(1) L'Istitut provinzial por l’assistënza al’infanzia é n istitut de pröma acoliënza transitora. 2)
(2) L'istitut à dantadöt le compit da tó sö y assistì a tëmp parzial o a tëmp plëgn i mituns/les mitans ćina trëi agn, eventualmënter adöm cun sües umes:
(2/bis) Süa sojornanza tl istitut se röia canche al n'é nia plü les dificoltês che à portè pro al'acoliënza tl istitut y, ater co te caji ezezionai, ne poi nia stè dailò plü co sis mëisc. 4)
(3) L'Istitut tol sö y ćiara temporaneamënter y transitoriamënter inće dles ëres tratan che ares aspeta ti caji de bojëgn particolar. 2)
(1) L'istitut vëgn gestì en economia, aladô dles normes provinziales varëntes sön la gestiun di sorvisc en economia.
(2) L'istitut à n so bilanz, aprovè dala Junta provinziala, olache i resultać finai forma l'oget de capitui aposta da scrì ite tla pert che reverda i stabilimënć speziai dl bilanz dla Provinzia.
(3) Le paiamënt al dè vëgn determiné por vigni eserzize finanziar, dala junta provinziala, sön proposta dl assessur/dl'assessuria che se crüzia dl'assistënza por l'infanzia.
(4)5)
(1) La verda dl istitut ti speta al assessur provinzial/al'assessuria provinziala por l'assistënza di mëndri.
(1) L'acoliënza di mituns/dles mitans, dles ëres che aspeta y dles umes vëgn a s'al dè sön proposta dl sorvisc sozial provinzial, cun l'autorisaziun, por rajuns aministratives, dl ofize provinzial por le sorvisc d'assistënza minorila.
(1) I sorvisc dl istitut é partis sö insciö:
(1) La junta provinziala chir fora y nominëia le diretur/la direturia danter le personal dependënt incadrè altamo tl VI livel funzional, che à n'esperiënza de laûr de altamo cater agn tl sorvisc spezialisé por la pröma infanzia.
(2) Le diretur/la direturia se crüzia da tó sö y lascè jì i mituns/les mitans, les ëres che aspeta y les umes, ćiara sura i sorvisc d'assistënza, aministratifs y ausiliars, tëgn i raporć cun les aministraziuns, i ënć y le publich y regolamentëia inće i turnus de laûr dl personal.
(3) L'educadù profescional/l'educadëssa profescionala, o n operadù designé/n'operadëssa designada por chësc dal diretur/dala direturia danter le personal preodü dal articul 8, coma 2, coordinëia le personal de verda y assistënza direta di mituns/dles mitans, se crüzia di raporć d'assistënza cun les umes tl istitut y sostituësc le diretur/la direturia sce al/ara n'é nia o ne sciafia nia. 6)
(1) La verda sanitara tl Istitut provinzial por l’assistënza al’infanzia y la consulënza pediatrica y de cura di viadus vëgn eserzitades dal'aziënda speziala Unité sanitara locala Zënter Süd.
(2) L'assistënza medich-infermieristica mëss gnì garantida dala aziënda speziala Unité sanitara locala Zënter Süd nominada dessura y i cosć che alda laprò é a ćiaria dl fonds sanitar provinzial.
(3) L'assessur provinzial competënt/l'assessuria provinziala competënta por l'assistënza al'infanzia à l'autorisaziun da stlü jö cun l'aziënda speziala Unité sanitara locala Zënter Süd na convenziun aposta por la regolamentaziun di intervënć preodüs dai comesc 1 y 2, aladô dl model de convenziun aprovè dala junta provinziala. 7)
(1) Por le desfiramënt regolar di sorvisc d'aministraziun y d'economat ti vëgnel dè al diretur/ala direturia dl istitut n dependënt provinzial/na dependënta provinziala de rode aministratif general.
(2) Chësta porsona dëida le diretur/la direturia tla gestiun dl istitut aladô dles leges y di regolamënć varënć, pro i ademplimënć aministratifs y de secretariat che reverda l'istitut y ti raporć cun i ënć y les porsones fora dl istitut.
(1) Por sostignì la colaboraziun danter i sorvisc desvalis dl istitut vëgnel metü sö na comisciun consultiva metüda adöm dal diretur/dala direturia dl istitut, che la chërda ite y é a će d'ëra, dal diretur sanitar/dala direturia sanitara, dala porsona inćiariada di sorvisc d'economat, dal caplan y da na rapresentanza dl personal dl istitut.
(2) Pro la comisciun nominada dessura toca inće n assistënt sozial/n'assistënta soziala por le setur minoril.
(3) Sce al va debojëgn pol gnì damanè, sön proposta dla comisciun, esperć/espertes che tol pert ales sentades.
(1) Pro l'Istitut provinzial por l’assistënza al’infanzia vëgnel ametü les studëntes de scores por l'assistënza al'infanzia, do avëi ciafè l'autorisaziun dl diretur sanitar/dla direturia sanitara y avëi aldì la comisciun preodüda dal articul 11 de chësta lege. Les studëntes ametüdes mëss se tignì ales istruziuns dl personal dirigënt dl istitut y po stè debann tl istitut.
(2)5)
(3) Le personal ausiliar po inće gnì tut sö zënza concurs publich tres nominaziun por cherdada de porsones cun les condiziuns scrites dant.
(4) Denanco mëte man da laurè vëgn le personal preodü dai comesc da denant de chësc articul sotmetü a na vijita dl dotur por azertè l'idoneité fisica por le laûr dl istitut.
(5) Al personal dl istitut ti vëgnel apliché les normes sön le tratamënt iuridich y economich dl personal provinzial, sce al ne vëgn nia preodü atramënter da chësta lege.
(1) Al personal en sorvisc canche chësta lege va en forza ti vëgnel dè le paiamënt colié ai parametri dà dant tla tabela dl personal ajuntada.
(1) Cun la jüda en forza de chësta lege vëgnel abroghè la lege provinziala di 12 d'agost dl 1965, n. 10, sön le medemo argomënt.
(1) Te sis mëisc dala jüda en forza de chësta lege se cruziaràn dl'emanaziun de n regolamënt d'esecuziun aposta.
(2) Chësc regolamënt regolamentarà la sort y les modalitês de conduziun dla gestiun, le funzionamënt dla comisciun consultiva por le coordinamënt di sorvisc, les modalitês de funzionamënt di sorvisc dl istitut y i compić de so personal.
(3) Chësta lege gnarà publicada tl Boletin Ofizial dla Regiun. Vignun a chël che al ti speta mëss la respetè y la fà respetè sciöche lege dla Provinzia.