l) Lege provinziala di 8 de merz 2010 , n. 51)
Lege dla Provinzia autonoma de Bulsan sun la parificazion y sun l sustëni dl'ëiles y mudazions dla despusizions valëivles

(1)  Per la dureda dla ncëria, à la cunseliera de valivanza l dërt de giapé na ndenità anuela brutto, che ti vën paieda ora te dodesc rates mensiles y che ie metuda adum da chisc elemënc de retribuzion udui danora dai cuntrac culetifs ntercumpartimentei, calculei per trëdesc uniteies mensiles:

1. paiamënt brutto anuel lià al livel de retribuzion plu aut dl otavo livel funzionel, zënza degun avanzamënt de paiament bianuel;
   
2. soma brutto anuela dla ndenità ntegrativa speziela ududa danora per l'otavo livel funzionel;
   
3. soma brutto anuela dla ndenità de funzion de na diretëura de ufize/n diretëur de ufize, cun l'aplicazion dl coefizient 0,7.
   

Per la ndenità de sercisc oradecà y spëises de viac eventueles vëniel aplicà la despusizions valëivles per la dependëntes y i dependënc provinziei.

(2)  Per la dureda dla ncëria possa la cunseliera de valivanza eserzité d'autra ativiteies prufescioneles.