(1) I manajadus di sorvisc soziai y di sorvisc sanitars ambulanć, semiresidenziai y residenziai por porsones nia autosufiziëntes atives te n cer’ ambit raional mët sö a öna cun i ënć locai y cun la colaboraziun dles organisaziuns zënza fin de davagn atives tl ćiamp, n sorvisc raional unitar sides por informè y acompagné les porsones nia autosufiziëntes y sü familiars, che por coordiné le miù che ara va sü sorvisc y intervënć.
(2) I ambić raionai y les formes organisatives vëgn definis dala Junta provinziala.
(3) Por realisé ći che é preodü dal coma 1 vara da baratè fora dać y informaziuns, inće personai y sensibli, danter i ënć che fej para.
(4) La partezipaziun a chisc sorvisc raionai costituësc la condiziun por l’acreditamënt di sorvisc. 33)
