(1) En atuaziun y por i fins preodüs dal articul 79 dl Statut spezial de autonomia por la Regiun Trentin-Südtirol, vëgnel metü sö pro la Direziun generala dla Provinzia na zentrala de valutaziun por fà i controi, inće de colaboraziun, por l’ativité de verda sön l’arjunjimënt di obietifs de finanza publica y de control suandënt sön la bona gestiun, che reverda i ënć locai y i atri sogeć individuà dal articul 79, coma 3, dl Statut spezial. [Al eserzitëia inće les funziuns de control preodüdes dai articui 148 y 148/bis dl decret legislatif di 18 d’agost dl 2000, n. 267, y mudaziuns suandëntes, che vëgn eserzitades tl rest dl raiun nazional da d’atri organns.] I resultać di controi ti vëgn lascià alsavëi al Consëi provinzial, ala Junta provinziala y ala seziun dla Curt di cunć competënta. 45)46)
(2) La zentrala de valutaziun laôra te na posiziun de independënza de iudize y de valutaziun y tla plëna autonomia en colaboraziun cun la Direziun generala y, eventualmënter, en acordanza cun d’atri ënć o istituziuns publics. Ala Direziun generala ti spétel le compit de orientè, coordiné y ester de verda al eserzize independënt dles funziuns de valutaziun y de control, de garantì la trasparënza dles modalitês y di sistems operatifs, y de garantì la comparabilité y la visibilité di indesc d’andamënt gestional.
(3) La zentrala de valutaziun é n organn colegial metü adöm da cin componënć chiris fora danter esperć da na gran profescionalité, inće da fora dl’aministraziun; i componënć vëgn nominà dal Presidënt dla Provinzia, tl respet dles medemes oportunitês por ëi y ëres, por cin agn y po gnì reconfermà ma un n iade. Un n mëmber vëgn nominé sön indicaziun dl Consëi provinzial y un n mëmber vëgn nominé sön indicaziun dl Consëi di Comuns. I componënć ne po nia gnì chiris fora danter porsones che à inćiaries litales publiches o inćiaries te partis o organisaziuns sindacales, o che à albü de te’ inćiaries ti trëi agn dan la nominaziun y, a vigni moda ne dessi nia avëi interesc che va cuntra les funziuns dla zentrala.
(4) La zentrala de valutaziun definësc cun de sü ać interns les modalitês che reverda so funzionamënt; ara po s’anuzé de n contingënt de personal de alplü 15 unitês. Chisc posć vëgn curis ma cun personal dl’aministraziun provinziala o de d’atres aministraziuns publiches, zënza aumentè le contingënt de personal complessif dles aministraziuns de provegnënza.
(5)Por ći che reverda l’aministraziun provinziala y i ënć che depënn da d’ëra, controlëia la zentrala de valutaziun inće, tres na valutaziun comparativa di cosć y di rendimënć, l’arjunjimënt di obietifs, la gestiun coreta y economica dles ressurses, la legitimité, l'imparzialité y le bun andamënt dl'aziun aministrativa; por chësc fin fêjera, en general, vigni ativité che reverda le control intern, sciöche definì dal ordinamënt varënt. 47)48)
L’art. 24, coma 1 é gnü mudé insciö dal art. 12, coma 2 dla l.p. di 20 de dezëmber dl 2012, n. 22.
Cun sentënza di 26 de forà dl 2014, n. 40 à la Curt Costituzionala detlarè incostituzional l'art. 12, coma 2 dla lege provinziala di 20 de dezëmber dl 2012, n. 22, che â integrè l'art. 24, coma 1 dla lege provinziala di 23 d'aurì dl 1992, n. 10 cun la penultima frasa.
L'art. 24 é gnü sostituì insciö dal art. 32, coma 3, dla l.p. di 21 de dezëmber dl 2011, n. 15.
L'art. 24, coma 5 é gnü mudé insciö dal art. 16, coma 1 dla l.p. di 7 d’aurì dl 2014, n. 1.