b) Lege provinziala di 30 de jenà dl 2006, n. 11)
Desposiziuns sön i implanć da föm y i impedimënć por l’aviaziun

(1) Les furnadoies vëgn partides sö te:

1. furnadoies por le trasport de porsones y cosses;
2. de gran teleferiches da material che vëgn ma adorades por trasportè cosses;
3. de pices teleferiches da material y föms da sbalz ma por trasportè cosses, sciöche inće teleferiches da material temporanes por trasportè lignan.

(2) De pices teleferiches da material conscìdron chëres cun na ćiaria utilisabla mascima che vëgn stabilida cun regolamënt d’esecuziun.

(3) Cun föms da sbalz intënon fis o föms trać, zënza corda de traziun, por trasportè cosses tres la forza de gravité.

(4) Les teleferiches da material temporanes por trasportè lignan é furnadoies che vëgn ma metüdes sö por n tëmp limité.