionIII Mineres
ActionActionIV Chemuns y cumenanzes raioneles
ActionActionV Furmazion prufescionela y adestramënt al lëur
ActionActionVI Defendura di teraces, frabiches per l’ega
ActionActionVII Energia
ActionActionVIII Finanzes
ActionActionA A – Partezipazions dla Provinzia
ActionActionB B – Chëutes provinzieles
ActionActionC C – Finanzes locales
ActionActionh) Lege Provinziala di 18 de aurì dl 2012, n. 8
ActionActionArt. 1 ( Podëi de regolamentaziun dl comun tl ćiamp dla cuta comunala sön i bëgns imobiliars)
ActionActionArt. 1/bis (Potesté regolamentara dl comun en materia dl tribut comunal sön le refodam y i sorvisc – TARES)
ActionActionArt. 2 ( Compensaziun dles finanzes)
ActionActionArt. 3 ( Azès telematich di comuns ai planns de frazionamënt)
ActionActionArt. 4 ( Surantuta dles normes statales)
ActionActionArt. 5 ( Jüda en forza)
ActionActioni) Lege provinziala di 23 de aurì dl 2014, n. 3
ActionActionD D – Bilanz dla Provinzia
ActionActionE - Debit ora dl bilanz
ActionActionIX Turism y ndustria d’albierch
ActionActionX Assistënza y benefiziënza
ActionActionXI Ustaries
ActionActionXII Nuzënzes ziviches
ActionActionXIII Urdinamënt di bòsc
ActionActionXIV Sanità y igena
ActionActionXV Nuzeda dl’eghes
ActionActionXVI Cumerz
ActionActionXVII Artejanat
ActionActionXVIII Liber fundier y cataster
ActionActionXIX Ciacia y Pëscia
ActionActionXX Prutezion contra l meldefuch y prutezion zevila
ActionActionXXI Scolines
ActionActionXXII Cultura
ActionActionXXIII Ufizies provinziei y personal
ActionActionXXIV Defendura dla cuntreda y dl ambient
ActionActionXXV Agricultura
ActionActionXXVI Lernerat
ActionActionXXVII Fieres y marceies
ActionActionXXVIII Lëures publics
ActionActionXXIX Manifestazions publiches
ActionActionXXX Raiun y contrada
ActionActionXXXI Cuntabltà
ActionActionXXXII Sport y tëmp liede
ActionActionXXXIII Stredes
ActionActionXXXIV Trasporc
ActionActionXXXV Istruzion
ActionActionXXXVI Patrimone
ActionActionXXXVII Economia
ActionActionXXXVIII Frabiché abitatif
ActionActionXXXIX Leges cun desposiziuns desvalies (Omnibus)
ActionAction*
ActionAction*
ActionAction*
ActionActionIndesc cronologich