(1) L'aministrazion provinziela muessa lauré ora planns per l sustëni dla valivanza danter i sesc, tlamei planns per la valivanza.
(2) I planns per la valivanza muessa unì laurei ora per n tëmp de cin ani y à da unì verifichei tresora.
(3) Sun la basa di dac statistics aldò dl articul 4 iel da stabilì ti planns per la valivanza te cie tëmps y cun cie mesures ti ciamps dla urganisazion, dl organich, dla furmazion y dl ajurnamënt, y te ciuna uniteies urganisatives che l muessa unì smendrì y tëut y tres var per var la sotreprejentanza de n ses y i svantajes che se porta eventualmënter pro per l ses sotreprejentà.
(4) Sce l ie udù danora na reduzion dla stieres tl organich, messeran udëi danora tl plann che la cuota dl ses sotreprejentà, cun referimënt ala cualifiches funzioneles y ala posizions dirigenzieles, reste almanco l medem.