o) DELIBERAZIONE DELLA GIUNTA PROVINCIALE 15 settembre 1997, n. 4611 1)
Approvazione dello statuto del Museo provinciale dell'Alto Adige per la cultura e la storia ladina

(1) L diretëur vën numinà aldò dla disposizions valëivles tl Sudtirol n cont dl ordinamënt dl personal provinziel. Sciche funzionèr dirigënt dl museum ie l diretëur respunsabl dla esecuzion dla deliberes dl cunsëi de aministrazion y dla aministrazion ordinèra aldò dla istruzions dl cunsëi de aministrazion y dl presidënt.

(2) L diretëur à chisc duvieres:

• 1)  l seuranstà al personal dl museum. Aldò dla disposizions valëivles ie la gestion dl personal dl museum de si cumpetënza;
• 2)  l mantën i cuntac cun istituzions, enc y scienziac;
• 3)  aldò dla dezijions dl cunsëi de aministrazion còmprel pec y materiai che ie de nterés per l museum;
• 4)  l ie respunsabl dla cunservazion di pec metui ora y tenìi su tl museum;
• 5)  l ie respunsabl dla documentazion scientifica y dla publicazions dl museum;
• 6)  l njinia la relazion de fin dl ann sun l' atività dl museum, sun l bilanz preventif, la variazions dl bilanz y dl cont cunsuntif;
• 7)  l sotscrij i òrdens de scudimënt y, adum cun l presidënt de aministrazion, i mandac de paiamënt.