(1) I ënć de gestiun di sorvisc soziai y i ënć publics y privać che laôra tl ćiamp di sorvisc soziai determinëia vigni ann, en gaujiun dl’aprovaziun dl bilanz de previjiun, i cosć che reverda i sorvisc y les ativitês che vëgn stabilis separatamënter, aladô dles prestaziuns o di dis de frecuënza.
(2) I cosć vëgn stabilis sön la basa di cosć complessifs dl sorvisc y tol inće ite dötes les spëises por le paiamënt dl personal, por l’assistënza y le mantignimënt dles porsones assistides sciöche vigni atra spëisa che porta pro ai cosć dl sorvisc.
(3) Pro i cosć âldel inće les spëises por l’amortamënt, la manutenziun y le renovamënt dles strotöres che é a ćiaria dl ënt de gestiun; indöt ne poi nia fà fora plü co le 5 porcënt di cosć stabilis aladô dl coma 2. 27)
(4) Les tarifes vëgn stabilides dal ënt aladô di cosć y dles prioritês de program de vigni sorvisc, sciöche inće dles poscibilitês finanziares dles porsones assistides sciöche ares vëgn determinades tl regolamënt d’esecuziun preodü dal articul 7.
(5) Les tarifes y i cosć ne po nia gnì stabilis te na manira retroativa.
(6) Implü vëgn les tarifes y i cosć determinà tl respet dles diretives y di criters stabilis dala Provinzia. 28)