Publicheda tl B.U. Ai 30 de setëmber 2008, nr. 4.
(1) Dé albierch a ghesć te alojamënc ie sometù ala despusizions nunziedes tla lege provinziela di 11 de mei 1995, n. 12 y mudazions dadedò. L'atività possa unì dejëuta tl cheder dl volum abitatif lascià pro aldò dla despusizions dla leges urbanistiches.
(2) L'atività d'alojamënt possa nce tò ite l dé ora da maië y da bever ai ghesć alojei aldò dl coma 1. Te chësc cajo ne reprejentea l dé ora da maië y da bever ai ghesć alojei deguna atività a pert; la spëisa piteda, ora che l pan y la deuciaries da pech, muessa vester fata per almanco l 80 percënt da prudoc dl'azienda agricula o de aziendes agricules dl raion, nce assoziedes. La perzentuela data sëura ie ududa n referimënt ai prudoc che vën adurvei ntan dut l ann per l'atività de feries sun l luech da paur.