(1) Tla pröma aplicaziun dla lege y por n tëmp de cin agn dala jüda en forza po les funziuns de coordinadù preodüdes dal articul 16, inće gnì surantutes da operadus che à le diplom de maturité. Ćina ala nominaziun di coordinadus raionai da pert dl ënt de gestiun di sorvisc soziai, conferësc la Junta provinziala inćiaries temporanes zënza tignì cunt dl atestat de idoneité preodü dal articul 16, coma 1, lëtra c).
(2)55)
(3) I laûrs de costruziun, ampliamënt y dortorada che é tl laûr da gnì realisà tl momënt dla jüda en forza de chësta lege, y che é gnüs metüs man sön la basa dles leges che à valü ćina chësc momënt, vëgn portà a fin se tignin ai criters y ales deposiziuns da denant.
(4) Cun faziun dala data de insediamënt dla Consulta provinziala por l’assistënza soziala preodüda dal articul 3, vëgnel descomponü chisc organns colegiai:
- la comisciun provinziala por l’assistënza ala jënt atempada;
- le comitê provinzial por i zëntri de consulënza dles families;
- la consulta provinziala por l’aiüt ales porsones cun handicap;
- le comitê provinzial por la prevenziun, cura y reabilitaziun dles formes de comportamënt sozial falè, dependënza da droghes y consum de alcol;
- la comisciun provinziala por l’assistënza de basa;
- la consulta provinziala por l’assistënza ales ëres.
(5)56)
(6)57)
(7) Ćina che al gnarà atuè l’articul 11 de chësta lege ti vëgn la conzesciun di contribuć por l’istalaziun dl telefonn aladô dl articul 23, coma 1, lëtra g) dla lege provinziala di 30 d’otober dl 1973, nr. 77, integrada dal articul 37 dla lege provinziala di 14 de dezëmber dl 1988, n. 56, y regolamentada cun decret dl presidënt dla Provinzia di 17 de messè dl 1989, n. 16, delegada ai ënć de assistënza comunai de Balsan y Maran y ai consorc di ënć de assistënza comunai istituis aladô dla lege provinziala di 26 d’otober dl 1973, n. 69. Cuntra la dezijiun dl comitê tecnich de paiamënt y de assistënza preodü dal articul 3, lëtra d) dla lege provinziala di 26 d’otober dl 1973, n. 69 él poscibl da fà recurs aladô dl articul 3 dl Decret legislatif dl governadù di 22 de merz dl 1945, n. 173. I ënć por l’assistënza de basa finanziëia i cosć cun i mesi metüs a deposiziun ann por ann dala Junta provinzala sön la basa dl articul 2 dla lege provinziala di 26 d’otober dl 1973, n. 69.
(8) L’articul 2, coma 2 dla lege provinziala di 14 de dezëmber dl 1974, n. 36 y articul 2, coma 1 dla lege provinziala di 16 de jenà dl 1976, n. 4 vëgn abrogà.
(9) - (10)58)
(11)59)
(12) La Junta provinziala po ti conzede ales porsones che tol pert a cursc de formaziun profescionala tl setur di sorvisc soziai, olache al vëgn odü danfora n practicum, n sostëgn finanziar por le practicum, tan inant che ara se trata de cursc a tëmp plëgn o tl caje de cursc tratan le laûr, tan inant che la porsona che tol pert ne n’à degun davagn o à n davagn anual che ne va nia sura l’import anual dl minimum de vita. 60)
(13)61)
(14)62)
Le coma 2 é gnü abroghè dal art. 17 dla l.p. di 11 de novëmber dl 1997, n. 16.
Abroghè dal art. 20, coma 2 dla l.p. di 21 de jenà dl 1998, n. 1.
Integrëia l’art. 36 dla l.p. di 30 d’otober dl 1973, n. 77.
Contëgn mudaziuns al D.P.J.P. di 6 de messè dl 1990, n. 14.
Müda l’art. 22 dla l.p. di 18 d’agost dl 1988, n. 33.
Le coma 12 é gnü sostituì dal art. 27 dla l.p. di 28 de messè dl 2003, n. 12.
Müda l’art. 15 dla l.p. di 30 de jügn dl 1983, n. 20.
Müda l’art. 1 dl D.P.J.P di 17 d’otober dl 1975, n. 49.