In vigore al

RICERCA:

In vigore al: 21/11/2014

a) Lege Provinziala di 30 de setëmber dl 2005, n. 71)
Normes tla materia dla nuzeda d’eghes publiches y de mplanc eletrics

1)
Publicheda tl B.U. dl 11 d’utober 2005, nr. 41.

Art. 1 (Ciamp d’aplicazion)    delibera sentenza

(1)  Chësta lege regulea la nuzeda dl’eghes publiches y di mplanc eletrics da pert dla Provinzia autonoma de Bulsan aldò dl plann generel per la nuzeda dl’eghes publiches nunzià tl articul 14 dl decret dl Presidënt dla Republica dl 31 d’agost 1972, n. 670.

massimeDelibera N. 2691 del 25.07.2005 - Direttive per le utenze di innevamento artificiale

Art. 2 (Cumpetënzes)

(1)  L assessëur provinziel cumpetënt tla materia dl’eghes publiches y dl’energia dezid n cont dla dumandes de recunescimënt y de cunzescion de derivazions d’ega grandes y pitles, ora che n cont de chëles a fin idroeletrich, sun la relasceda dl nulla osta udù danora dal articul 20 dl decret dl rë di 11 de dezëmber 1933, n. 1775, y sun la relasceda dla lizënza per se nuzé d’eghes.

Art. 3 (Pruzedura)    delibera sentenza

(1)  La dumandes per giaté la cunzescions o per fé variantes a chëstes ie da prejenté cun la documentazion scrita dant dal diretëur dl’Agenzia provinziela per l ambient al ufize cumpetënt dla medema repartizion. Les vën lascedes pro cun urdenanza dl ufize cumpetënt dl’Agenzia provinziela per l ambient 2)  a na pruzedura d’ejaminazion. La urdenanza vën publicheda per 15 dis sun la tofla dl chemun o di chemuns, ulache la pieda, l mplant y, eventualmënter, la retuda dla derivazion dl’ega damandeda ie udui danora. Ala urganisazion di paures plu reprejentativa a livel local ti vëniel mandà na copia dla urdenanza. Te chësta iel stabilì l di, l’ëura y l luech d’ancunteda per la vijita dla lueges y l ie dat sëura l lim de tëmp te chël che l possa unì prejentà usservazions y obiezions scrites contra la derivazion damandeda o contra la derivazions damandedes. Chësc lim de tëmp va dal prim di dla publicazion nchin al di dan la vijita dla lueges stabilida, che messerà unì fata tl tëmp de 20 dis dala fin dla publicazion. L ufize cumpetënt dl’Agenzia provinziela per l ambient 2)  fej la vijita dla lueges. A chësta vijita muessa tò pert chi che à prejentà la dumanda o zachei che ie unit numinà te si reprejentanza y che ebe l’autorisazion de l fé, oradechël possa tò pert ala vijita duc chëi che ie nteressei. L ufize cumpetënt dl’Agenzia provinziela per l ambient 2)  possa renunzië a dé ora y publiché la urdenanza nunzieda sce l se trata de dumandes per lizënzes de nuzeda d’eghes nchin a 5 litri al secunt o tl cajo de giavedes temporeres d’ega de sotfonz aldò dl articul 19 dla lege provinziela di 18 de juni 2002, n. 8, y mudazions suzessives. 3)

(2)  La dumandes concurëntes possa unì prejentedes tl tëmp de 30 dis dala data dla vijita dla lueges data sëura tla urdenanza y les vën publichedes aldò dla despusizions nunziedes pra l coma 1. L ne vën nia plu lascià pro mo d’autra dumandes concurëntes.

(3)  Pra la cunzescions che reverda dantaldut l’eghes de nuzeda te cësa, da bever y contra l meldefuech vëniel, tl cajo de de plu concurënc, dat la preferënza ala dumanda dl gestëur dl servisc dl’ega da bever.

(4)  La dumandes de derivazion per l refurnimënt d’ega da bever publich, che ne ie nia cumpatibles cun la dumandes che fova unides fates dant y che vën prejentedes do l lim de tëmp nunzià pra l coma 2, vën lascedes pro ezeziunalmënter cun na urdenanza dl diretëur dl’Agenzia provinziela per l ambient 2). La dumandes vën detlaredes concurëntes cun l’autra dumandes sce l se porta pro rejons de nteres publich de prëscia y sce l vën desmustrà che l ne ie degun’autra puscibltà de refurnimënt a cosć proporzionalmënter azetabli y zënza deficulteies tecniches spezifiches.

(5)  L ne possa nia unì tratà dumandes de cunzescion per mplanc alimentei da funtanes renuvables che ie contra l bon guviern dl’eghes y di teraces y la leges valëivles tla materia dla defendura dl ambient, de defendura dla cuntreda y dl patrimone storich-artistich, di mejes stluc y di autri nteresc generei. L titul che desmostra la despunibltà dla sperses nteressedes ai fins dla realisazion di ntervënc inant nunziei possa unì mustrà su te uni mumënt. Ai fins dla lege provinziela di 14 d’auril 1991, n. 10, y mudazions suzessives, vën la mesures per mplanc cun na putënza numinela sëura i 3 MW ratedes de utl publich. 4) 5)

(6)  L ufize cumpetënt dla Repartizion Eghes publiches y energia manda, al fin dla valutazion dla dumandes, i ac ala cunferënza de servijes nunzieda tl articul 5 dla lege provinziela di 5 d’auril 2007, n. 2, ntegreda da n reprejentant dla Repartizion Costruzions idrauliches ti caji te chëi che l ie udù danora n arat o n’autorisazion da pert de chësta y, sce l se trata de derivazions a fin idroeletrich, dal diretëur dl Ufize Eletrificazion. N desvieda dai articuli 8 y 12 dla lege provinziela di 25 de lugio 1970, n. 16, y mudazions suzessives, y dl articul 29 dla lege provinziela di 5 d’auril 2007, n. 2, y mudazions suzessives, ne vëniel nia damandà danora l arat dla cumiscion cumenela per l frabiché. Ora che per l liam de scunanza dla cuntreda ne vëniel nia aplicà l coma 3 dl articul 8 dla lege provinziel di 25 de lugio 1970, n. 16. 6)

(6/bis)  N basa ala valutazions purtedes a esprescion dala cunferënza de servijes nunzieda tl coma 6, refudea o azetea l assessëur provinziel cumpetënt tla materia d’eghes publiches y energia cun decret la dumandes de cunzescion. 7)

(6/ter)  La cunzescion sostituesc cun duta la fazions uni autra autorisazion, arat, vist o nulla osta n referimënt al proiet, ora che la pruzedura VDA, ulache la ie ududa danora, y la cunzescion de frabiché. 7)

(6/quater)  N desvieda a cie che ie udù danora dal coma 2 dl articul 31 dla lege provinziela di 5 d’auril 2007, n. 2 ie l recurs ala Jonta mé lascià pro contra l decret nunzià tl coma 6/bis. 7)

(7)  Tl cajo de dumandes d’estrazion d’eghes de sotfonz ne iel nia de bujën dla valutazion nunzieda tl coma 6, sce l ie ai fins dla pruzedura mé de bujën dl arat dl Ufize Gestion ressurses d’ega. 8) 

(8)  L ne vën nia aplicà i articuli 7, 8 coma 1, y l articul 10 dl decret dl rë di 11 de dezëmber 1933, n. 1775, y mudazions suzessives. 9)

(9)  Sun la dumandes de derivazion d’ega a fin da bever o de irigazion che ie n concurënza cun dumandes nce de de gran derivazion, a fin idroeletrich, possel unì tëut na dezijion ndependëntmënter dala dezijion sun chëstes. 10)

massimeVerfassungsgerichtshof - Urteil vom 22. April 2013, Nr. 77 - Finanzgesetz 2012 – Einsparungen durch die Zusammenarbeit von Gemeinden – Ansuchen um Konzessionen für Kraftwerke – Gleichzeitigkeit zwischen dem Haushaltsvoranschlag der örtlichen Körperschaften und der Festsetzung der Steuersätze und Tarife – Anhäufung von Führungsaufträgen beim Land und den Hilfskörperschaften – periodische Revision der Motorfahrzeuge mit einem Gewicht von über 3,5 Tonnen
massimeT.A.R. di Bolzano - Sentenza N. 339 del 30.11.2001 - Acque pubbliche - concessione di derivazione - decadenza - giurisdizione Tribunale Superiore Acque Pubbliche
2)
La denuminazion Repartizion provinziela per l’eghes y l’energia ie unida sostituida dal articul 2, coma 1 dla L.P. di 17 de setëmber 2013, n. 18 cun la denuminazion Agenzia provinziela per l ambient.
3)
L articul 3, coma 1 ie unit mudà nsci dal articul 2, coma 1 dla L.P. di 21 de juni 2011, n. 4.
4)
L articul 3, coma 5 ie n iede unit mudà tres l articul 10, coma 1 dla L.P. di 22 de jené 2010, n. 2 y pona sostituì nsci tres l articul 24, coma 1 dla L.P. di 21 de dezëmber 2011, n. 15.
5)
La Chëurt costituzionela à cun sentënza n. 77 di 22 d’auril 2013 detlarà zënza fundamënta la cuestion de legitimità costituzionela dl articul 5, coma 3 nsci coche mudà dal articul 24, coma 1 dla L.P. di 21 de dezëmber 2011, n. 15.
6)
L articul 3, coma 6 ie n iede unit sostituì dal articul 10, coma 2 dla L.P. di 22 di 22 de jené 2010, n. 2 y pona mudà nsci dal articul 2, coma 2 dla L.P. di 21 de juni 2011, n. 4.
7)
I comes 6/bis, 6/ter y 6/quater dl articul 3 ie unic njuntei dal articul 10, coma 3 dla L.P. di 22 de jené 2010, n. 2.
8)
L articul 3, coma 7 ie unit sostituì nsci dal articul 10, coma 4 dla L.P. di 22 de jené 2010, n. 2.
9)
L articul 3, coma 8 ie unit sostituì nsci dal articul 10, coma 5 dla L.P. di 22 de jené 2010, n. 2.
10)
L articul 3, coma 9 ie unit njuntà dal articul 10, coma 6 dla L.P. di 22 de jené 2010, n. 2.

Art. 4 Cunzescion     delibera sentenza

(1)  Sce l ne vën nia fat n cudejel dla ublianzes, vën la despusizions a cëria dl cunzesciuner scrites tl decret de cunzescion.

(2)  Tl decret de cunzescion iel oradechël udù danora l bujën, che pudëssa eventualmënter se purté pro, de dejëujer n colaud di lëures finei, che vën autorisà dal diretëur dl’Agenzia provinziela per l ambient. 2) 

(3)  L decret de cunzescion vën publicà te pertes tl Buletin Ufiziel dla Region.

(4)  L’aministrazion che dà la cunzescion à la puscibltà, zënza la ublianza de ndenisazion, de mudé o junté prescrizions tecniches, sce chësc ie de bujën per l nteres dla defendura dl terac, dl ambient, dla natura y dla cuntreda o, a uni moda, per l nteres publich.

(5)  L cunzesciuner de n mplant de nuzeda dl’ega muessa mantenì i mplanc aldò di standarc tecnologics a na moda che l vënie for garantì che i funzionëie y tënie, acioche i ne sibe nia funtana de pericul. 11)

massimeBeschluss vom 11. März 2013, Nr. 384 - Anwendung der Kriterien für die stufenweise Erhöhung der Restwassermenge, bereits definiert im Beschluss der Landesregierung Nr. 893 vom 30.11.2011 in geltender Fassung
massimeTAR di Bolzano - Sentenza 9 dicembre 2009, n. 395 - Acque pubbliche - controversie relative a provvedimenti incidenti direttamente su opere idrauliche - giurisdizione del Tribunale Superiore acque pubbliche
massimeT.A.R. di Bolzano - Sentenza N. 339 del 30.11.2001 - Acque pubbliche - concessione di derivazione - decadenza - giurisdizione Tribunale Superiore Acque Pubbliche
2)
La denuminazion Repartizion provinziela per l’eghes y l’energia ie unida sostituida dal articul 2, coma 1 dla L.P. di 17 de setëmber 2013, n. 18 cun la denuminazion Agenzia provinziela per l ambient.
11)
L articul 4, coma 5 ie unit njuntà dal articul 2, coma 3 dla L.P. di 21 de juni 2011, n. 4.

Art. 5 (Recunescimënc)

(1)  La vedla rejons de derivazions d’eghes mo nia recunesciudes vën recunesciudes de dërt, sce l ie dat la cundizions tlo cumpededes su:

  1. l’ega ie unida deriveda zënza nteruzion ti ultimi trëi ani;
  2. i fins uriginei dla nuzeda dl’ega ie i medemi;
  3. i mplanc ie te na cundizion tecnicamënter sciche l toca o vën adatei a chësta cundizion tl tëmp de n ann;
  4. tl cajo de na nuzeda per irigazion muessa l mplant vester autonom y l ne daussa vester degun auter refurnimënt d’ega che sibe assé per la medema sperses, p.e. n refurnimënt tres cunsorc o nteressënzes;
  5. l mplant atuel daussa mé se deferenzië te na maniera nia senificanta da coche i mplanc fova a pië via; la tramudeda da irigazion a fonz a irigazion a plueia vën lasceda pro.

(2)  Per cunstaté che la cundizions cumpededes su pra l coma 1 sibe bën dates, njinia l ufize provinziel cumpetënt per la nuzeda dl’eghes n formuler tecnich de dac, che ie da scrì ora dai nuzënc y cun chël che i detlarea che la cundizions aldò dl coma 1 ie ejistëntes. Sce l se porta pro duta la cundizions, comunichea l ufize provinziel cumpetënt per la nuzeda dl’eghes l recunescimënt dla nuzeda dl’ega dajan sëura la carateristiches dla derivazion y la soma dla chëuta che ie da paië.

(3)  La cuantità d’ega che possa unì deriveda ie adegueda ai criteres dl plann generel per la nuzeda dl’eghes publiches. La nuzedes dura 30 ani dal recunescimënt.

(4)  L ufize provinziel cumpetënt per la nuzeda dl’eghes fej cuntroi sun almanco l sies percënt dla detlarazions prejentedes.

Art. 6 Pruibizion de nuzeda   

(1)  Restan mpe cie che ie udù danora dal articul 10 y dal articul 23/bis dla lege provinziela di 18 de juni 2002, n. 8 iel pruibì derivé o nuzé eghes publiches zënza cunzescion o d’autri tituli de dërt.

(2)  Sce la pruibizion nunzieda pra l coma 1 ne vën nia respeteda, cumanda l diretëur dl ufize cumpetënt dl’Agenzia provinziela per l ambient 2)  de lascé vester debota la derivazion y l dà la straufonghes aministratives ududes danora.

2)
La denuminazion Repartizion provinziela per l’eghes y l’energia ie unida sostituida dal articul 2, coma 1 dla L.P. di 17 de setëmber 2013, n. 18 cun la denuminazion Agenzia provinziela per l ambient.

Art. 7 (Cauzion)

(1)  Coche garanzia che la ublianzes liedes ala cunzescion vënie respetedes possa l ufize cumpetënt dl’Agenzia provinziela per l ambient 2)  se damandé che la cunzescion o l’autorisazion vënie sometudes al paiamënt de na cauzion de na soma che depënd dala mesura di mplanc.

(2)  L diretëur dl’Agenzia provinziela per l ambient 2)  se cruzia che la cauzion vënie delideda do che l ie unit cunstatà che la ublianzes liedes ala cunzescion ie unides respetedes avisa.

2)
La denuminazion Repartizion provinziela per l’eghes y l’energia ie unida sostituida dal articul 2, coma 1 dla L.P. di 17 de setëmber 2013, n. 18 cun la denuminazion Agenzia provinziela per l ambient.

Art. 8 (Variantes)

(1)  Ora che per cie che ie udù danora tl coma 6 prejentea chi che nuza eghes publiches y uel dejëujer variazions pra na derivazion bele recunesciuda o data n cunzescion na dumanda al ufize cumpetënt dl’Agenzia provinziela per l ambient. 2) 12)

(2)  Coche variantes sustanzieles vëniel ratà chëla mudazions che reverda l avanamënt, ënghe sce mé te fases singules dl tëmp de nuzeda, dla cuantità dl’ega cunzeduda o recunesciuda, l slungiamënt dl tëmp de nuzeda y l spustamënt dl pont de pieda dl’ega o dl pont de retuda. Ala variantes vëniel aplicà duta la despusizions ududes danora per la cunzescions nueves. 13)

(3)  Uni dumanda de varianta sustanziela n referimënt a na dumanda de derivazion d’ega che ie tl lëur de unì ejamineda vën rateda cun duta si fazions na dumanda nueva che remplazea la prima. 14)

(4)  Dal ufize cumpetënt dl’Agenzia provinziela per l ambient 2)  vëniel autorisà chësta mudazions n referimënt a:

  1. frabica, ressanamënt o miuramënc de mplanc de captazion d’eghes de surfazia;
  2. frabica o ressanamënt de pertes de mplanc idroeletrics y de mplanc de refurnimënt d’ega da bever publica, ora che la rë de destribuzion y i cunliamënc ala frabiches zeviles. L’autorisazion vën data ora, do che l ie unit audì la cunferënza di servijes nunziei tl articul 3, coma 6. L’autorisazion remplazea cun duta si fazions uni autra autorisazion, arat, vist o nulla osta, ora che la pruzedura VDA, ulache ududa danora, y l arat dla cumiscion cumenela per l frabiché. 14)

(5)  L ufize cumpetënt dl’Agenzia provinziela per l ambient 2)  dà n arat lient per la frabica o l ampliamënt de resservares majeri de 5.000 metri cubics. 15)

(6)  L ti vën mé comunicà danora al ufize cumpetënt dl’Agenzia provinziela per l ambient 2)  la mudazions relatives a:

  1. la mascins destinedes ala produzion dl’energia eletrica;
  2. l’estenscion dla spersa d’irigazion, dl raion de refurnimënt dla rë d’ega da bever publica y dla spersa sun chëla che l dëssa unì fat nëif artifiziela, zënza che la derivazion dl’ega vënie avaneda, tl cajo che l vën adotà mesures miredes al sparani dl’ega o a na miëura nuzeda dl’ega o che cumporta mudazions dla tecniches d’irigazion o de nnevamënt artifiziel. 16)
2)
La denuminazion Repartizion provinziela per l’eghes y l’energia ie unida sostituida dal articul 2, coma 1 dla L.P. di 17 de setëmber 2013, n. 18 cun la denuminazion Agenzia provinziela per l ambient.
12)
L articul 8, coma 1 ie unit sostituì nsci dal articul 2, coma 4 dla L.P. di 21 de juni 2011, n. 4.
13)
L articul 8, coma 2 ie n iede unit sostituì dal articul 15 dla L.P. di 23 de lugio 2007, n. 6 y pona dal articul 2, coma 5 dla L.P. di 21 de juni 2011, n. 4.
14)
I comes 3 y 4 dl articul 8 ie unit sostituii nsci dal articul 2, coma 6 dla L.P. di 21 de juni 2011, n. 4.
15)
L articul 8, coma 5 ie unit sostituì nsci dal articul 15 dla L.P. di 23 de lugio 2007, n. 6, pona mudà dal articul 10, coma 7 dla L.P. di 22 de jené 2010, n. 2 y ala fin sostituì nsci dal articul 2, coma 7 dla L.P. di 21 de juni 2011, n. 4.
16)
L articul 8, coma 6 ie unit njuntà dal articul 2, coma 8 dla L.P. di 21 de juni 2011, n. 4.

Art. 9 (Lizënza de nuzeda dl’ega)

(1)  La dumanda de lizënza per se nuzé dl’ega aldò dl articul 56 dl decret dl rë di 11 de dezëmber 1933, n. 1775, y mudazions suzessives, ie da prejenté al ufize cumpetënt dl’Agenzia provinziela per l ambient 2). La dumanda muessa vester acumpanieda da dessënies y da na relazion, te chëla che l vën descrì i lëures y desmustrà che i nteresc publics y i dërc de terc vën respetei.

(2)  La chëuta dl’ega preududa dala lege muessa unì paieda danora. L ne ie deguna ublianza de cauzion.

(3)  I prelevamënc d’ega nchin a 5000 litri al di per furedes pra cantieres de nteres publich ie delidei dala chëuta y possa unì fac a na maniera liedia do che l ti ie unit comunicà al ufize cumpetënt dl’Agenzia provinziela per l ambient. L daussa mé unì derivà na cuantità d’ega nchin al 10 percënt dla purteda d’ega che ie da garat y chësc per na dureda de al plu 30 dis ndolauter. La rejons ejistëntes muessa unì respetedes.

2)
La denuminazion Repartizion provinziela per l’eghes y l’energia ie unida sostituida dal articul 2, coma 1 dla L.P. di 17 de setëmber 2013, n. 18 cun la denuminazion Agenzia provinziela per l ambient.

Art. 10 (Funtanes)

(1)  Dala pitla funtanes possel unì nuzà y tëut ega a na maniera liedia per n’adurvanza te cësa y da bever nchin a na cuantità de 0,40 litri al secunt. La rejons ejistëntes muessa unì mantenides.

(2)  Nuzedes nueves te n raion de defendura d’ega da bever muessa unì autorisedes dal ufize cumpetënt dl’Agenzia provinziela per l ambient.

Art. 11 (Slungiamënt di tëmps)

(1)  L diretëur dl’Agenzia provinziela per l ambient 2)  slongia i lims de tëmp per i lëures de costruzion y per l’atuazion dla derivazions d’ega.

(2)  L assessëur provinziel de cumpetënza per l’eghes publiches y l’energia tol i pruvedimënc n cont dla destumënza dla cunzescions o di recunescimënc y dla cuntestazions y ghiranzes respetives.

2)
La denuminazion Repartizion provinziela per l’eghes y l’energia ie unida sostituida dal articul 2, coma 1 dla L.P. di 17 de setëmber 2013, n. 18 cun la denuminazion Agenzia provinziela per l ambient.

Art. 12 (Stënta d’ega)

(1)  Per afrunté situazions de stënta d’ega, vëniel metù su pra l’Agenzia provinziela per l ambient na cumiscion metuda adum da:

  1. l diretëur dl’Agenzia provinziela per l ambient 2)  coche presidënt;
  2. l diretëur dl Ufize provinziel Gestion ressurses d’ega;
  3. n reprejentant dl’Agenzia provinziela per l ambient 2);
  4. n diretëur dla Repartizion provinziela Bosc;
  5. n diretëur d’ufize dla Repartizion provinziela Agricultura;
  6. n reprejentant di chemuns dl raion idrografich tucà dala situazion de stënta d’ega.

(2)  Tl cajo de stënta d’ega ti fej la cumiscion na pruposta al Presidënt dla Provinzia n cont de ciuni di raions idrografics che dëssa unì detlarei te na situazion de stënta.

(3)  Ntan la situazion de stënta d’ega tol la cumiscion i pruvedimënc cumpedei su tlo dessot, per garantì, tl orden nsci dat dant, l refurnimënt d’ega da bever publich, l refurnimënt d’ega da bever privat y la nuzeda per la irigazion:

  1. reduzion dla cuantiteies d’ega restantes;
  2. reduzion o fermeda dla derivazions d’ega;
  3. prescrizion de turnus de nuzeda;
  4. trasferimënt de cuantiteies d’ega y nuzeda d’ega abineda adum nce per d’autri fins, nce da resservares dedora dl raion idrografich tucà;
  5. nuzeda de funtanes d’ega nueves.

(4)  I pruvedimënc aldò dl coma 3 possa vester sibe de natura gestiunela che de costruzion. I pruvedimënc de natura gestiunela vën realisei da pert dl cunzesciuner dl’ega, la mesures de costruzion vën fates dal nuzënt de chësta mesures. Canche la situazion de stënta ie passeda muessa la situazion inò unì repurteda tla cundizions da dant, ora che sce l vën relascià na cunzescion o n’autorisazion regulera sun dumanda dl nteressà.

(5)  Do la fin dla stënta d’ega nfurmea l presidënt dla cumiscion l Presidënt dla Provinzia che revuchea la situazion de stënta.

2)
La denuminazion Repartizion provinziela per l’eghes y l’energia ie unida sostituida dal articul 2, coma 1 dla L.P. di 17 de setëmber 2013, n. 18 cun la denuminazion Agenzia provinziela per l ambient.

Art. 13 (Eghes minereles)       delibera sentenza

(1)  L’eghes minereles tl raion dla provinzia de Bulsan ie pert dl patrimone nia despunibl dla Provinzia autonoma de Bulsan.

(2)  La cunzescion dl’eghes minereles, che daussa mé unì derivedes da eghes de sotfonz y de sëuraspersa, per chëles che l vën realisà raions de defendura, vën data aldò dla despusizions valëivles per l’eghes publiches, do che l carater minerel de chëst’eghes ie unì recunesciù da pert dl’Agenzia provinziela per l ambient 2)  y do la iscrizion tla lista dl’eghes minereles relativa tenida dal’aministrazion provinziela.

(3)  Ai fins dl ciariamënt te bozes o dla nuzeda termala o terapeutica dl’eghes minereles vën l recunescimënt dl carater minerel dl’eghes dejëut dal’Agenzia provinziela per l ambient 2)  deberieda cun l’Azienda sanitera de Bulsan.

(4)  La despusizion aldò dl coma 3 ne vën nia aplicheda al’eghes adurvedes per tratamënc idrics nia terapeutics ti albiercs y te strutures semientes tipiches tla tradizion locala.

(5)  L decret de cunzescion spezifichea la cuantità d’ega derivabla y determinea la chëuta che ie da paië uni ann sun la basa dla cuantiteies mesanes cunzedudes al ann. La soma dla chëuta da paië uni ann ie determineda nsci:

  1. per l’eghes metudes te bozes 594,00 euro per liter al secunt cun na chëuta de al manco 5.940,00 al ann;
  2. per l’eghes adurvedes coche eghes termeles o per d’autra adurvanzes terapeutiches 297,00 euro per liter al secunt, cun na chëuta de al manco 2.970,00 euro al ann;
  3. per l’eghes destinedes a n’autra adurvanza 178,00 euro per liter al secunt, cun na chëuta de al manco 178,00 euro al ann.

(6)  La chëuta al ann y minima per la nuzedes singules d’ega minerela possa unì adateda uni doi ani dala Jonta provinziela sun la basa dla variazions di cosć dla vita aldò di indicatëures dl ISTAT.

(7)  La chëuta per la cunzescions bele dates ora vën adateda ala despusizions de chësta lege, tenian cont dla cuantiteies mesanes nuzedes ti trëi ani passei.

(8)  La despusizions per la cunzescion di cuntribuc udui danora dala lege provinziela di 8 de nuvëmber 1974, n. 18, y mudazions suzessives, ne vën nia aplichedes per l’eghes minereles nunziedes te chësc articul.

(9)  I raions de defendura che ie de bujën per la funtanes d’ega minerela nia dates ca n cunzescion vën istituìi dal ufize cumpetënt dl’Agenzia provinziela per l ambient 2)  y aministrei dala Repartizion provinziela Bosc. 17)

massimeCorte costituzionale - Sentenza N. 73 del 28.03.2008 - Attribuzione del riconoscimento delle acque minerali all'Agenzia provinciale per l'ambiente - Legittimità costituzionale.
2)
La denuminazion Repartizion provinziela per l’eghes y l’energia ie unida sostituida dal articul 2, coma 1 dla L.P. di 17 de setëmber 2013, n. 18 cun la denuminazion Agenzia provinziela per l ambient.
17)
La Chëurt costituzionela à detlarà cun sentënza 12 di 28 de merz 2008, n. 73 nia fundeda la cuestion de legitimità costituzionela dl articul 13.

Art. 14 (Delidamënt dal paiamënt)

(1)  Chi che damanda la cunzescion de derivazion d’ega, si renuveda, la variantes a chësta o si trasferimënt, ie delidei dal paiamënt dla spëises dl’ejaminazion y dl colaud.

Art. 15 (Linies eletriches)

(1)  La linies eletriches cun na tenscion de nia plu che 1000 Volt y chëles per la luminaria publica sciche nce i mplanc che toca leprò ne à nia de bujën de unì autorisei dal’Agenzia provinziela per l ambient 2). La ublianza de bënstëies che ie eventualmënter de bujën resta te uni cajo mpe.

(2)  Chi che fej dumanda d’autorisazion per la costruzion de linies eletriches aldò di articuli 107 y mudazions suzessives dl decret dl rë dl 11 de dezëmber 1933, n. 1775, ie delidei dal paiamënt dla spëises dl’ejaminazion.

(3)  L ufize cumpetënt dl’Agenzia provinziela per l ambient 2)  publichea la dumandes d’autorisazion per la costruzion de linies eletriches per 30 dis alalongia tacan ora la nutizia sun la tofles di chemuns nteressei. Tl tëmp nunzià possa duta la persones nteressedes prejenté usservazions y obiezions pra l ufize cumpetënt.

(4)  La publicazion dl avis tl Buletin Ufiziel dla Region aldò dl articul 111 dl decret dl rë di 11 de dezëmber 1933, n. 1775 ne vën nia fata.

2)
La denuminazion Repartizion provinziela per l’eghes y l’energia ie unida sostituida dal articul 2, coma 1 dla L.P. di 17 de setëmber 2013, n. 18 cun la denuminazion Agenzia provinziela per l ambient.

Art. 15/bis (Azes ai dac)

(1)  Per garantì la nfurmazion y consulënza che ie de bujën possa i chemuns y – per si assoziei y scric ite – l’assoziazions de categoria, la cooperatives y i cunsorc di paures azeder ai dac che reverda la derivazions d’ega tratei dala Provinzia autonoma de Bulsan. 18)

18)
L articul 15/bis ie unit njuntà dal articul 2, coma 9 dla L.P. di 21 de juni 2011, n. 4.

Art. 16 (Renuvamënt dla cunzescions)   delibera sentenza

[(1)  Tl respet dla pruzedures a carater publich y do che l ie unit dejëut la valutazion dl dann ambientel o l’ejaminazion dl bujën dla VDA, vën duta la cunzescions de derivazion d’ega, ora che la cunzescions a fin idroeletrich, canche les destoma, renuvedes per trënt’ani, cun la resserva dla fissazion de n tëmp plu curt per ejaminé la mesures che ie de bujën per na bona nuzeda dl’eghes y per smendrì l plu puscibl l dann ambientel, a cundizion che l sibe dat chësta premisses: l ne ie degun nteres publich plu aut, l fin dla nuzeda y la derivazion va inant y ie cumpatibli cun na bona nuzeda dl’eghes, i mplanc curespuend al livel dla tecnica y, tl cajo de cundotes d’ega da bever, ie l chemun a una che l eserzize vënie menà inant aldò dl articul 13 dla lege provinziela di 18 de juni 2002, n. 8 y mudazions suzessives.] 19) 

(2)  Sce, nce do de plu nvic da pert dl ufize cumpetënt dl’Agenzia provinziela per l ambient2), ëssa la cundizions nunziedes tl coma 1 da mancë, ie la cunzescion destumeda y l tituler dla cunzescion muessa tò demez i mplanc y repurté la luegia tla situazion da dant. Tl cajo de cundotes d’ega da bever vëniel aplicà l articul 13, coma 1 dla lege provinziela dl 18 de juni 2002, n. 8, y la cunzescion per l’ega relativa ti vën data al chemun do che chësc à presentà la dumanda relativa.

(3)  Canche la cunzescion destoma possa l ufize cumpetënt dl’Agenzia provinziela per l ambient 2)  dé dant prescrizions revardëntes la defendura dl ambient, i njins tecnics y l eserzize di mplanc.

(4)  La despusizions nunziedes ti comes da dant vën nce aplichedes ai dërc antics de derivazion d’ega recunesciui.

massimeCorte costituzionale - sentenza del 7 maggio 2012, n. 114 - Concessioni di derivazioni di acqua - scadenza - rinnovo automatico trentennale, ad eccezione delle concessioni a scopo idroelettrico - mancata previsione della procedura di VIA - pluralità di concessioni in capo ad un unico titolare - cessione da parte degli enti locali della proprietà degli impianti - isolamento termico degli edifici e utilizzo dell'energia solare - possibilità di derogare alle distanze tra edifici - illegittimità costituzionale
19)
L articul 16, coma 1dla L.P. di 30 de setëmber 2005, n. 7 ie n iede unit mudà tres l articul 2, coma 10 dla L.P. di 21 de juni 2011, n. 4, y pona tres l articul 24, coma 2 dla L.P. di 21 de dezëmber 2011, n. 15 y dadedò unit detlarà anticostituzionel cun la sentënza dla Chëurt costituzionela di 7 de mei 2012, n. 114.
2)
La denuminazion Repartizion provinziela per l’eghes y l’energia ie unida sostituida dal articul 2, coma 1 dla L.P. di 17 de setëmber 2013, n. 18 cun la denuminazion Agenzia provinziela per l ambient.

Art. 17 (Norma transitora revardënta i zitli y i vedli dërc de de pitla derivazions d’ega) 20)

(1)  L’autorisazions ala costruzion y ala nuzeda de zitli dates ora dan l 4 de mei 1999 y la comunicazions n cont de zitli prejentedes dan l 5 de dezëmber 1978 vën tramudedes te cunzescions.

(2)  La dureda dla cunzescion ie de 30 ani dala data dla jita n forza dla lege sun la demanialità dl’eghes de sotfonz. L renuvamënt suzessif vën fat aldò dla normes ududes danora per la cunzescions. 21)

(3)  L tëmp de nuzeda per derivazions ejistëntes d’ega de sotfonz per fins de irigazion va dai 15 de merz ai 15 de nuvëmber, chël per derivazions ejistëntes d’ega de sotfonz da nuzé contra la bruma va dai 15 de merz ai 31 de mei. 22)

(4)  I vedli dërc de nuzeda nia recunesciui de de pitla derivazions d’ega che à l titul de unì recunesciui n basa ai articuli 2 y 3 dl test unich sun l’eghes publiches y i mplanc eletrics apurvà cun decret dl rë ai 11 de dezëmber 1933, n. 1775 ie delidei dala chëuta dl’ega y vën slungei nchin ai 31 de dezëmber 2029. Nce slungedes nchin a chësta data ie la nuzedes che à per oget vedli dërc de de pitla derivazions bele recunesciudes y si variantes; stlutes ora dal slungiamënt ie la derivazions a fin idroeletrich y chëles per l refurnimënt dl’ega da bever publica. 23)

20)
L titul dl articul 17 ie unit mudà tres l articul 10, coma 8 dla L.P. di 22 de jené 2010, n. 2.
21)
L coma 2 ie unit sostituì dal articul 15 dla L.P. di 23 de lugio 2007, n. 6.
22)
L coma 3 ie unit njuntà dal articul 15 dla L.P. di 23 de lugio 2007, n. 6.
23)
L articul 17, coma 4 ie unit njuntà dal articul 10, coma 9 dla L.P. di 22 de jené 2010, n. 2.

Art. 17/bis (Norma transitora revardënta la cunzescions ENEL)

(1)  La cunzescions de de pitla derivazions a fin idroeletrich dates ora dal ENEL s.p.a. che destoma ai 31 de dezëmber 2010 aldò dl articul 1/bis, coma 15 dl decret dl Presidënt dla Republica di 26 de merz 1977, n. 235, y mudazions suzessives, vën asseniedes aldò dla pruzedures de chësta lege. 24)

24)
L articul 17/bis ie unit njuntà dal articul 12, coma 1 dla L.P. di 10 de juni 2008, n. 4.

Art. 18 (Norma transitora revardënta l’ega contra l meldefuech)

(1)  La comunicazions n cont dla derivazions d’ega per spesé i resservares d’ega de nuzeda contra l meldefuech prejentedes dala Repartizion provinziela Bosc nchin ai 31 de dezëmber 2000 vën tramudedes te cunzescions cun la dureda nchin ai 31 de dezëmber dl 2029. La despusizions valëivles tla materia dla gestion dla ressurses idriches muessa unì respetedes.

Art. 18/bis (Norma transitora sun l’autorisazions provisores aldò dl articul 9 dl D.P.R. di 22 de merz 1974, n. 381)

(1)  L’autorisazions provisores per l scumenciamënt di lëures y per l eserzize di mplanc ududes danora dal articul 9 dl decret dl Presidënt dla Republica di 22 de merz 1974, n. 381 vën tramudedes te cunzescions. La dureda dla cunzescion curespuend a chëla dl’autorisazion provisora. La cuantiteies d’ega per la cunzescions relatives ie adatedes aldò dl plann generel per la nuzeda dl’eghes publiches. L renuvamënt dla cunzescion vën fat aldò dl articul 16. 25)

25)
L articul 18/bis ie unit njuntà dal articul 15 dla L.P. di 23 de lugio 2007, n. 6.

Art. 19 26) 

26)
L ntegrea l articul 1, coma 3 dla L.P. di 11 d’auril 2005, n. 1.

Art. 20 (Abrogazions)

(1)  L vën abrogà:

  1. la lege provinziela di 4 setëmber 1976, n. 40, y mudazions suzessives, ora che l articul 16/bis;
  2. la lege provinziela di 23 d’agost 1978, n. 49, y mudazions suzessives.

Art. 21 (Jita n forza)

(1)  Chësta lege va n forza l di do de si publicazion tl Buletin Ufiziel dla Region.

Chësta lege unirà publicheda tl Buletin Ufiziel dla Region. Uni un a chël che ti spieta, à da la respeté sciche lege provinziela y da la fé respeté.