(1) Les scores d’alpinism é organisaziuns stabiles che destriga profescionalmënter l’ativité d’insegnamënt dles tecniches alpinistiches y schialpinistiches cun cursc da jì sön sas, sön dlacia, da jì cun i schi da tours, inće tres l’acompagnamënt pro escursciuns da munt sö y cun i schi da tours, zënza limitaziuns de dorada y dl numer di partezipanć.
(2) Les scores d’alpinism po gnì istituides da almanco un n mënacrëp che, por le destrigamënt dl'ativité, mëss colaurè cun almanco dui mënacrëp.
(3) Mëte sö na scora d’alpinism é sotmetü ala autorisaziun da pert dl assessur provinzial competënt tla materia che la relascia do avëi ciafè l’arat dala ćiamena profescionala provinziala di mënacrëp y dla consulta provinziala por les ativitês alpinistiches. L’autorisaziun mëss gnì renovada vigni trëi agn.
(4) L’ativité d’insegnamënt tles scores d'alpinism po ma gnì destrigada da mënacrëp y dai aspiranć mënacrëp scrić ite tl register provinzial o agregà por n pez. Le numer di aspiranć mënacrëp ne dess nia ester plü alt co chël di mënacrëp,.
(5) Aladô de chësta lege ne n’é les ativitês alpinistiches organisades da lies da munt reconesciüdes, che laôra aladô dl statut por sü comëmbri y zënza fins de davagn, nia sotmetüdes a na autorisaziun. I istruturs dles lies da munt pîta süa colauraziun nia profescionalmënter y ai ne po ciafè degöna sort de compëns.