In vigore al

RICERCA:

In vigore al: 21/11/2014

a) Lege Provinziala di 11 de jügn dl 2003, n. 101) 2)
Revardënta la despusizions tla materia dl cunsëi di Chemuns

1)
Publicheda tl U.B. dl 24 de juni 2003, nr. 25.
2)
Ćiara inće i art. 14 y 15 dla l.p. di 8 de forà dl 2010, n. 4.

Art. 1 (Istituzion y cumposizion)

(1) L vën metù su l Cunsëi di chemuns, coche organn de consulta danter la Provinzia autonóma de Bulsan y i Chemuns dl raion provinziel.

(2) L Cunsëi di chemuns ie metú adum da 16 cumëmbri, litei dala senteda generela di ambolc y dla amboltes di chemuns dla provinzia, tl respet dl criter dl proporz de rujeneda y dla reprejentanza dl raion de uni cumenanza comprensoriela.

(3) Dl Cunsëi di chemuns fej pert te uni cajo l presidënt dla urganisazion plu reprejentativa di chemuns dl raion, tla ncëria de presidënt.

(4) La vela vën fata tl lim de tëmp de sies mënsc do la veles cumeneles genereles.

Art. 2 (Dureda dla ncëria, renuveda y destumënza)

(1) L Cunsëi di chemuns resta te si ncëria nchin che l vën renuvà aldò dl articul 1.

(2) La ncëria de n cumëmber dl Cunsëi di chemuns fina canche si ncëria de presidënt dla urganisazion plu reprejentativa di Chemuns destoma unfat per cie gauja, o sce l ne reprejentea nia plu un di ënc nunziei tl articul 1. L cumëmber vën remplazà da chëla persona che sëurantòl la funzion respetiva.

Art. 3 (Ndependënza y autonomia urganisativa)

(1) Tl dejëujer si funzions ie l Cunsëi di chemuns ndependënt.

(2) Per dejëujer si funzions se dà l Cunsëi di chemuns n regulamënt intern.

Art. 4 (Funzions)

(1) Sce l se trata de materies de cumpetënza di chemuns o de materies deleghedes ai chemuns, vëniel audì la minonga dl Cunsëi di chemuns n cont di dessënies de lege prejentei al Cunsëi provinziel y n cont de prupostes per regulamënc y ates aministratives de merca generala prejentei ala Jonta provinziela.

(2) L secretariat dla Presidënza dl Cunsëi provinziel ti fej avëi al Cunsëi di chemuns i dessënies de lege nunziei tl coma 1. Tl cajo de usservazions o prupostes muessa chëstes ruvé tl secretariat dla Presidënza dl Cunsëi provinziel nchin a 30 dis do che l Cunsëi di chemuns à giatà l dessëni de lege o, sce l se trata de n dessëni de lege d’apurvazion o de cumedura dl bilanz o de dessënies de lege de prëscia, muessi ruvé tl secretariat dla Presidënza dl Cunsëi provinziel 10 dis do che l Cunsëi di chemuns i à giatei. L secretariat dla Presidënza dl Cunsëi provinziel manda inant la usservazions o prupostes, ora che al pruponënt dl dessëni de lege, nce ala cumiscion legislativa cumpetënta y po al plenum dl Cunsëi provinziel. Sce la cumiscion legislativa apurvea emendamënc, che reverda cuestions de nteres cumenel, vën chisc mandei dal secretariat dla Presidënza dl Cunsëi provinziel al Cunsëi di chemuns, acioche l feje usservazions y prupostes n cont dl cajo. 3)

(3) L secretariat dla Jonta provinziela ti manda al Cunsëi di chemuns na copia di regulamënc y dla ates aldò dl coma 1. Tl cajo che l fossa unit fat usservazions y prupostes muessa la Jonta provinziela les giaté tl tëmp de 30 dis da canche les ie ruvedes ite o al plu tert 20 dis do, sce l se trata de regulamënc o ates de prëscia.

(4) L Cunsëi di chemuns possa formulé prupostes, minonghes o usservazions al Cunsëi o ala Jonta provinziela sun cuestions de nteres cumenel o sëuracumenel; sce l se l damanda, vën l presidënt dl Cunsëi di chemuns o n si delegà, audì dala cumiscion legislativa dl Cunsëi provinziel cumpetënt per l tratamënt di dessënies de lege nunziei tl coma 1.

3)
L coma 2 ie unit remplazà tres l art. 3 dla L.P. dl 20 de juni 2005, Nr. 3.

Art. 5 (Disposizion transitoria)

(1) Per la prima aplicazion de chësta lege vën l Cunsëi di chemuns lità tl lim de tëmp de sies mënsc da canche chësta lege ie jita n forza.

Chësta lege vën publicheda tl Buletin dla Region. Uni un, a chël che ti spieta, à da la respeté sciche lege provinziela y da la fé respeté.