l) Lege provinziala di 8 de merz 2010 , n. 51)
Lege dla Provinzia autonoma de Bulsan sun la parificazion y sun l sustëni dl'ëiles y mudazions dla despusizions valëivles

(1) Aldò de chësta lege ntënden per:

1. aministrazion provinziela, la Provinzia y i ënc publics che depënd da d'ëila o de chëi che l urdinamënt toma tla cumpetënzes legislatives dla Provinzia o che ti ie unides deleghedes ala Provinzia;
   
2. organs, duc i organs colegei, cumiscions, cumitac, cunsëies, cumitac de cunsultazion y grupes de lëur, cochemei denuminei;
   
3. organs politics, chëi mé metui adum da reprejentanc litei y reprejentantes litedes dala populazion;
   
4. situazion de balanz danter i sesc, chëla ulache uni ses ie reprejentà te proporzions de almanco n terz;
   
5. ublianzes familieres, la cura de n mut o de na muta sota i 6 ani o la secudienza a parënc nchin al segondo degré che nen à debujën;
   
6. rujeneda respetëusa dla identità de ses, chëla che ti dà vijibltà al'ëila a livel de rujeneda; l ne ie nia dit che per arjonjer chësta vijibltà sibel debujën de se nuzé tresora de numinazions doples;
   
7. azion positiva, uni mesura fata aposta per l'ëiles cun l fin de tò y tres rëms che ie de mpedimënt per la realisazion dla valivanza dla chances.