j) Lege Provinziala di 23 de novëmber dl 2010, n. 141)
Urdinamënt di raions da jì cun i schi

(1) Dan dé ora la cunzescion dl frabiché se damanda l Chemun dal diretëur dla Repartizin provinziela Turism l bensté per pudëi njinië ite raions da jì cun i schi atrezei aldò dl articul 2, coma 2, pustoms a), e), f) e g).

(2) L diretëur dla Repartizion provinziela Turism dà l bensté nunzià tl coma 1 dessëura, do avëi tëut ite l arat di ufizies nunziei tlo dessot y do avëi, n cajo, custituì la servitù aldò dl articul 24:

1. dl ispetorat furestel cumpetënt per l teritore, cun referimënt ala situazion furestela, al’idoneità sota l aspet idrogeologich y al pericul de smueies;
2. dl’azienda speziela per la defendura dl terac y la regulazion di ruves, cun referimënt, sce n cajo, ala costruzions de prevenzion contra l pericul de levines;
3. dl servisc provinziel prevenzion de levines, cun referimënt al pericul putenziel de levines.

(3) Do che l ie unit njinià ite n raion da jì cun schi atrezà, à l nteressà l duvier de ti comuniché al chemun cumpetënt y per cunescënza ala Repartizion provinziela Turism che i lëures ie finei. La comunicazion ie acumpanieda da na relazion de n tecnich abilità, scrit ite tl regsiter prufescionel curespundënt, che zertifichea la cunformità dla strutures eventualmënter realisedes cun l proiet apurvà sciche nce la usservanza dla prescrizions cuntenides tl bensté nunzià tl coma 1.